ކިޔެވުމަށް ކުދިންގެ ޝައުގުވެރިކުރުވުމަށް މިކަންކަން ކުރެވިދާނެ

ބައެއް ކުދިންނަކީ ކިޔެވުމަށް މާބޮޑު ސަމާލުކަމެއް ނެތް ކުދިންނެވެ. ކިޔަވަން ޖެހިއްޖެނަމަ އެކިއެކި ބަހަނާތައް ދައްކާ ކުދިން މަދެއް ނޫނެވެ. ނަމަވެސް ކިޔެވުމަށް ކުދިން ޝައުގުވެރި ކުރުމވުމަށްޓަކައި ބެލެނިވެރިންނަށް ގޭގައި ކުރެވިދާނެ ކަންތައްތަކެއް އެބަހުއްޓެވެ. އެގޮތުން މި އާޓިކަލްގައި މި ބަލާލަނީ ކުދިން ކިޔެވުމަށް ޝައުގުވެރިކުރުވުމަށްޓަކައި ބެލެނިވެރިންނަށް ކުރެވިދާނެ ބައެއް ކަންކަމަށެވެ.

ކިޔެވުމަށް އެކަށީގެންވާ މާހައުލެއް ގާއިމުކުރުން

advertisement

ކުއްޖާ ގާތު ކިޔެވުމަށް ބުނުމުގެ ކުރިން ކުއްޖާ ކިޔަވާ ހިތްވާ ކަހަލަ މާހައުލެއް ހޯދައިދިނުމަކީ އެކުދިންގެ ޝައުގުވެރިކަން ކިޔެވުމަށް ލަންބުވާލުމަށް ކުރެވިދާނެކަމެކެވެ. ކުޑަކުދިންނަށް ބޮޑަށް ކަމުދާ ބާވަތުގެ ތަކެތި އެ ތަނެއްގައި ހުރުން މުހިއްމެވެ. އެގޮތުން ހޮބީ ބޭގެއް ފަދަ އެއްޗެއް ދެވިދާނެއެވެ.

ކިޔެވުމުގެ ތާވަލު ކުދިން ލައްވާ ހެދުން

ކިޔެވުމަށް ނުވަތަ ދުވަހުގެ ތާވަލު ރާވާއިރު ކުއްޖާ ލައްވާ އެކަން ކުރުވާށެވެ. ކުއްޖާ އަމިއްލައަށް ހަދާފައިވާ ތާވަލާއި އެއްގޮތަށް ކަންތައްތައް ކުރުމަކީ އެކުދިން ޝައުގުވެރިވާނެ ކަމެކެވެ.

ބުލެޓިން ބޯޑެއް ތައްޔާރު ކުރުން

މި ބްލެޓިން ބޯޑުގައި ކުއްޖާގެ ތާވަލުތަކާއި ކުއްޖާ ކިޔެވުމުގައި ކުރާ ކަންތައްތަކުގެ ފޮޓޯތަކާއި ކުއްޖާގެ ޕޯސްޓަރުތަކާއި، ކުއްޖާ ބުނެފައިވާ ބުނުން ފަދަ އެއްޗެހި ބަހައްޓާށެވެ. މި ބޯޑު ވާން ޖެހޭނީ ކުދިންގެ ސަމާލުކަން ލިބޭ ގޮތަށް އުފެއްދުންތެރި ގޮތަކަށް ހަދާފައިވާ އެއްޗަކަށެވެ.

ކިޔަވާ ތަނުގައި ބޯޑާއި ޗޯކު ނުވަތަ މާކަރު ބެހެއްޓުން

ކުއްޖާ ކިޔަވާއިރު ކުއްޖާއަކީ ޓީޗަރު ކަމަށް ހަދާށެވެ. ވައިޓް ބޯޑު ނުވަތަ ބްލެކް ބޯޑުގައި ލިޔެގެން ކިޔަވަން ޖެހުމުން ކުދިން އެކަމަށް ޝައުގުވެރިވާނެއެވެ.

މިއީ ގޭތެރޭގެ މާހައުލަކީ ކުއްޖާ ކިޔަވާ ހިތްވާ ތަނަކަށް ހެދުމަށްޓަކައި ބެލެނިވެރިޔާއަށް ކުރެވިދާނެ މުހިންމު ބައެއް ކަންކަމެވެ.