ވަޒީފާ ގެއްލުމުން ފިރެހެނުންނަށް ކުރާ އަސަރު ބޮޑު

ކޯވިޑް19 ގެ ސަބަބުން މުޅި ދުނިޔޭގައިވެސް ވަޒީފާ ގެއްލުނު މީހުންގެ އަދަދުތައް އިތުރުވިއެވެ. ވަޒީފާ ގެއްލުމަކީ ކޮންމެ މީހަކަށްވެސް އޭގެ ސަބަބުން އަސަރުކުރާނެކަމެކެވެ. ނަމަވެސް ހޯދުންތަކުން ދައްކާގޮތުން އަންހެނުންނަށްވުރެ ބޮޑަށް ވަޒީފާ ގެއްލުމުން ފިރެހެނުންނަށް ކުރާ އަސަރު ބޮޑެވެ. މިއީ ނަފްސާނީ ގޮތުންވެސް ފިރެހެން މީހާއަށް އުނދަގޫތަކާއި ކުރިމަތިލާންޖެހޭ ކަމެއްކަމަށް ދިރާސާއިން ދައްކައެވެ.

• ވަޒީފާ ގެއްލުމާއި ނަފްސާނީ ގެއްލުން

ވަޒީފާ ގެއްލުމަކީ ފިރެހެނުންނަށް ނަފްސާނީގޮތުން ގިނަ ގޮންޖެހުންތަކެއް ކުރިމަތިވާ ކަމެކެވެ. މިއީ ސޯސިއަލް ވެލްބީންއަށްވެސް އަސަރުކުރާ ކަމެކެވެ. ކައިވެނިކޮށްގެން އުޅޭ ފިރެހެނެއްނަމަ ފިރެހެންމީހާގެ ވަޒީފާ ގެއްލުމަކީ އެ 2 މީހުންގެ ދިރިއުޅުމަށްވެސް ބޮޑެތި އަސަރުތަކެއް ކުރުވާނެ ކަމެކެވެ. އަންހެނުންނަށްވުރެ ބޮޑަށް ވަޒީފާ ގެއްލުމުން ފިރެހެނުންނަށް އަސަރު ކުރަނީ އާއިލާ ބެލެހެއްޓުމާއި ހަރަދުތައް ކުރުމުގެ ޒިންމާ ބޮޑަށް ފިރެހެނުންގެ ބޮލުގައި އެޅިފައިވުމެވެ. ވަޒީފާ ގެއްލުމަކީ ފިރެހެނުން ޑިޕްރެޝަން އަދި އެންޒައިޓީއަށް ދިއުމަށްވެސް ވަގުފަހިވާކަމެކެވެ.

advertisement

• ބޭނުންނެތް މީހެއްކަމުގެ އިހްސާސްވުން

ފިރެހެނަކު އޭނާގެ ވަޒީފާ ގެއްލުމުން ބޭކާރު އަދި ބޭނުންނެތް މީހެއްކަމުގެ އިޙްސާސް ކުރެވެއެވެ. އަދި އެހެންމީހުންނަށް އޭނާއަށް އެއްވެސް ކަމެއް ނުކޮށްދެވޭ ކަމާއި ބޭކާރު އިހްސާސްވުމުންވެސް ޑިޕްރެޝަންއަށް ދިއުމަށް މަގުފަހިވެއެވެ.

• އިންސެކިއުރީ

ތިމާގެ ބައިވެރިޔާއަށް ނުވަތަ އާއިލާއަށް ޚަރަދުނުކުރެވުމަކީ ފިރެހެނުންނަށް ވަރަށް އިންސެކިއުރިޓީ އިހްސާސް ކުރެވޭ ކަމެކެވެ. އަދި ވަޒީފާ ނެތި ގިނަދުވަސް ހޭދަވާނަމަ މި އިންސެކިއުރިޓީ ފީލިންގ ދެމިގެންދެއެވެ. ވަޒީފާ ގެއްލުމަކީ އަތުގައި ފައިސާ ނުހުރެ ފިރެހެނުންނަށް އެމީހުންގެ އަމިއްލަ ވެލްބީންއަށްވެސް ހަރަދުކުރަން ފަސްޖެހޭ ކަމެކެވެ.