ވަރިއަށް ދިއުމުގެ ކުރިން “ކަޕުލް ތެރަޕީ” ނަގައި އެހީތެރިކަން ހޯދާ

ރާއްޖެއަކީ މުޅި ދުނިޔޭގައިވެސް އެންމެ ވަރި ގިނަ އެއް ގައުމެވެ. ރާއްޖޭގެ ވަރީގެ ތަފާސް ހިސާބު ދައްކާގޮތުން އަހަރެއްގެ މައްޗަށް 3000 އަށް ވުރެ ގިނަ ވަރި ފައިލް ކުރެ އެވެ. ވަރިއަކާއި ހަމައަށް 2 މީހަކު ދިއުމުގައިވެސް ސަބަބުތަކެއް ހުންނާނެއެވެ. އެހެންކަމުން ވަރިވުމުގެ ކުރިން ދެމީހުން އެކުގައި އުޅެވޭތޯ ބަލަންޖެހެއެވެ. މިގޮތުން “ކަޕުލް ތެރަޕީ” އަކީވެސް ނެގިދާނެ އެއްޗެކެވެ.

ތެރަޕީ ނަގަނީ ބޯގޯސްމީހުންކަމަށް ބައެއް މީހުން ކުރިން ދެކެއެވެ. ނަމަވެސް މިއީ ނަފްސާނީ އެހީތެރިކަން ހޯދުމެވެ. ކަޕުލް ތެރެޕީ އިން ކައިވެންޏެއްގައި ދިމާވާ އުނދަގޫ މައްސަލައަކަށް ފަސޭހައިން ހައްލު ހޯދިދާނެ އެވެ. އަދި އެކަކު އަކެކަކު ރަނގަޅަށް ދަސްކުރަން ވެސް ތެރެޕީ އިން އެހީތެރިކަން ހޯދިދާނެ އެވެ. މި ގޮތަށް ހޯދާ އެހީ އަކީ ޕްރޮފެޝަލް އެހީއަށް ވާތީ މީގެއިން ގިނަ ފަހަރަށް ނިކުންނާނީ ރަނގަޅު ނަތީޖާ އެކެވެ.

advertisement

ތެރަޕީ ނަގާއިރު 2 މީހުން އެއްތަނެއްގައި ތިބެ ދިރިއުޅުމުގެ ކަންކަމުގެ ވާހަކަ ހިއްސާކުރެއެވެ. އަދި ވަކި ކޮޅަކަށް ނުޖެހި އެމީހުންގެ ވާހަކަތަކަށް ޕްރޮފެޝަނަލް ލަފާ ދޭމީހާ އަޑުއަހައެވެ. އަދި އެކަމަށް ހައްލުވެސް ހޯދައިދެއެވެ.