ކުދިން ޒިންމާދާރުކުރުވުމަށް އެންމެ ތުއްތު އިރުއްސުރެ ގޭތެރޭ މަސައްކަތް ކުރުވާ

ކުދިން ޒިންމާދާރު ކުރުވުމަށް ގޭތެރޭގެ މަސައްކަތްތަކުގައި އެކުދިން ބައިވެރިކުރުވުމަކީ ވަރަށް މުހިންމު ކެމެކެވެ. ކުދިންގެ އުމުރުން 2 އަހަރުން ފެށިގެން ގޭތެރޭގެ ކުދިކުދި މަސައްކަތްތައް އެކުދިން ލައްވައި ކުރުވިދާނެއެވެ. ނަމަވެސް ހަނދާންކުރަންވީ ކަންކަން ކުރުވަންވާނީ އުމުރާއި ގުޅޭގޮތުންކަމެވެ.

އުމުރުން 2 އަހަރާއި 3 އަހަރު:

advertisement

މި އުމުރުގައި ކުދިން ލައްވައި ކުރުވިދާނެ ކަންތައްތަކުގެ ތެރޭގައި ކުޅޭ ތަކެތި ހުންނަންޖެހޭ ތަންތަނަށް އެޅުން ހިމެނެއެވެ. މިކަން ގޭމެއްގެ ގޮތުގައިވެސް ކުޅެވިދާނެއެވެ. އެގޮތުން ކުޅޭތަކެތި އެ ހުންނަންޖެހޭ ތަންތަނަށް އެޅުމުގައި އަވަހަށް ކުރެވެނީ ބެލެނިވެރިޔާއަށް ނުވަތަ ދަރިފުޅަށްތޯ ބެލިދާނެއެވެ. މިއީވެސް އެކުދިން މިކަން ކުރާހިތް ވާނެކަމެކެވެ.

އަންނައުނުގެ ކުލަތައް ވަކިން ފަތްޖެހުން. މިއީ ކުއްޖާގެ ސިކުނޑިވެސް ތަނަވަސްވުމަށް އެހީތެރިވެދޭނެކަމެކެވެ.

ދަރިފުޅަށް ކުރެވޭނެ ކަންކަން ކުރުމަށް ދަރިފުޅަށް އިރުޝާދު ދެވިދާނެއެވެ. މިސާލަކަށް ވަކި އެއްޗެއް ޑަސްބިނަށް ލުމަށް އިރުޝާދުދެވިދާނެއެވެ.

3 އަހަރާއި 4 އަހަރު:

ދަރިފުޅުގެ އުމުރާއި އެއްވަރުގެ  ތިމާގެ ކުދިން އުޅޭނަމަ ގޭތެރޭގެ މަސައްކަތް ކުރުމަށް ދަރިފުޅާއި އެކުގައި މަސައްކަތްކުރުމަށް އެކުދިންނަށް ދައުވަތު ދެވިދާނެއެވެ. މިސާލަކަށް ބޭނުންނުވާ ކުޅޭ ސާމާނު އުކާލަނީނަމަ އެތަކެތި ޑަސްޓްބިންއަށް އެޅުމުގެ މަސައްކަތް ހަވާލުކުރެވިދާނެއެވެ.

ކާމޭޒުމަތީގެ މަސައްކަތްތަކުގައި އެހީތެރިކަން ހޯދިދާނެއެވެ. މިސާލަކަށް ތައްޓަށް ފެންއެޅުން މޭޒުމަތީގައި ތަށި ސަމުސާ ފަދަ ތަކެތި އެތުރުމަށް ދަރިފުޅުކައިރީގައި ބުނެވިދާނެއެވެ.

4 އަހަރާއި 5 އަހަރު:

މި އުރުމުރައި ހޭލައިގެން އަމިއްލައަށް ދަރިފުޅުގެ ކަންކަން ކުރުމަށް ތަރުބިއްޔަތު ކުރެވިދާނެއެވެ. މިސާލަކަށް އަމިއްލައަށް ތަންމަތި އެޅުމާއި، ނިދާހެދުން ބަދަލުކުން ފަދަ ކަންކަން ހިމެނެއެވެ.

ބެލެނިވެރިޔާ ބަދިގޭގައި ކައްކާއިރު ތަކެތި ކޮށުމުގައިވެސް ދަރިފުޅުގެ އުމުރާއި ގުޅޭގޮތުން މިއީ އެހީތެރިކަން ހޯދިދާނެ އުމުރެކެވެ.

5 އަހަރާއި 6 އަހަރު

މި އުމުރުގައި އަމިއްލައަށް އަލަމާރީގައި ހުންނަ މޭވާ ނަގައިގެން ކެއުން ނުވަތަ ގޭތެރޭގެ ގަސްތަކަށް ފެންދިނުން ފަދަ ކަންކަން ދަރިފުޅު ލައްވައި ކުރުވިދާނެއެވެ.