ޚަބަރު

“ޕްރީލަވްޑް” ހެދުން ގަނެގެން ލުމަކުން ލަދެއް ނެތް

5 ޖެނުއަރީ 2022 - 16:15

ހެދުންތައް އައުކޮށް ހުއްޓައި ބޭނުންނުކުރެވޭ ފަހަރު އާދެއެވެ. ދެން މިހެދުންތަކަށް ހަދާނީ ކިހިނެތްތޯ ނޭނގިފައި ހުންނަންޖެހެއެވެ. ބޭނުންކޮށްފައި ހުންނަ ހެދުންތައް މިހާރު މީހުން ހެޔޮ އަގުގައި ވިއްކާވެސް ލައެވެ. މިފަދަ ހެދުންތައް ގަނެގެން ބޭނުންކުރުމަކުން އެއްވެސް މައްސަލައެއް ނެތެވެ. މީގެ ސަބަބުން ފައިސާވެސް ރައްކާކުރެވޭނެއެވެ

އެއްފަހަރު ބޭނުންކޮށްފައި ހުންނަ ހެދުންތައް 2 ވަނަ ފަހަރު ބޭނުންކުރުމަކީ އޭގެ ސަބަބުން ތިމާވެއްޓަށްވެސް ފައިދާކުރާ ކަމެކެވެ. އެއްފަހަރު ބޭނުންކޮށްފައި ހުންނަ އަންނައުނު ފަދަ ތަކެތި ބޭނުންކުރުމަކީ އުކާލާ ތަކެތި މަދުވާނެކަމެކެވެ. މިއީ އޭގެ ސަބަބުން ތިމާވެއްޓަށް ފައިދާ ކުރާނެކަމެކެވެ.

advertisement

އެހެންމީހަކު ބޭނުންކޮށްފައި ހުންނަ އެއްޗެއް ބޭނުންކުރުމަކީ ހަޑިކަމެއް ނޫނެވެ. އޭގެ ބަދަލުގައި އެދެވެނީ އެއެއްޗަކަށް އައު ދިރުމެކެވެ. އެހެންނޫންނަމަ މިތަކެތި ނައްތާލުމަށް ގިނަ އަހަރު ނަގާނެއެވެ.

އައު އެއްޗެއް ގަތުމުގެ ބަދަލުގައި ކުރިން ބޭނުންކޮށްފައި ހުންނަ އެއްޗެއް ބޭނުންކުރުމުގެ ސަބަބުން ޕޮލިއުޝަން ދައްވެގެންދާނެއެވެ. ގަންނަ ކޮންމެ އައު އެއްޗަކާއިއެކު ޕޮލިއުޝަން އިތުރުވެގެންދެއެވެ. މިއީވެސް ތިމާވެއްޓަށް ލިބޭ ގެއްލުމެކެވެ. އެހެންކަމުން އެއްފަހަރު ބޭނުންކޮށްފައި ހުންނަ ތަކެތި ބޭނުންކުރުމަކީ ޕޮލިއުޝަން ދަށްކުރުމަށްވެސް އެހީވެދޭކަމެކެވެ.

އެއްފަހަރު ބޭނުންކޮށްފައި ހުންނަ ހެދުންފަދަ ތަކެތި ބޭނުންކުރުމަކީ ގުދުރަތީ ރިސޯސަސް ނެތިދިއުމަށް އެޅޭ ހުރަހަކަށްވާނެއެވެ. އެހެންކަމުން އެއްފަހަރު ބޭނުންކޮށްފައި ހުންނަ ހެދުން ފަދަ ތަކެތި ބޭނުންކުރުމަކީ އޭގެ ސަބަބުން ތިމާވެއްޓަށްވެސް ގިނަގުނަ ފައިދާތަކެއް ލިބޭ ކަމެކެވެ. އައު އަހަރުގައި މިކަން އާދައަކަށް ހެދުން ކިހިނެތް ވާނެ ހެއްޔެވެ؟

ރިއެކްޝަންސް
0
5
0
0
0
0
0