ކަންކަން ކުރަން މާ ބޮޑަށް ލަދުގަނެ، ނުކެރޭނަމަ މިކަންތައް ކުރޭ

ކަންކަމަށް މާބޮޑަށް މީހާ ލަދުގަތުމަކީ ބައެއް މީހުންނަށް ދިމާވާ ކަމެކެވެ. މީގެ ސަބަބުން މީހުންނާއިއެކު އުޅެން އުނދަގޫވާ މިންވަރަށް މީހެއްގެ ލަދުވެރިކަން ހުރެދާނެއެވެ. އަދި ތިމާގެ އަމިއްލަ ނަފްސަށް ރަނގަޅުގޮތް ހެދުމާއި ޑިޒިޝަންތައް ނެގުމުގައިވެސް ލަދުގަނެދާނެއެވެ. ކަންކަމަށް މާބޮޑަށް ލަދުގަތުމަކީ ތިމާއަށް އޭގެ ސަބަބުން ބައެއް ފަހަރު ގެއްލުމާއިވެސް ކުރިމަތިލާންޖެހިދާނެކަމެކެވެ. ބުނަން ބޭނުންވާ ވާހަކައެއް ނުވަތަ ކަމެއް ލަދުރަކިކަމުގެ ސަބަބުން ނުބުނެވި ނުވަތަ ނުކުރުމުގެ ސަބަބުން ބައެއް ފަހަރު ފަހުން ދެރަވާންޖޭހޭފަދަ ހާލަތްތައްވެސް ބައެއް މީހުންނަށް ދިމާވެއެވެ.

މާބޮޑަށް ލަދުރަކިވުމުގެ ސަބަބުން ދިމާވާ ކަންކަން:

advertisement

• ސޯސިއަލް އިވެންޓްތައް ކެންސަލްކުރުން
• ޕޮޒިޓިވް ސޯސިއަލް އިންޓަރެކްޝަން ލިބޭ ފަދަ ހާލަތްތަކާއި ދުރުވުން
• ރަހުމަތްތެރިން މަދުވުން ނުވަތަ ރަހުމަތްތެރިން ނުތިބުން
• އަމިއްލަ ނަފްސަށް އޮންނަ އިތުބާރު ކުޑަވުން
• އެހެން މީހުން ތިމާއާއިމެދު ވިސްނަންޖެހޭ ފަދަ ހާލަތްތަކަށް ދިއުން
• އެހެންމީހުންނަށް ކުރިމަތިލާން ނުކެރުން

މީހަކު މާބޮޑަށް ލަދުވެރިވުމަކީވެސް އެކަމުން އަރައިގަތުމަށް ކަންކަން ކުރެވިދާނެކަމެކެވެ. އެގޮތުން މާބޮޑަށް ލަދުރަކިވާނަމަ މިކަންކަން ކުރެވިދާނެއެވެ.

• ކޮންފިޑެންޓް މީހެއްކަމަށް ދެއްކުން

އޮފީހުގައި އެންމެންގެ ކުރިމަތީގައި ޕްރެޒެންޓޭޝަންއެއް ދޭންޖެހުމަކީ ތިމާ ލަދުގަންނަންޖެހޭ ފަދަ ކަމަކަށް ވެދާނެއެވެ. މިފަދަ ހާލަތްތަކުގައި އަމިއްލަ ނަފްސަށް އިތުބާރުކޮށް ތިމާއަކީ ކޮންފިޑެންޓް މީހެއްކަން އެހެންމީހުންނަށް ދައްކާށެވެ. ގިނަގިނައިން މީހުންގެ ކުރިމަތީގައި ވާހަކަދައްކަން ފެށުމުން އަމިއްލަ ނަފްސަށް އިތުބާރުލިބި މިކަން ކުރަން ކެރޭނެއެވެ.

• ތިމާބުނާ ބަހަށް ސަމާލުވުން

ތިމާބުނާ މަހަކީ ވަރަށް ބާރުގަދަ އެއްޗެކެވެ. އެހެންކަމުން އަބަދު ލަދުގަނެއޭ ބުނުމުން އިތުރަށް ގަންނާނީ ލަދެވެ. އެހެންކަމުން އެހެން ބުނުމުގެ ބަދަލުގައި އަހަރެން މަސައްކަތްކުރަނީ އިތުރަށް ކޮންފިޑެންޓް މީހަކަށްވާށޭ ބުނާށެވެ. އަދި ފެއިލްވެފައިވާ މީހެއްގެ ގޮތުގައި ނަފްސު ސިފަކުރުމުގެ ބަދަލުގައި ވާނެކަމަށް އަމިއްލަ ނަފްސަށް ވިސްނައިދޭށެވެ.

• ފުންކޮށް ނޭވާލުން

ގިނަ ބައެއްގެ ކުރިމައްޗަށް އަރާ ޕްރެޒެންޓޭޝަންއެއްފަދަ ކަމެއް ކުރަންޖެހޭނަމަ ފުންކޮށް ނޭވާލާށެވެ. މިއީ ހަށިގަނޑުން ސްޓްރެސްގެ މިންވަރު ދަށްކުރުމަށް އެހީތެރިވެދޭނެކަމެކެވެ.

• ތިމާގެ ތަފާތުކަން ދެނެގަނޭ

ކޮންމެ މީހަކީވެސް ތަފާތު މީހެކެވެ. އެހެންކަމުން ތިމާގެ ކިބައިގައިވެސް ކޮންމެވެސް ތަފާތު ޚާއްސަކަމެއް ހުންނާނެއެވެ. އެކަން ދެނެގަންނާށެވެ. މިއީ އެހެން މީހުންގެ ކުރިމަތީގައި ތިބާ ލަދުވެރިކަން ނައްތާލުމަށް ކުރެވިދާނެކަމެކެވެ.

• ކަންކަމުގައި ޝާމިލްވެ އުޅުން

ކަންކަމާއި ކުރިމަތިލާން ދަލުގަންނަނަމަ ކަންކަމުގައި އެންގޭޖްވެ އުޅޭށެވެ. އެއިރުން ގިނަ މީހުންނަށް ބައްދަލުވެ ކަންކަން ކުރުމަށް އިސްނަގައި އިސްވެ އުޅެން ދަސްވާނެއެވެ.