ސްކޫލް ބަންދު އާއިލާއާއިއެކު ކުޑަ އެހެނަސް އުފާވެރި ގޮތަކަށް

ސްކޫލް ބަންދަކީ ސްކޫލްގައި އުޅޭ ކޮންމެ ކުއްޖަކާއި އަދި ބެލެނިވެރިންވެސް ވަރަށް ލުކް ފޯވާޑްކުރާ ދުވަސްވަރެކެވެ. ދަރިންނާއިއެކު ގޭގައި އާއިލީ ވަގުތު ހޭދަކޮށްލެވޭ ދުވަސްވަރަކަށް ވެފައިވަނީ ސްކޫލް ބަންދެވެ. ސްކޫލް ބަންދުގައި އާއިލާ އެއްކޮށް ގިނަ ކަންތައްތަކެއް ކުރުމަށް ރާވައެވެ. އެގޮތުން ރާއްޖެއާއި އަދި ރާއްޖެއިން ބޭރުގެ ކޮންމެވެސް ތަނަކަށް ރާވާ މީހުންވެސް އުޅެއެވެ. ނަމަވެސް ކޮންމެ ކޮންމެ އާއިލާއަކީ މިފަދަ ކަމެއް ކުރެވިދާނެ ބައެއްނޫނެވެ. މާލީ ތަނަވަސްކަންވެސް ކޮންމެ އާއިލާއެއްގައި ނުހުރެދާނެއެވެ. އެހެންނަމަވެސް ޗުއްޓީ ބަންދުގައި އާއިލާއާއިއެކު ކުރެވިދާނެ ކަންކަން ގިނައެވެ. އޭގެތެރޭގައި:

ޑިނަރ ނައިޓް

advertisement

އާއިލާ އެއްކޮށް ކެއުމަށް އިންސާފްކުރުމަކީ ކުރެވިދާނެ ވަރަށް މުހިންމު ކަމެކެވެ. އެއީ އާއިލީ ގުޅުންވެސް ބަދަހިކުރެވޭނެ ކަމެކެވެ. ކުދިން ގަޔާވާ ރެސްޓޯރަންޓަކަށް އެންމެން އެއްކޮށް ކާލަން ދެވިދާނެއެވެ. މިފަދަ ތަނަވަސްކަމެއް ނެތްނަމަ ގޭގައިވެސް ޑޭޓް ނައިޓްއެއް ހަދާލެވިދާނެއެވެ.

ފިލްމް ބަލާލުން

އާއިލާގެ އެންމެ އެކުގައި ފިލްމެއް ބަލާލުމަކީވެސް ކޮށްލެވިދާނެ ސަޅި ކަމެކެވެ. ފިލްމް ބަލާއިރު ކުދިން ގަޔާވާ ކަހަލަ އުރުރާއި ގުޅޭ ފިލްމެއް ބަލާށެވެ.

ހަދިޔާ ދިނުން

ޗުއްޓީގައި ކުދިން އުފާކޮށްލުމަށްޓަކައި ޚާއްސަ ހަދިޔާއެއް ދެވިދާނެއެވެ. ހަދިޔާ ދޭއިރުގައި ކުދިންގެ ކިޔެވުމަށް އެއިން ފައިދާ ކުރާކަހަލަ ހަދިޔާއެއްދޭން ސަމާލުވާށެވެ.

ޗުއްޓީގައި ކޮންމެހެން މޮޅު ތަނަކަށް ދިއުމުގެ ބަދަލުގައި މުހިންމީ އާއިލާ އެކުގައި އުފާވެރި ވަގުތުކޮޅެއް ހޭދަކޮށްލުމެވެ. އެހެންކަމުން އެންމެން އެކުގައި އުފާވެރި ވަގުތުކޮޅެއް ހޭދަކުރެވޭނެ ގޮތްތައް ބަލާށެވެ.