މެތު އެއްފަހަރު ބޭނުންކުރި ނަމަވެސް ހަށިގަނޑަށް ހީނުކުރާ ވަރަށް ގެއްލުން

މަސްތުވާތަކެތީގައި ވަބާގައި ރާއްޖޭގެ ގިނަ ޒުވާނުން ވަނީ ޖެހިފައެވެ. މަސްތުގެ ދުނިޔޭގައި ރާއްޖޭގެ ޒުވާންޖީލު ހަލާކުވަމުން އަންނައިރު،ނުރައްކާތެރި ތަފާތު ބާވަތްތަކުގެ ޑްރަގް ބޭނުންކުރުން ރާއްޖޭގައި  މި ވަނީ އާއްމުވެގެން ގޮސްފައެވެ.

 މީގެ ތެރެއިންވެސް މަސްތުވާތަކެތީގެ ނުރައްކާތެރި ބާވަތެއް ކަމަށްވާ މެތަމްފެޓަމައިން ( މެތް ) ބޭނުންކުރަމުން އަންނަ މީހުންގެ އަދަދު ދަނީ އެއްދުވަހުން އަނެއް ދުވަހަށް އިތުރުވަމުންނެވެ. ކަންބޮޑުވާންޖެހޭ ދަރަޖައަށް މެތް ރާއްޖޭގައި އާއްމުވެފައިވާ ކަމަށް ހެލްތް މިނިސްޓަރ މުހައްމަދު ނަސީމް ވަނީ ވިދާޅުވެފައެވެ.

advertisement

 ހެލްތް މިނިސްޓަރ ނަސީމް ވިދާޅުވެފައިވާ ކަމަށް ބުނެ އޮންލައިން ނޫހެއް ކަމަށްވާ “ދައުރު” ގައި ވަނީ ރިޕޯޓްކޮށްފައިވާ ގޮތުގައި މެތް ރާއްޖެއަށް ފަސޭހަކަމާއެކު އެތެރެވެ،ހިލޭ ލިބެން ހުންނަ ހިސާބަށް ގޮސްފައިވާ ކަމަށެވެ. މިއީ ކަންބޮޑުވާންޖެހޭ ކަމެކެއެވެ. ކަމާއި ގުޅޭ ހުރިހާ އިދާރާތަކެއް ގުޅިގެން މި ކަން ބަލައި މި ނުރައްކާތެރި ޑްރަގް ރާއްޖެ އެތެރެވިޔަ ދިނުން ހުއްޓުވައި ، ގައުމުގެ ޒުވާން ޖީލު ސަލާމަތް ކުރަންއެބަޖެހެއެވެ.

 ސަބަބަކީ މަސްތުވާބާވަތްތަކުގެ ތަކުގެ ތެރެއިން މެތް އަކީ އެންމެ ނުރައްކާތެރި ބާވަތައްވުމެވެ. ސަބަބަކީ މެތް އަކީ ހައިލީ އެޑިކްޓެޑް ޑްރަގަކަށް ވުމުންނެވެ. މެތް ބޭނުންކުރާ މީހާ އެކަން އެންޖޯއިމަންޓަކަށް ބޭނުންކުރި ނަމަވެސް މިއީ އޭގެ ސައިޑް އިފެކްޓްސް އިންތިހާއަށް ނުރައްކާތެރި ޑްރަގްއެކެއެވެ. މެތް ބޭނުންކުރުމުން ލިބޭ ސިއްހީ ނުރައްކާތަކަށް ބަލާއިރު،މީހެއްގެ ކޮންޓްރޯލްގެ ދަށަށް މީހުން ދިޔުން ނުވަތަ އެކަނިނޫޅެވަރަށް މީހާ  ބަދަލުކޮށްލައެވެ.

މީގެ އިތުރުން މެތްގެ ސަބަބުން ދިމާވާ ސިއްހީ ނުރައްކާތަކަށް ބަލާއިރު،ހިތުގެ މައްސަލަތައް ދިމާވުމާއި،ފިޒިކަލް އަދި ނަފްސާނީ މައްސަލަތައް ދިމާވުން ހިމެނެއެވެ.މެތް ބޭނުންކުރުމުން ހިތުގެ ރިދަމް އަވަސްވެ، ލޭ މައްޗަށް ގޮސް ، މޭގައި ރިއްސާ ކުއްލިއަކަށް ހާރޓް އެޓޭކެއް ޖެހި ފުރާނައަށް ނުރައްކާވެގެންދެއެވެ. އަދި ފުރަތަމަ ބޭނުންކުރާ ވަގުތުވެސް މި ފަދަ މައްސަލަތައް ދިމާވެ ހިތް ހުއްޓިގެން މެތް ބޭނުންކުރާ މީހުން މަރުވާ ކަމަށް ސިއްހީ މާހިރުން ވިދާޅުވެއެވެ.