ކޮފީއަށްވުރެ ހެނދުނު ދޮންކެޔޮ ކެއުން މާރަނގަޅު

ކޮފީއަކީ ގިނަ ބައެއްގެ ދުވަސް އުޖާލާ ކޮށްދިނުމަށް އެހީވެދޭ އެއްޗެކެވެ. ހެނދުނު ހޭލައިގެން އެންމެ ފުރަތަމަވެސް ކޮފީ ތައްޓެއް ބޯލާމީހުން ގިނަވާނެއެވެ.

ހެނދުނު ހޭލައިގެން ކޮފީގެ ބަދަލުގައި ދޮންކެޔޮލަކީ ބޭނުންކުރެވިދާނެ އެއިން ހަށިގަނޑަށް އެތައް ފައިދާއެއް ލިއްބައިދޭ އެއްޗެކެވެ.

advertisement

ސިއްހީ މާހިރުން ބުނާގޮތުގައި، ކޮންމެ ދުވަހެއް ފަށަންވާނީ ހަށިގަނޑަށް ފައިދާހުރި އެއްޗެއް ގޮހޮރަށް ލުމަށްފަހު އެވެ. ސަބަބަކީ، ގައިގައި ވަރުޖެހި ވަރުބަލިކަން އިހުސާސް ނުވެ މަސައްކަތުގެ މައިދާނުގައި ފަސޭހަ ކަމާއެކު މަސައްކަތް ކުރެވޭނެ އެވެ. ހެނދުނު ހޭލައިގެން ކޮފީއަށްވުރެ ދޮންކެޔޮލުގެ ސަބަބުން ހަށިގަނޑަށް ލިބޭ ފައިދާތައް މާގިނައެވެ. އެގޮތުން ހެނދުނު ދޮންކެޔޮ ކެއުމުގެ ސަބަބުން ހަށިގަނޑަށް ތާޒާކަން ލިބި ވިޓަމިނާއި މިނަރެލްސް އިން ހަށިގަނޑު އިތުރަށް ދުޅަހެޔޮ ކޮށްދެ އެވެ.

ހެނދުނުގެ ނާސްތާގައި ބޭނުންކުރާ ކާނާގައި އެކުލެވިގެންވާ ނިއުޓްރިއެންޓްސްގެ ބާވަތަތަކުން ބަނޑުގައި ހުންނަ ގޭސްތައް ބޭރުކޮށްދޭނެ އެވެ. ހަމައެހެންމެ، ހެނދުނުގެ ނާސްތާ އިން ހަޖަމު ކުރުމަށް މަގުފަހި ކޮށްދީ ބަނޑަށް ލުއިކަން އިހުސާސް ކޮށްދިނުމުގެ އިތުރުން، މުޅި ދުވަހު ހަށިގަނޑަށް ބޭނުންވާ މިންވަރަށް ނިއުޓްރިއެންޓްސް ހުންނާނެ އެވެ. ދޮންކެޔޮއަކީ މެޓަބޮލިޒަމްގެ ސްޕީޑް އިތުރު ކޮށްދޭ އޮމެގާ 3 ފެޓީ އެސިޑްސް އެކުލެވިގެންވާ ހަށިގަނޑަށް ފައިދާހުރި މޭވާއެކެވެ.