އެންޒައިޓީ ދަށް ކުރުމަށް ކުރެވިދާނެ ބައެއް ކަންތައްތަށް

އެންޒައިޓީއަކީ ދިރިއުޅުމުގެ ކަންކަމާ މާ ބޮޑަށް މީހާ ބިރުގަނެ ހާސްވެ އަދި ސްޓްރެސްވުމުން ދިމާވާ ހާލަތެކެވެ. ޕެނިކް އެޓޭކްއަކާ ގާތް, އެހެން ނަމަވެސް ނަފްސާނީ އިލްމުގައި މުޅީން ތަފާތު އެއްޗެއްގެ ގޮތުގައި ބަލައިގަންނަ އެންޒައިޓީ އެޓޭކެއްގައި, ދިމާވާ ވަކި ކަމަކާއި ގުޅިގެން ނުވަތަ ވަކި ޚިޔާލުތަކެއްގެ ސަބަބުންވެސް ކަންބޮޑުވުމާއި ހާސްކަމުގެ އިހުސާސްތައް ކުރުވަ އެވެ. އެންޒައިޓީއަކީ ގިނަ ފަހަރަށް ގަޑިއިރުތަކަކުން ފެށި އަދި ގިނަ މަސްތަކެއްވާން ދެންވެސް ކުރިމަތިވެދާނެ ކަމެކެވެ.

އެންޒައިޓީގެ ބައެއް އަލާމާތްތަކުގެ ތެރޭގައި އުނދަގޫވުން، ބިރުގަތުން، މޭގައި ރިއްސުން ފަދަ ކަންކަން ހިމެނެއެވެ.

advertisement

އެންޒައިޓީ ހުންނަ ނަމަ މިއީ ކުރެވިދާނެ ބައެއް ކަންކަމެވެ.

ރޭގަނޑުގެ ހަމަ ނިދި ހޯދުން

ރޭގަނޑުގެ ނިންޖަކީ އެތަށް ގޮތަކަށް ތިމާގެ ހަށިގަނޑަށް ފައިދާ ލިއްބައިދޭ ކަމެކެވެ. މިގޮތުން އެންމެ މުހިންމު ކަމަކަށް ހަށިގަނޑު ރީސެޓްކޮށްދީ ސިކުނޑީގެ މަސައްކަތްތައް ރަނގަޅަށް ކުރިއަށް ގެންދިއުމަށްޓަކައި ކޮންމެހެންވެސް ޒަރޫރީ ކަމެކެވެ.

ރަނގަޅަށް ނޭވާލުން

ފުންކޮށް ރަނގަޅަށް ނޭވާލުމަކީ ހަށިގަނޑުގައި ރަނގަޅަށް އޮކްސިޖަން ދައުރުވުމުގެ އިތުރަށް ތިމާ ކުރަން ހުރި ކަމެއް ބަދަލުކޮށްލުމަށް މަގުފަހުކޮށްދޭނެ ކަމެެކެވެ. އެހެންކަމުން ކަމަކާއި މާބޮޑަށް ހާސްބޮޑުވާނަމަ ފޯކަސް ކޮށްގެން ނޭވާލުމަކީ ވަރަށް މުހިންމު ކަމެކެވެ.

ހަށިގަނޑަށް ފައިދާހުރި ކާނާ ކެއުން

ގަޑިން ގަޑިއަށް ވަޒަން ހަމަކޮށް ކެއުމަކީ ތިމާގެ ހަށިގަނޑަށް ކޮންމެހެންވެސް ލިބެންޖެހޭ މުހިންމު ކާނާތައް ލިބިދިނުމަށް މުހިންމުކަމެކެވެ. އޮމެގާ3 އެކުލެވޭ ކާނާ ގިނައިން ހިމެނުމަކީ ގިނަ މީހުންގެ ކިބައިގައި އެންޒައިޓީ ދަށް ކޮށްދިނުމަށް އެހީވެދޭ ކަމެކެވެ.