ބަހުގައި ބާރަށް ފޯނުން ވާހަކަ ދެއްކުން ހުއްޓާލަން ޖެހޭ

ބައެއް މީހުން ފޯނުން ބާރަށް ވާހަކަދައްކާއުޅެއެވެ. އާންމުން އެއްވެ އުޅޭ ތަންތަނުގައިވެސް މިގޮތައް ފޯނުން ބާރަށް ވާހަކަދައްކާ މީހުން އުޅެއެވެ. އެގޮތުން ބަސްތައް ފަދަ ގިނަ މީހުން އެއްވެއުޅޭ ތަންތަން ފާހަގަކޮށްލެވެއެވެ.

ވޮއިސް އިން ޖަޕާންއިން ވަނީ ބަހުގައި މީހުން ބާރަށް ވާހަކަދެއްކުމުން އުނދަގޫވޭތޯ ބެލުމަށް ދިރާސާއެއް ކޮށްފައެވެ. މި ދިރާސާގައި ގިނަ އަދަދެއްގެ މީހުން ވަނީ އެމީހުންގެ ހިޔާލު ހުށައަޅާފައެވެ. ގިނަ އަދަދެއްގެ މީހުން ބުނެފައިވަނީ ބަހުގައި ބާރަށް ވާހަކަދެއްކުމަކީ އެމީހުންނަށް އުނދަގޫވާކަމެއްކަމަށް ބުނެފައެވެ.

advertisement

މި ދިރާސާގައި ބައިވެރިވި މީހަކު ބުނެފައިވަނީ ބާރަށް ވާހަކަދައްކާތީ އެމީހުންނަށް އުނދަގޫވާކަމަށެވެ. އަދި ވަކިން ޚާއްސަކޮށް ބަހުގައި ތިބޭ އެހެން މީހުންގެ ސަމާލުކަން ހޯދުމަށް ބާރަށް ވާހަކަދެއްކުމަކީ އެއަށްވުރެ ބޮޑަށް އުނދަގޫވާކަމެއްކަމަށް ވަނީ ބުނެފައެވެ. އަނެކަކު ބުނެފައިވަނީ ދަތުރުކުރާ މީހުންގެ ތެރެއިން ނިދަން ބޭނުންވާ މީހުންނަށް މިއީ އުނދަގޫކަމަކަށްވާނެކަމަށެވެ.

ދިރާސާގައި ބައިވެރިވި ބައެއް މީހުން މިކަމުން އުނދަގޫ ނުވާކަމަށްވެސް ވަނީ ބުނެފައެވެ. ދިރާސާގައި ބައިވެރިވި މީހަކު ބުނެފައިވަނީ ފޯނުން ވާހަކަދެއްކުމާއި 2 މީހަކު ބަހުގައި ތިބެގެން ވާހަކަދެއްކުން ތަފާތެއް ނެތްކަމަށެވެ. އެހެން މީހަކު ބުނެފައިވަނީ މިކަމުން އޭނާއަށް އުނދަގޫ ނުވާކަމަށެވެ. ސަބަބަކީ އެއީ އެމީހެއްގެ ހައްގެއްކަމަށާއި އެކަކު އަނެކެއްގެ ހައްޤަށް އިހްތިރާމްކުރަންޖެހޭނެކަމަށެވެ.

ރާއްޖޭގައި ވެސް، ބަސް އަދި ފެރީ ތަކުގައި މީހުން ބާރަށް، އަދި ހާއްސަކޮށް ފޯނުން ވާަހަކަ ދައްކައެވެ. މިއީ ވަރަށް ބޭއަދަބީ ކަންކަމެއް ކަން ގިނަ މީހުން ދެކެ އެވެ. ސަބަބަކީ، ބަހާއި، ފެރީ، އަދި މަގު ތަކަކީ އެންމެން ބޭނުން ކުރަން ޤާއިމް ކުރެވިފައިވާ ތަންތަނަށް ވުމުން، އެހެން މީހުންނަށް އިހްތިރާމް ކުރަން ޖެހޭތީ އެވެ.