ހަމުގެ ކެންސަރުން ސަލާމަތްވުމަށް ވިޓަމިން އޭ ލިބޭ ކާނާ ކެއުން މުހިންމު

ކެންސަރަކީ އާދަޔާ ޚިލާފު ސެލްތަކެއް ކޮންޓްރޯލެއް ނެތި އިތުރުވަމުން ގޮސް ވަށައިގެންވާ ސެލްތަކަށް ނުވަތަ ގުނަވަންތަކުގެ ތެރެޔަށްވެސް ވެރިވުމުގެ ސަބަބުން ދިމާވާ މައްސަލަތަކަށް ކިޔާ ނަމެކެވެ. ކެންސަރުގެ ސަތޭކަ އެތައް ވައްތަރެއް ހުރެއެވެ. ކެންސަރަށް ނަންދެވެނީ މިމައްސަލަ ދިމާވާ ސެލްގެ ބާވަތަށް ނުވަތަ ގުނަވަނަށް ނިސްބަތްކޮށެވެ. އިންސާނާގެ އެކިއެކި ގުނަވަންތަކަށް ކެންސަރު ޖެހެއެވެ. އޭގެތެރޭގައި ހަމުގެ ކެންސަރުވެސް ހިމެނެއެވެ. އެންމެ އާއްމުކޮށް ޖެހޭ ކެންސަރުގެ ތެރެއިން ދެވަނައަށް އެންމެ ގިނައިން މީހުންނަށް ޖެހޭ ކެންސަރަކީ ހަމުގެ ކެންސަރެވެ.

ހަންގަނޑަށް ޖެހޭ ކެންސަރުން ރައްކާތެރިވުމަށް ކާން އެންމެ ރަނގަޅީ ވިޓަމިން އޭ ލިއްބައިދޭ ކާނާ ކަމަށް އެމެރިކަން މެޑިކަލް އެސޯސިއޭޝަން ޑަރމެޓޮލޮޖީގެ ދިރާސާއަކުން ދައްކައިފިއެވެ. ވިޓަމިން އޭ އަކީ ހަންގަނޑުގެ ސެލްތައް ސިއްހީގޮތުން ރަނގަޅަށް ހެދި ބޮޑުވުމަށް އެހީވެދޭ މާއްދާއެއް ކަމާއި އެހެންކަމުން ހަމުގެ ކެންސަރުން ރައްކާތެރިވުމަށް ކެއުމުގައި ވިޓަމުން އޭ ގިނަ ކުރަން ޖެހޭނެ ކަމަށް ވެސް މި ދިރާސާގައިވެއެވެ. 

advertisement

ވިޓަމިން އޭ ލިއްބައިދޭ ބައެއް ބާވަތްތަކަކީ އޮޅުއަލަ، ކެރެޓް، ފެހިކަން ގަދަ ތަރުކާރީ، އެޕްރިކޮޓްސް، ކިރުގެ ބާޥަތްތައް، ބައެއް ބާވަތްތަކުގެ މަސް ފަދަ ބާވަތްތަކެވެ. 

ވިޓަމިން އޭ ގެ ބާވަތްތައް ކެއުމުގައި ހިމަނާއިރު ވެސް ގަސްގަހުން ލިބޭ ފެހިކަން ގަދަ ބާވަތްތައް ރަނގަޅު ވާނެ ކަމަށް ވެސް މި ދިރާސާއިން ފާހަގަ ކޮށްފައިވެއެވެ.