ޚަބަރު

ގެދޮރުގެ ދަތިކަމާ ސިއްހީ މައްސަލަތާ ހުރީ ކޮން ގުޅުމެއް

26 ޑިސެމްބަރ 2021 - 15:36

ތިމާގެ ވަށައިގެންވާ ކަންތައްތަކުގެ ސަބަބުން ސިއްހަތައް އޭގެ ނޭދެވޭ އަސަރުކުރެއެވެ. ޚާއްސަކޮށް ތިމާ ދިރިއުޅޭ ގެއާއި އެގެވަށައިގެންވާ މާހައުލު ދުޅަހެޔޮ ސިއްހަތެއްގައި ހުރުމަށް ވަރަށް މުހިންމު ދައުރެއް އަދާކުރެއެވެ. ދިރާސާތަކުން ދައްކާގޮތުން %90 ވަގުތު މީހުން ހޭދަކުރަނީ ގޭތެރޭގައެވެ.

ދިރާސާތަކުން ދައްކާގޮތުން ދިރިއުޅުމަށް އެކަށީގެންނުވާ ސަރަހައްދުތަކާއި މާހައުލުގައި އުޅޭ މީހުންނަށް ސިއްހީގޮތުން ބޮޑެތި މައްސަލަތަކެއް ދިމާވެއެވެ. އޭގެތެރޭގައި ނޭވާލާ ނިޒާމަށް ޖެހޭ ބަލިތަކާއި، ހިތުގެ ބަލިތަކާއި ކެންސަރަށްވެސް މަގުފަހިވެއެވެ.

advertisement

ރާއްޖެއަށް ބަލާލިނަމަވެސް އާބާދީގެ ގިނަ ބަޔަކު ދިރިއުޅެމުން އަންނަނީ ވެރިރަށް މާލޭގައެވެ. މާލެއަކީ ތޮއްޖެހިފައިވާ މީހުން ދިރިއުޅުމަށް އެންމެ އެކަށީގެންވާ ތަނެއް ނޫނެވެ. ކުޑަ ތަންކޮޅެއްގައި ގިނަ މީހުންތަކެއް އުޅެންޖެހުމުގެ ސަބަބުން މާލޭގައި އުޅޭ މީހުންނަށް ސިއްހީ ގިނަ މައްސަލަތަކާއި ކުރިމަތިލާންޖެހެއެވެ.

މާލެއަކީ ސާފު ވައިކޮޅެއް ހިތްހަމަޖައްސާލާނެ މާހައުލެއް އޮތް ތަނެއް ނޫނެވެ. ސަރުކާރުން ވަނީ މާލޭގެ ތޮއްޖެހުން ކުޑަކޮށް މީހުންނަށް ބޯހިޔާވަހިކަން ފޯރުކޮށްދިނުމަށް ހުޅުމާލޭގައި ހިޔާ ފްލެޓް ހަދާފައެވެ. ހިޔާ ފްލެޓްތަކުގައި ދިރިއުޅެމުން އަންނަ އާބާދީވެސް މިހާރު ވަނީ އިތުރުވެފައެވެ. މިއާއިއެކު އެތަނަކީވެސް ސިއްހީގޮތުން މީހުން ދިރިއުޅެން އެކަށީގެންވާ ތަނެއްނޫނެވެ.

ސިއްހީގޮތުން އެންމެ އެކަށީގެންނުވާ މާހައުލުތަކުގައި އުޅޭމީހުންނަށް ނަފްސާނީ ގޮތުންވެސް އަސަރުކުރާކަމަށް ދިރާސާތަކުން ދައްކައެވެ.

ރިއެކްޝަންސް
0
0
0
0
0
0
0