ކުޑަކުދިން ލޭމައްޗަށް ދިއުމުގެ އަލާމާތްތަކަކީ ކޮބާ؟

އިންސާނާގެ ހަށިގަނޑުގައި ހިނގާ ލޭ ހަށިގަނޑުގެ އެކި ގުނަވަންތަކަށް ފޮނުވައި ދިނުމުގައި ނުވަތަ ލޭހިނގުމުގައި ވަކި މިންވަރެއްގައި އަބަދުވެސް ހިނގަހިނގާ ހުރެއެވެ. ހަށިގަނޑުގައި ލޭހިނގުމުގެ މިންގަނޑު(ލޭގެ ޕްރެޝަރު) ހުންނަންޖެހޭ މިންވަރަށްވުރެ މަތިކޮށް ހުންނަނަމަ އެއީލޭމައްޗަށްދިއުން ކަމުގައި ބެލެވެއެވެ. ހަށިގަނޑުގައި ލޭގެ ޕްރެޝަރު ހުންނަންޖެހޭ މިންގަނޑުގައި ހުރުމަކީ ޞިއްޙަތު ސަލާމަތުން ހުރުމަށްޓަކައި ކޮންމެހެން ބޭނުން ކަމެކެވެ.

ކުޑަކުދިން ލޭމައްޗަށް ދާނަމަ އެއީ ހެދިބޮޑުވުމުގައި މައްސަލަތަކެއް އުޅޭކަމުގެ ނިޝާނެކެވެ. މިއީ ބެލެނިވެރިން ވަރަށް ބޮޑަށް ސަމާލުކަން ދޭންޖެހޭ ކަމެކެވެ.

advertisement

ލޭމައްޗަށް ދިޔުމަކީ ހަށިގަނޑުގެ އެތައް ގުނަވަނަކަށް ގެއްލުން ލިބިދާނެ ކަމެކެވެ. އެހެންކަމުން ޅަ އުމުރުގައި މިފަދަ ކަމެއް ތަހައްމަލު ކުރަން ޖެހުމަކީ ވަރަށް ވޭން ހުރި ހިތާމަވެރި ކަމެކެވެ. ކުޑަކުދިންގެ ފަރާތުން ލޭ މައްޗަށް ދިޔުމުގެ އަލާމާތް ފެންނަ ނަމަ އެކަމަށް ފަރުވާތެރިވާން ވާނެއެވެ. ކުޑަކުދިން ލޭ މައްޗަށް ދާކަމުގެ އަލާމާތްތަކުގެ ތެރޭގައި މާގިނައިން ބޮލުގަ ރިއްސާ، ކުއްލި ކުއްލިއަށް މާބޮޑަށް ބަލިވުން، މޭގައި ރިއްސުން އަދި ހޮޑުލުން ހިމެނެއެވެ. މީގެއިތުރުން ހިތުގެ ހިނގުން އަވަސްވެ، ނޭވާލާން އުދަނގޫވެ ކުރު ނޭވާތަކެއް ލުން، ބޮލަށް އެނބުރެނި އަރާ، ނޭފަތުން ލޭ އައިސް، ހޮޑުލަވާ، އޯކަށް ދެމޭ ގޮތް ވާނަމަ ވީހާވެސް އަވަހަކަށް ޑޮކްޓަރަށް ދައްކަން ޖެހޭނެއެވެ.

ކުޑަކުދިން އާއްމުގޮތެއްގައި ލޭ މައްޗަށް ދަނީ ހިތުގެ މައްސަލައެއް ހުރުމުން، ނުވަތަ ކިޑްނީގެ ކޮންމެވެސް ބައްޔެއް ހުރުމުގެ ސަބަބުންނެވެ. ދިފާއީ ނިޒާމު ބަލިކަށުވުމާއި މާބޮޑަށް ފަލަވުމުގެ ސަބަބުން ވެސް ކުޑަކުދިން ލޭމައްވަށް ދާނެއެވެ.

މިފަދަ ކުދިންގެ ކެއުމުގައި ވީހާ ވެސް ބޮޑަށް ހަށިގަނޑަށް ފައިދާހުރި މޭވާގެ ބާވަތްތައް ހިމެނުން މުހިއްމެވެ. މީގެއިތުރުން ސްކްރީންތަކާއި ވެސް ވީހާ ވެސް ބޮޑަކަށް ކުދިން ދުރުކުރަން ޖެހޭނެއެވެ.