އެނަރޖީ ޑްރިންކްސް: ހަށިގަނޑަށް އެތައް ގެއްލުމެއް

ފިޒީ ޑްރިންކާއި އެކި ވައްތަރުތަކުގެ އެނާޖީ ޑްރިންކް ނުބޯށޭ ބުނާއަޑު އަބަދުވެސް އިވެއެވެ. މިތަކެތިން ހަށިގަނޑަށް ލިބޭ ގެއްލުން ބޮޑުވީމައެވެ. މިއީ ހަކުރު ގިނައިން އެކުލެވޭ ބުއިންތަކެކެވެ.

ފިޒީ ޑްރިންކަކީ ކުޑަ އެތިފޮދެއްގައި ވެސް ވަރަށް ބައިވަރު ހަކުރު އެކުލެވޭ އެއްޗެކެވެ.. އެހާބައިވަރު ހަކުރު ހަށިގަނޑަށް ދިއުމަކީ ރަނގަޅުކަމެއް ނޫނެވެ.

advertisement

ހަކުރަކީ އޭގެ ޒާތުގައި އަހަރެމެންގެ ހަށިގަނޑަށް ވަކިން ބޭނުންވާ އެއްޗެއް ނޫނެވެ. އޭގެ ބަދަލުގައި ހަކަތައަކީ އަހަރެމެންގެ ކައިއުޅޭ ކާނާއިން އުފައްދައިދޭ އެއްޗެކެވެ. އެހެންނަމަވެސް ފޮނި ރަހަ ލެއްވުމަށްޓަކައި ހަކުރު ބޭނުންކުރެވޭއިރު ދުނިޔޭގެ ސިއްޚަތާއިބެހޭ ޖަމިއްޔާއިން ބުނަނީ މުޅި ދުވަހުގެ ކެއުމުގައި ހިމަނަންޖެހޭ ހަކަތައިގެ 10 ޕަސެންޓް ހިމެނިދާނެ ކަމަށެވެ.

އެނަރޖީ ޑްރިންކްތަކާއި ފިޒީ ޑްރިންކް ތަކުގެ ސަބަބުން ބަރުދަން އިތުރުވެއެވެ. އަދި ފުރަމޭގައި ސަރުބީ ހިފުމާއި، ހަކުރު ބަލި ހުންނަނަމަ ހަކުރު ކޮންޓްރޯލްކުރަން އުނދަގޫވުމާއި އަދި ނުވިތާކަށް ހަށިގަނޑަށް ނުރައްކާތެރި ދެ ބާވަތުގެ ވެސް ކޮލެސްޓްރޯލް މަތިވެއެވެ.

މިފަދަ ބުއިންތަކަކީ ގޮތްނޭންގޭ އެތަކެއް މާއްދާތަކެއް އޭގައި އެކުލެވޭ ބުއިންތަކެކެވެ. މިހާތަނަށް ހަދާފައިވާ ދިރާސާތަކުގައިވާގޮތުން އެނާޖީ ޑްރިންކްސް ބޭނުންކުރުމުން ޅައުމުރުގައި ބޮޑެތި ބަލިތައް ޖެހުމުގެ ފުރުސަތު ބޮޑުވެ އެވެ. މީގެތެރޭގައި ހަކުރު މައްޗަށް ދިއުން، ލޭ މައްޗަށް ދިއުން އަދި ހިތުގެ ބަލިތައް ހިމެނެއެވެ.