ކަންކަމަށް ފޯކަސް ކުރަން ދަތިވޭތަ؟

ބްރެއިން ފޮގް ވުމަކީ ސިއްހީ މައްސަލައެއް ނޫނެވެ. ނަމަވެސް މިއީ މެންޓަލީ މީހާއަށް ދިމާވާ ހާލަތެކެވެ. އަދި މިއީ ސިއްހީ އެހެން މައްސަލަތައް ދިމާވުމުގެ އަލާމާތެއްވެސްމެއެވެ.

ބްރެއިން ފޮގް ވުމުގެ ސަބަބުން މީހާ ކަންކަމަށް ފޯކަސް ކުރަން އުނދަގޫވެއެވެ. އަދި ކުރީގެ ކަންކަން ހަނދާންވުމަށް އުނދަގޫވެއެވެ.

advertisement

ބްރެއިން ފޮގް ވުމަށް މެދުވެރިވާ ބައެއް ސަބަބުތައް:

ހަމަނިދި ނުލިބުން

މާބޮޑަށް ސްޓްރެސްވުން

ޑިޕްރެޝަންއަށް ދިއުން

ބޭނުންކުރާ ބޭހެއްގެ ސަބަބުން

ހޯމޯން މައްސަލަތައް

ތައިރޮއިޑް މައްސަލަތައް

ބޭނުންވާ ވަރަށް ހަށިގަނޑަށް ނިއުޓްރިޝަން ނުލިބުން

ކޯވިޑް19، ސާސް ފަދަ ބައްޔެއް ޖެހުން

ކޯވިޑް19 ގެ ސަބަބުން ބްރެއިން ފޮގް ވުމަށް މަގުފަހިވެއެވެ. ކޯވިޑް19 ޖެހުމުގެ ސަބަބުން މީހާއަށް ދިމާވާ ކަންކަން ބްރެއިން ފޮގް ވުމަށް ބާރުއަޅައެވެ. އޭގެތެރޭގައި ސްޓްރެސްއާއި، އެންޒައިޓީއާއި، އައިސޮލޭޓްވެގެން ހުންނަންޖެހުމާއި، ކޯވިޑް ޕެންޑަމިކްގެ ސަބަބުން ބްރެއިން ފޮގް ވުމަށް މަގުފަހިވެއެވެ.

ބްރެއިން ފޮގް ވުމުން ދިމާވާ މައްސަލަތައް:

ކަމަކަށް ފޯކަސް ކުރަން އުނދަގޫވުން

ކަންކަން ރިކޯލްކުރަން އުނދަގޫވުން

މަލްޓިޓާސްކްކުރަން ދަތިވުން

ތިމާ ވަށައިގެންވާ ކަންކަމަށް ސަމާލުކަން ނުދެވުން

ބްރެއިން ފޮގް ވުމުން ދުރުވުމަށް ކުރެވިދާނެ ކަންކަން:

ހަމަނިދި ނިދުން

އައު ކަންތައްތައް ކުރުން. (މިސާލަކަށް އޮފީހަށްދާ މަގު ބަދަލުކޮށްލެވިދާނެއެވެ. އަދި އޮފީހުގައި އާންމުކޮށް ކޮށްއުޅޭ ކަންކަން އެހެންގޮތަކަށް ކުރެވިދާނެއެވެ.)

އެއްފަހަރާ މާގިނަ މަސައްކަތްތައް ނުކުރުން

ސިކުނޑިއަށް ވަގުތުކޮޅެއް ދިނުމަށް ބްރޭކެއް ނެގުން

ސޯސިއަލީ އެކްޓިވްވުން.