ވަޒީފާގެ ބާޒާރުގައި އަންހެނުން ގިނަ، އެކަމަކު މަތީ މަޤާމުތަކުގައި އަންހެނުން މަދު، ކީއްވެ؟

ވަޒީފާގެ މާހައުލުގައި ފިރެހެނުންނަށްވުރެ އަންހެނުން ގިނައެވެ. ނަމަވެސް މަތީ މަގާމްތަކުގައި މަސައްކަތްކުރާ ފިރެހެނުންނަށްވުރެ އަންހެނުން މަދެވެ.

މަތީ މަގާމުތަކުގައި އަންހެނުން މަދުވުމުގެ ސަބަބުން މިކަމާއި ގުޅޭ ބަހުސްތަކާއި ދިރާސާތައް ހަދައެވެ. އަދި މަތީ މަގާމުތަކުގައި އަންހެނުން މަސައްކަތް ކުރުމަށް ގިނަ ގޮންޖެހުންތަކެއް ހުރިކަމަށް ދިރާސާތަކުން ދައްކައެވެ. އެގޮތުން މުޖްތަމައުގެ ތެރޭގައި ގަބޫލުކުރެވޭގޮތުގައި އާއިލާ ބެލުމާއި ބެލެހެއްޓުމުގެ ޒިންމާއަކީ އަންހެނުންގެ ޒިންމާއެކެވެ. އެހެންކަމުން ގަބޫލުކުރެވިފައި އޮންނަނީ އަންހެނުންނަކީ އެމީހުންގެ ކެރިއަރު ވަޒީފާއަށް ގުރުބާން ކުރަންޖެހޭ ބައެއްގެ ގޮތުގައެވެ. މިއީ މަތީ މަގާމުތަކަށް އަންހެނުންނަށް އައުމަށް ހުރި ގޮންޖެހުމެކެވެ. ގިނަ ކުންފުނިތަކުން ގަބޫލުކުރާ ގޮތުގައި މަތީ މަގާމުތަކުގައި އަންހެނުންނަށް ނުތިބެވޭނެއެވެ. ސަބަބަކީ އެކަށީގެންވާ ވަގުތާއި އެނަރޖީ ފިރެހެނުންނަށްވުރެ އަންހެނުންނަށް ވަޒީފާއަށް ނުދެވުމެވެ. ނަމަވެސް މިއަދުގެ މު ޖުމްތަމައުގައި ފިރެހެނުންނެކޭ އެއް ސަފެއްގައި މަތީ މަގާމުތަކުގައި އަންހެނުންވެސް އަންނަނީ ފައިތިލަ ސާބިތުކުރަމުންނެވެ. ނަމަވެސް މަތީ މަގާމުތަކަށް އަންހެނަކު އަންނަން ފިރެހެނަކަށްވުރެ އިތުރެވެ.

advertisement

މީގެއިތުރުން ގިނަ ކުންފުނިތަކުން އަންހެނުން މަތީ މަގާމުތަކަށް ނުނަގާ ސަބަބުތަކުގެ ތެރޭގައި ކުންފުންޏަށް އެކަށީގެންވާ ވަގުތު ނުދެވުން ދިރާސާތަކުން ދައްކައެވެ. އެގޮތުން ކުންފުނިން ހިންގާ އިތުރު ހަރަކާތްތައް ނުވަތަ އޮފީސް ވަގުތުން ބޭރުގައި އޮފީހަށް ވަގުތު ދިނުމަކީ އަންހެނުންނަށް އުނދަގޫ ކަމެއްކަމަށް ވަޒީފާ ދޭމީހުންނަށް ގަބޫލުކުރެވުން ހިމެނެއެވެ.

އަދިހަމައެހެންމެ ފިރެހެނުންނަށްވުރެ އަންހެނުންގެ ލީޑަރޝިޕް ސްޓައިލް ނެތްކަމަށް ބައެއް މީހުންނަށް ގަބޫލުކުރެވުމަކީވެސް މަތީ މަގާމުތަކަށް އަންހެނުންނަށް އައުމަށް ދިމާވެފައިވާ ހުރަހެއްކަމަށް ދިރާސާތަކުން ދައްކައެވެ.