“ނުފެންނަ” ނުކުޅެދުންތެރިކަން ހުންނަ މީހުން ހީކުރާ ވަރަށްވުރެ ގިނަ

އާންމުގޮތެއްގައި އަހަރެމެންނަށް ހީވަނީ ނުކުޅެދުންތެރި މީހަކީ ވީލްޗެއަރއެއްގައި އިންނަ މީހާކަމަށެވެ. ނުވަތަ އެނޫންވެސް ގޮތަކަށް ނުކުޅެދުންތެރިކަން ބޭރުފުށުން އަހަރެމެންނަށް ފެންނަން ހުންނަ މީހުން ކަމަށެވެ. ބޭރުފުށުން ފެންނަން ނެތްނަމަ އެއީ ނުކުޅޭދުންތެރިކަމެއްނެތް މީހެއްކަމަށް ހީވެއެވެ. ނަމަވެސް މިއީ މުޅިއަކުން ހަޤީގަތެއް ނޫނެވެ. އަހަރެމެންގެ ލޮލަށް ނުފެނުނު ނަމަވެސް ނުކުޅެދުންތެރިކަން ހުރެއެވެ. އެއީ “އިންވިޒިބަލް ޑިސެބިލިޓީސް” އެވެ. ނުވަތަ ލޮލަށް ނުފެންނަ ނުކުޅެދުންތެރިކަމެވެ. މި ފަދަ ނުކުޅެދުންތެރިކަމުގެ ތެރޭގައި ހިމެނެނީ:

• ޖިސްމާނީ ނުކުޅޭދުންތެރިކަން

ކުރިންވެސް ބުނިހެން އަހަރެމެންނަށް ހީވަނީ ޖިސްމާނީގޮތުން މީހެއްގެ ނުކުޅެދުންތެރިކަން ހުންނަނަމަ އެމީހަކު އިންނާނީ ފުރޮޅުލީ ގޮނޑީގައިކަމަށެވެ. ނަމަވެސް އަހަރެމެންގެ ތެރެއިން ގިނަ ބައެއްގެ ލޮލަށް ނުފެނުނު ނަމަވެސް ޖިސްމާނީގޮތުން ނުކުޅެދުންތެރިކަން ހުރެއެވެ. އޭގެތެރޭގައި ގައިގެ ތަނެއްގައި ވަރުގަދަ ރިހުމެއް ހުރުން ފަދަ ކަމެއް ހުރެދާނެއެވެ.

advertisement

• ނަފްސާނީ ނުކުޅޭދުންތެރިކަން

ލޮލަށް ނުފެންނަ ނުކުޅޭދުންތެރިކަމުގެ ތެރޭގައި އެންމެ ގިނައީ ނަފްސާނީ ނުކުޅެދުންތެރިކަމެވެ. މީގެތެރޭގައި ޑިޕްރެޝަން ހިމެނެއެވެ.

• ކޮގްނިޓިވް ނުކުޅެދުންތެރިކަން

ކޮގްނިޓިވް ނުކުޅެދުންތެރިކަމަކީ މީހާގެ ސިކުނޑިއަށް އަންނަ ބަދަލުތަކުގެ ތެރޭގައި އަންނަ ނުކުޅޭދުންތެރިކަމެވެ. މީގެތެރޭގައި ބްރެއިން ޓްރޯމާ، ނުވަތަ ކަންތައްތައް ހަނދާންނެތުން ހިމެނެއެވެ.

• ނިއުރޯޑިވެލޮޕްމެންޓަލް/ ސެންސަރީ ނުކުޅެދުންތެރިކަން

މިފަދަ ނުކުޅެދުންތެރިކަމުގެ ތެރޭގައި އޯޓިޒަމް ހިމެނެއެވެ.

• ކިޔެވުމުގެ ނުކުޅެދުންތެރިކަން

މިއީ ކަންކަން ދަސްކުރުމާއި އަދި ޕްރޮސެސްކުރުމުގައި މީހާއަށް ދިމާވާ ނުކުޅެދުންތެރިކަމެވެ.