ރުޅި މަތަކުރަން އުނދަގޫ ނަމަ މިކަންތައް ކުރެވިދާނެ

ރުޅި އިސްކުރުމަކީ ވަރަށް ގިނަފަހަރު ވާކަމެކެވެ. ރުޅިއަންނަ ހިނދު މާބޮޑަށް ވިސްނާނުލާ ބައެއް ކަންކަން ކުރެވެއެވެ. މީގެ ސަބަބުން ފަހުން ހިތާމަވެސް ކުރަންޖެހިފައި އެބަހުއްޓެވެ. ބައެއް މީހުންނަށް ރުޅި ކޮންޓްރޯލް ކުރުމަކީ ވަރަށް އުނދަގޫ ކަމެކެވެ. ރަސޫލުﷲ ﷺ ޙަދީޘްކުރައްވާފައިވެއެވެ. ރުޅިއަންނަހިދު އެރުޅި މައިތިރިކޮށްފި މީހަކަށް ގިނަގުނަ ހެޔޮކަން ޤިޔާމަތް ދުވަހުންވެއެވެ. އެހެންކަމުން ރުޅި ކޮންޓްރޯލް ކުރުމަކީ ކޮންމެހެންވެސް ކުރަންޖެހޭ ކަމެކެވެ. ރުޅި ކޮންޓްރޯލް ކުރުމަށް ކުރެވިދާނެ ބައެއް ކަންތައްތައް ހިމަނާލާނަމެވެ.

ވާހަކަ ދެއްކުމުގެ ކުރިން ވިސްނާލުން

advertisement

ރުޅި އައިސްފައި ހުންނަ މީހަކަށް އޭނާއަށް އެވަގުތުގައި ކަންތައްކުރެވޭ ގޮތްވެސް ގިނަ ފަހަރު ނޭންގެއެވެ. އަދި އައިސްފައި ހުންނަ ރުޅީގައި ބުނެވޭ ނުބުނެވޭވެސް ގިނަފަހަރު ބައެއް މީހުންނަށް ނޭންގެއެވެ. އެހެންކަމުން ރުޅި އަންނަ ހިނދު ހަނު ހުރުމަކީ ވަރަށް މުހިންމު ކަމެކެވެ.

ރުޅި މަޑުވުމުން ތިމާގެ އިހްސާސްތައް ބޭރުކުރޭ

ރުޅި މަޑުވުމުން މީހާއަށް ވިސްނޭ ވިސްނުންތައް ތަފާތުވާނެއެވެ. އެހެންކަމުން ރުޅި އަންނަ ވަގުތު އެއްޗެއް ނުބުނެ ހުރުމަށްފަހު ފަހުން ރުޅި މަޑުވުމުން މީހާގެ އިހްސާސްތައް ބޭރުކުރާށެވެ.

ކަސްރަތު ލިބޭފަދަ ކަމެއް ކޮއްލާ

ރުޅި އައިސްފައި ހުންނައިރު އެ ރުޅި މަޑުކުރުމަށް ކޮންމެވެސް ކަސްރަތު ލިބޭ ކަމެއް ކޮށްލެވިދާނެއެވެ. އެގޮތުން ހިނގާލުން ނުވަތަ މީހާގެ ސިނކުޑިއަށް ބްރޭކެއް ދިނުން ހިމެނެއެވެ.

ރުޅި އަންނަން ދިމާވި މައްސަލައަށް ހައްލެއް ހޯދާ

ރުޅި އަންނަ ދިމާވި މައްސަލައަށްވުރެ ބޮޑަށް އެކަމަށް ހައްލެއް ހޯދުމަށް ވިސްނާށެވެ.

މައާފްކުރުން

ތިމާ ރުޅިއަކީ ކޮންމެވެސް މީހަކު ކުރި ކަމަކުންނަމަ އޭނާއަށް މައާފްކުރާށެވެ. މައާފްކުރުމަކީ ރީތި އާދަތަކުގެ ތެރޭގައި ހިމެނޭކަމެކެވެ.

އެހީތެރިކަން ހޯދާ

ތިމާއަންނަ ރުޅި އަމިއްލައަށް ކޮންޓްރޯލްކުރަން އުނދަގޫނަމަ އެހެން މީހެއްގެ އެހީތެރިކަން ހޯދާށެވެ.