ކައިވެނީގެ ކަންކަމަށް އާއިލާއަކަށް ބަހެއް ނުހިންގޭނެ

ކައިވެނިކުރުމަކީ ތިމާގެ ދިރިއުޅުމުގައި ވަރަށް ގިނަ ކަންކަން ބަދަލުކޮށްލާ ކަމެކެވެ. ކައިވެންޏަށްފަހު ބައެއް މީހުން ވަކިން ދިރިއުޅެއެވެ. ނަމަވެސް ގިނަ މީހުން ދިރިއުޅެމުން އަންނަނީ ކޮންމެވެސް އެއް އާއިލާއަކާއިއެކުގައެވެ. އަނބިމީހާ ނުވަތަ ފިރިމީހާގެ އާއިލާއާއިއެކުގައެވެ. ގިނަފަހަރު އަންހެންކުއްޖާ ފިރިމީހާގެ އާއިލާ ކައިރިއަށްދެއެވެ. ކައިވެންޏަށްފަހު އައު އާއިލާއެއް ލިބި ކަންތައްތައް ބަދަލުވެއެވެ. އެގޮތުން 2 މީހުންގެ ދިރިއުޅުމަށް ބަސްކިޔާ މީހުން ގިނަވެގެންދެއެވެ.

ނަމަވެސް ކައިވެންޏަށްފަހު އެ 2 މީހުންގެ ދިރިއުޅުމަށް އެހެން މީހުން ބަސްކިޔުމަކީ ގިނަ މައްސަލަތައް ޖެހޭ ކަމަކަށްވަނީ ވެފައެވެ. އެހެންކަމުން “އިން ލޯސް” ގެ ކިބައިން ތިބާގެ ދިރިއުޅުން ސަލާމަތްކުރުމަކީ ވަރަށް މުހިންމު ކަމެކެވެ. ނަމަވެސް އެކަން ކުރާނީ ކިހިނެއް ހެއްޔެވެ؟

advertisement

ސައިޑް އިހްތިޔާރުކުރާއިރު ވިސްނުން

ފިރިމީހާގެ އާއިލާގެ 2 މީހެއްގެ މެދުގައި ދެބަސްވުމެއް އުޅޭ ވަގުތެއްގައި އެތަނުން އެކަކެއްގެ ފަރާތައް އެރުމަކީ މައްސަލަ އުފެދޭނެ ކަމެކެވެ. އެހެންކަމުން ވިސްނުންތެރިކަމާއިއެކު ގޮތް ނިންމުމަކީ މުހިންމު ކަމެކެވެ.

ބައެއްފަހަރު ފިރެހެންކުއްޖާގެ އާއިލާގެ އިތުރުން އަންހެން ކުއްޖާގެ އާއިލާގެ ސަބަބުންވެސް 2 މީހުންނަށް އުޅެން އުނދަގޫވާ ފަހަރު އާދެއެވެ. މިސާލަކަށް އަންހެން ކުއްޖާގެ މަންމަ ނުވަތަ އާއިލާގެ އެހެން މީހުންގެ ކަންކަން ހުންނަ ގޮތުން ފިރިހެން މީހާއަށް އުޅެން އުނދަގޫވެދާނެއެވެ. މިސާލަކަށް އަންހެން ކުއްޖާ ކުރިން ރައްޓެހިވި ކުއްޖެއްގެ ވާހަކަ މާގިނައިން ދައްކަފާނެއެވެ. ނުވަތަ އާއިލީ އިވެންޓްތަކަށް އިންވައިޓްކޮށްފާނެއެވެ. މިފަދަ ކަމެއް ދިމާވާނަމަ އެކަން ރީތިކޮށް ވާހަކަދައްކައިގެން ހައްލު ކުރެވިދާނެއެވެ.

ކައިވެންޏަކަށްފަހު އޭނާގެ އާއިލާ ނޫން އެހެން ބަޔަކާއިއެކު އުޅެންޖެހުމުން މައްސަލަތައް ޖެހި ކަންކަން ދިމާވާނެއެވެ. ބަލަންވީ ކޮންމެ މީހަކު ކޮންމެ އެއްޗެއްކިޔަސް ތިބާއާއި ބައިވެރިޔާއާއި އޮންނަ ގުޅުން ހީނަރުނުކުރުމަށެވެ. މީހަކު ވާހަކައެއް ދެއްކިޔަސް އެންމެ ފުރަތަމަ އެއީ ހަގީގަތެއްތޯ ބެލުމަށް ބައިވެރިޔާގެ ގާތުގައި އެހުމަށެވެ. 2 މީހުން އެކަކު އަނެކަކަށް ފުރިހަމައަށް އިތުބާރުކޮށް އެކަކު އަނެކަކުދެކެ ލޯބިވާނަމަ ގުޅުން ހީނަރުވެގެނެއް ނުދާނެއެވެ.