ތިމާ ބޭނުންވި ގޮތަށް ކަންތައް ނުވުމުން އުފާވާނީ ކިހިނެތް؟

ދިރިއުޅުމަށް އަންނަ ބޮޑެތި ބަދަލުތަކުގެ ސަބަބުން ބައެއް ފަހަރު އެކަންކަން އެކްސެޕްޓްކޮށް އުފާވާން އުނދަގޫވެއެވެ. މިސާލަކަށް މަސައްކަތުގެ މާހައުލުގައި ޕްރޮމޯޝަން ލަސްވުމާއި، އަދި ޕެންޑަމިކްގެ ސަބަބުން ގްރެޖުއޭޝަން ލަސްވުން ފަދަ ކަންކަމަކީ ޕްލެންކޮށްގެން ހުއްޓައި އެނޫންގޮތަކަށް ބަދަލުވި ކަމަކަށްވެދާނެއެވެ. މީގެ ސަބަބުން ތިމާއަށް ޑިސަޕޮއިންޓްމަންޓާއި، ފްރަސްޓްރޭޝަން ލިބިދާނެއެވެ. އެހެންކަމުން ޕްލޭންކޮށްގެން ހުއްޓައި މިފަދަ ކަމެއް ދިމާވެއްޖެނަމަ އުފާވެރިކަން ގެންނާނީ ކިހިނެތް ހެއްޔެވެ؟

ތިމާއަށް އެފަދަ ކަމެއް މެދުވެރިވުމުން އެ ހާލަތާއިމެދު ވިސްނާލާށެވެ. ޝުކުރުވެވޭނެ ގިނަ ކަންތައްތަކެއް ހުންނާނެއެވެ. ތިމާއާއި އެހެން މީހަކާއި އަޅާނުކިޔާށެވެ. ކޮންމެ މީހަކަށްވެސް ވަގުތު ޖެހުމުން ކަންކަން ވާނެކަން ޤަބޫލުކުރާށެވެ. ކުޑައަސް ބޮޑަށް ތިމާއަށް ލިބޭ ކާމިޔާބީއަށް ޝުކުރުކުރާށެވެ.

advertisement

ދިރިއުޅުމުގައި ތިމާ ބޭނުންވާގޮތައް ކަންތައްތައް ނުވުމުގެ ސަބަބުން އެހިސާބުން މާޔޫސްވެ މުސްތަޤްބަލަށް ޕްލޭން ކުރުން ހުއްޓާލެވެއެވެ. ނަމަވެސް މުސްތަޤްބަލް އުޖާލާކަމަށް ވިސްނާށެވެ. އަބަދުވެސް ޕޮޒިޓިވްކޮށް ވިސްނުމަކީ ތިމާއަށް އުފާވެރިކަން ލިބޭނެކަމެކެވެ. ކޮންމެ ކަމެއްގެ ފަހަތުގައިވެސް ހެވެއް ވާނެކަމަށް ދެކޭށެވެ.

ހިތާވަވެރި ކަމެއް ދިމާވުމުން އެކަމުން އަރައިގަތުމަށް ބޭނުންވާ ވަގުތު ނެގުމަކީވެސް މުހިންމު ކަމެކެވެ. އަދި ތިމާ ބޭނުންވާ ކަންކަމަކީ ކޮބައިތޯ ބަލާށެވެ. އަދި ތިމާ އުފާވާ ކަންތައްތައް ދެނެގަންނާށެވެ. އަދި އަމިއްލަ ނަފްސަށް ވަގުތު ދޭށެވެ.