އެންމެ 10 މިނެޓް ދުވުނަސް ސިކުނޑިއަށް އެތަށް ފައިދާއެއް

ކަސްރަތުކުރަން ބަލާއިރު ޖިމްއަކަށް ދިއުމަކީ ގިނަ މީހުންނަށް އެފޯޑް ކުރެވޭނެ ކަމެއްނޫނެވެ. އެއީ ޖިމްއަކަށްދާނަމަ ކުރަންޖެހޭ ހޭދަ އިތުރުވުމުގެ ސަބަބުންނެވެ. ނަމަވެސް އެއްވެސް ފައިސާއެއް ހޭދަނުކޮށް ހަށިގަނޑަށް ފައިދާލިބޭ ކަސްރަތުތައް އެބަހުއްޓެވެ. އެއީ ދުވުމެވެ.

ދުވުމަކީ ހަށިގަނޑަށް ގިނަގުނަ ފައިދާތަކެއް ލިއްބައިދޭ ކަމެއްކަމަށް ދިރާސާތަކުން ދައްކައެވެ. އެގޮތުން 10 މިނެޓުގެ ދުވުމެއްގައިވެސް ސިއްހަތައް ފައިދާހުރި އެތައް ފައިދާތަކެއް ލިބިގެންދެއެވެ.

advertisement

ޖަޕާނުގައި ކޮށްފައިވާ ދިރާސާއެއްގައި ދައްކާގޮތުން 10 މިނެޓު ދުވުމުގެ ސަބަބުން ސިކުނޑީގެ މަސައްކަތްކުރުން ރަނގަޅުވެގެންދެއެވެ. އެގޮތުން ކަންކަމަށް ސަމާލުކަން ދެވޭ މިންވަރު އިތުރުވުމާއި، ހަނދާން ގަދަވުމާއި، ކަންކަން ޕްލޭންކުރަން ފަސޭހަވުން ހިމެނެއެވެ.

މީގެއިތުރުން މީހާގެ މޫޑު ސަކަރާތްވާނަމަވެސް 10 މިނެޓުގެ ދުވެލުމުގެ ސަބަބުން މޫޑު ރަނގަޅުވާނެކަމަށް ޖަޕާނުގެ މި ދިރާސާއިން ދައްކައެވެ. އަދި ހަށިގަނޑުގައި ލޭދައިރުވުން ރަނގަޅުވުމަށްވެސް ދުވުމުގެ ސަބަބުން އެހީތެރިވެދެއެވެ. މިއީވެސް ސިކުނޑިއަށް މީގެ ސަބަބުން ފައިދާ ލިއްބައިދޭ ކަމެކެވެ.

ދުވުމުގެ ސަބަބުން މީހާގެ ސިކުނޑިއަށް އެތައް ފައިދާތަކެއް ލިބޭއިރު ދުވުމަކީ ފަސޭހައިން ކޮށްލެވޭނެ ކަމެކެވެ. އަދި މިއީ މީހާ ދުޅާހެޔޮކޮށް ހުރުމަށްވެސް އެހީތެރިވެދޭނެކަމެކެވެ. އެހެންކަމުން ކޮންމެ ދުވަހަކުވެސް ދުވުމަކީ މުހިންމު ކަމެކެވެ. އެންމެ ރަނގަޅު ވަގުތަކީ ހެނދުނު ދުވުމެވެ. ނަމަވެސް މީހާއަށް ފަސޭހަ ކޮންމެ ވަގުތެއްގައިވެސް ދުވެވިދާނެއެވެ.