ދަރިފުޅު ރުޅިއައުމުން މަސަލަސްކުރާނީ ކިހިނެތް؟

ކުޑަކުދިންނަކީ އުޅުމާއި މިޒާޖު ތަފާތު ބައެކެވެ. ކުޑަކުދިންގެ މޫޑަކީ ވަރަށް އަވަހަށް ބަދަލުވާ އެއްޗެކެވެ. އާންމުކޮށް ކުޑަކުދިން އަވަސްއަވަހަށް ކަންކަމާއި ރުޅިއައިސް ރޮއެއުޅެއެވެ. އެހެންކަމުން ދަރިފުޅު ބޮޑާހާކާނަމަ ހަދާނީ ކިހިނެތް ހެއްޔެވެ؟

މާބޮޑަށް ރުޅިގަދަވެފައިވާ ކުއްޖެއްގެ ކިބައިން ފެނިދާނެ އަލާމާތްތައް:

advertisement

• ރުއިން
• ހަޅޭއްލެވުން
• ދަތް އެޅުން
• ފައިން ޖެހުން/ ވަކި އެޅުން
• ކޮށްޕުން
• އެއްޗެހި އުކުން/ ހަލާކުކުރުން

ކުޑަކުދިން ރުޅިއައުމުން އަވަހަށް ރުޅި މަޑުވުން ގުޅިފައިވަނީ އެކުދިންނާއިމެދު އަމަލުކުރާ ގޮތުގެ މައްޗަށެވެ. އެހެންކަމުން ރުޅި އައިސްފައިވާ ދަރިފުޅު ހަމައަކަށް އެޅުވުމަށް މިކަންކަން ކުރެވިދާނެއެވެ.

• ރުޅި ބޭރުކުރަން ފުރުސަތު ދިނުން

ރުޅި އައިސްގެން ދަރިފުޅު ރޯނަމަ އޭނާގެ އެ އިހުސާސްތަކަށް އިހުތިރާމުކުރުމުގެ ގޮތުން ރޮއެ ނިމެންދެން ކައިރީގައި މަޑުކޮށްލާށެވެ.

• ދަރިފުޅު ގައިގައި ބައްދާލުން

ދަރިފުޅު ރުޅި އައިސްފައިވާނަމަ ތިމާ ރުޅި އިސްނުކޮށް ދަރިފުޅާއި އެއްވަރަކަށް ތިރިވެ, މަޑުމައިތިރިކަމާއިއެކު ކުއްޖާއާ ވާހަކަދައްކާ ގައިގައި ބައްދާލާ އޭނާގެ އިހުސާސްތައް އިނގިއްޖެކަމުގެ ޔަގީންކަން ދިނުމަކީ މިކަމުގައި ލިބޭނޭ ލުއެކެވެ.

• ރުޅި މަޑުވުމުން ވާހަކަދެއްކުން

ރުއިން ހުއްޓާލާ ކުއްޖާ ކުޑަކޮށް ހަމަޖެހިލުމުން ދެންވީ އެވީ ކަންކަމުގެ ވާހަކަ ދައްކާށެވެ. މިގޮތުން ރުޅިއައުމުގެ ކުރިން ކަންތައްތައްވީ ގޮތާއި, ދަރިފުޅަށް ކުރެވުނު އިހުސާސްތަކާއި ބެހޭގޮތުން ވާހަކަ ދެއްކުމުން ކުރެވޭ އެކި އިހުސާސްތައް ދެނެގަންނަން ކުދިންނަށް ފަސޭހަވަ އެވެ.