“ކުނި އެންދި އަޅިން މަގު ހެދުމަކީ ހެޔޮވާ ވަރުގެ ކަމެއް ނޫން”

ތިލަފުއްޓަކީ މާލެ ސަރަހައްދުގައި ކުނި ނައްތާލުމަށް ގެންދާ ރަށެވެ. މާލެ ފިޔަވައި ރާއްޖޭގެ އެހެން ރަށްރަށުންވެސް ކުނި ނައްތާލުމަށް ތިލަފުއްޓަށް ގެނެއެވެ. ޒަމާނީ ޓެކްނޮލޮޖީގެ އެހީގައި ކުނި ނައްތާލުމަށް ހައްލު ހޯދުމަށް ތިލަފުއްޓަށް އަންނަނީ ބަދަލު ގެންނަމުންނެވެ.

advertisement

މި މަޝްރޫޢުގެ ތެރެއިން ކޮންސްޓްރަކްޝަން އެންޑް ޑިމޮލިޝަން ވޭސްޓް ޕްރޮސެސިން ޕްލާންޓަކާއި، ވެހިކަލް ޑިސްމެންޓްލިން ވޯރކްޝޮޕެއްގެ އިތުރުން، ދުވާލަކު 250 ޓަނުގެ ކުނި ނައްތާލުމުގެ ޤާބިލުކަން ލިބިގެންވާ 2 އިންސިނަރޭޝަން ޕްލާންޓް ތިލަފުށީގައި ބެހެއްޓިގެންދާނެއެވެ. އެއާއެކު ދުވާލަކު 500 ޓަނުގެ ކުނި ނައްތާލުމުގެ ކެޕޭސިޓީ މިތަނުގައި ޤާއިމުވާނެއެވެ.

އެންވަޔަރަމަންޓް މިނިސްޓަރވެސް މީގެކުރިން ބުނެފައިވަނީ ތިލަފުށީގައި ހިންގާ ބޮޑު މަޝްރޫއުގެ ދަށުން ދުވާލަކު 500 ޓަނުގެ ކުނި ޕްރޮސެސްކޮށް، 8 މެގަވޯޓްގެ ކަރަންޓު އުފެއްދޭނެކަމަށެވެ. މި ޙާރަދު ހޯދާނީ އެއިން އުފައްދާ ކަރަންޓާއި، ކުނިއެންދި އަޅި ރީ-ސައިކަލް ކޮށްގެން ކަމަށް މިނިސްޓަރ ވަނީ ވިދާޅުވެފައެވެ.

ތިމާވެއްޓާއި ބެހޭ މާހިރުން ބުނާގޮތުން މިއީ ތިމާވެއްޓަށް ވަރަށް ގެއްލުން ލިބޭނެކަމެކެވެ. ތިމާވެއްޓައް ލިބޭ ގެއްލުމުގެ އިތުރުން މިއީ އިންސާނުންގެ ސިއްހަތައްވެސް އޭގެ ސަބަބުން އެތަކެއް ގެއްލުންތަކެއް ލިބޭ ކަމެކެވެ. އެގޮތުން ދިރާސާތަކުން ދައްކާގޮތުން އިންސިނަރޭޓަރު ބޭނުންކޮށްގެން ކުނި ނައްތާލާ ސަރަހައްދުތަކުގައި ހައްދާ ތަރުކާރީއާއި މޭވާގެ ބާވަތްތަކަކީވެސް އޭގެ ސަބަބުން ސިއްހަތައް ގެއްލުން ލިބޭނެ ތަކެއްޗެވެ. އެމެރިކަން އިކޮނޮމިކް ރިވިއުއިން ކޮށްފައިވާ ދިރާސާއަކުން ދައްކާގޮތުންވެސް މިއީ މާލީގޮތުންވެސް ގައުމުތަކަށް ގެއްލުން ލިބޭނެ ނިޒާމެކެވެ.