އިނގުރު ފެން: ސިއްހީ ބައެއް ކަންކަމަށް ހައްލު

އިނގުރު ފެނަކީ ސިއްހީ ގިނަ ކަންކަމަށް ހައްލު ލިބޭކަމެކެވެ. އެގޮތުން އަންހެނުންނަށް މައްސަރު ކަންތައް ދިމާވާއިރުގައި ވާ ތަދުތަކަށް އިނގުރު ފެނުން ހައްލު ލިބެއެވެ. ދިރާސާތަކުން ދައްކާ ގޮތުގައި އިނގުރު ބޭސް ގުޅަ ބޭނުން ކުރުމުން މައްސަރު ދުވަސްވަރުގައި ވާ ތަދު ކުޑަވެއެވެ.

އިނގުރަކީ ބަނޑު ހުސްކޮށް ކާއެއްޗެހި ގޮހޮރަށް ދިއުން އަވަސްކޮށްދޭ ބާވަތެކެވެ. އެހެންކަމުން ޑޮކްޓަރުން ކީމޯތެރަޕީގެ ސަބަބުން ނުވަތަ މާބަނޑުވުމުގެ ސަބަބުން ހޮޑު ލެވޭގޮތް ވާނަމަ އިނގުރުފެން ނުވަތަ އިނގުރުސައި ބުނުމަށް އިރުޝާދުދެއެވެ.

advertisement

އިނގުރު ސައި ނުވަތަ އިނގުރު ފެން ބުއިމުގެ ސަބަބުން ދިގު މުއްދަތަށް ފަރުވާ ކުރަންޖެހޭ ބަލިތަކުގެ ޝިކާރައަކަށްވާ މިންވަރު ކުޑަވެއެވެ. އަދި އިނގުރަކީ ހަށިގަނޑު ބަލިވުމުން ސަލާމަތްކޮށްދީ ހަށިގަނޑުގައިވާ ސެލްތައް ހަލާކުވުމުން ދުރުކޮށްދޭ އެއްޗެކެވެ.

އިނގުރުފެނަކީ ނުވަތަ އިނގުރު އަޅާފައިވާ ބުއިންތަކަކީ ޑީޓޮކްސް ބުއިންތަކުގެ ތެރޭގައި ހިމެނޭ ބުއިންތަކެކެވެ. އެހެން ކަމުން ބަރުދަން ލުއި ކުރަން ބޭނުންވާ ފަރާތްތަކަށް ވެސް އިނގުރަކީ ވަރަށް ފައިދާ ހުރިއެއްޗެކެވެ. އަދި އިނގުރު ފެނަކީ ސޮފްޓު ޑްރިންކްސްގެ ބަދަލުގައި ބޭނުންކުރެވޭނެ ކެލަރީ މަދު ބުއިމެކެވެ. މީގެ އިތުރުން އިނގުރަކީ ލެޔާއި ހަކުރުގެ މިންވަރު ހަށިގަނޑުގައި އެއްވަރެއްގައި ހިފެހެއްޓުމަށް ވެސް ބޭނުން ކުރެވޭނެ ވަރަށް މޮޅު ބުއިމެއްކަމަށް ދިރާސާއިން ދައްކައެވެ.