ވާ އަތްތެރި ކުޑަކުދިން ކަނާ އަތަށް ގަދަކަމުން ބަދަލު ނުކުރޭ

އަހަރެމެންގެ ތެރޭގައި މަދުން ނަމަވެސް ވާތްތެރިން އުޅެއެވެ. ކޮންމެ މީހެއްގެވެސް އާއިލާ ނުވަތަ ރަހުމަތްތެރިން ނުވަތަ ދަންނަ މީހަކަކީ ވާތްތެރިއަކަށް ވެދާނެއެވެ. އެމީހުން ކަންކަން ކުރުމުގައި ކަނާއަތް އިސްކުރުމުގެ ބަދަލުގައި އިސްކުރަނީ ވާއަތެވެ. ލިޔެ އުޅެނީވެސް ވާއަތުންނެވެ. ބައެއް ފަހަރު ވާތްތެރިން އެހާ ފަރިތަ ކަމާއިއެކު އެކުރާކަމެއް ވާއަތުން ކުރާތީ ބައެއް މީހުންނަށް ބަލަހައްޓައިގެންވެސް ތިބެވެއެވެ.

ބައެއް ފަހަރު ކުއްޖާ ކުޑައިރު ވާއަތްއިސްކުރާތީ ބައެއް ބެލެނިވެރިން އެކަން ހުއްޓުވުމަށްވެސް މަސައްކަތްކުރެއެވެ.

advertisement

ކަނާއަތްތެރިންނާއި ވާއަތްތެރިންގެ ތަފާތުތަކެއް ހުންނަކަމަށްވެސް ބައެއް ދިރާސާތަކުން ދައްކައެވެ. އެގޮތުން “ސެރެބްރަލް ޑޮމިނެންސް” ފޮތުގައި ވާގޮތުން ކަނާތްތެރިންނަށް ވުރެ ވާތްތެރިންނަށް އެލާޖިކުވުމުގެ ފުރުސަތު 11 ގުނައަށް އިތުރެވެ. އަދި އޮޓޯ އިމިއުން ޑިސީސް ޖެހުމުގެ ފުރުސަތު ވާތްތެރިންނަށް 2.5 ގުނައަށް އިތުރުވެގެންވެއެވެ.

ވިސްނުމުގައިވެސް ކަނާއަތްތެރިންނާއި ވާއަތްތެރިންގެ ތަފާތުތަކެއް ހުންނަކަމަށް ދައްކައެވެ. އެގޮތުން ދިރާސާއިން ދައްކާގޮތުގައި ކަނާތްތެރިންނާ ޚިލާފަށް ވާތްތެރިންނަކީ ވިސްނުންތޫނު ބައެކެވެ. އަދި ހަމައެހެންމެ، ވާތްތެރިންނަކީ، އެއްފަހަރާ ގިނަ މަސައްކަތްތަކެއް ކުރުމުގެ ކުޅަދާނަކަން ލިބިގެންވާ ބައެއްކަމަށްވެސް ދައްކައެވެ.