ފެން ބޯން އުނދަގޫ ނަމަ ލުނބޯ އަޅައިގެން ނަމަވެސް ބޯންވީ

ފެނަކީ ކޮންމެހެން އަހަރެމެންގެ ހަށިގަނޑަށް ބެނުންވާ އެއްޗެކެވެ. ނަމަވެސް ބައެއް މީހުންނަށް ފެން ބުއިމަކީ ކުރަން އުނދަގޫ ކަމެކެވެ. ބައެއް މީހުންނަށް ފެނަކީ ނުބައި ބުޔުމަކަށްވެސް ވަނީ ވެފައެވެ. މިފަދަ މީހުންނަށް ފެނުގެ ތެރެއަށް ލުނބޯ އަޅައިގެން ބޮވިދާނެއެވެ. މިއީ އޭގައި އިތުރު ރަހައެއް ލައި ހަށިގަނޑަށްވެސް ގިނަ ފައިދާތަކެއް ލިއްބައިދޭނެ ކަމެކެވެ.

ކެލްސިއަމާއި ޕްޓޭސިއަމާއި ވިޓަމިން ސީ އަކީ ލުނބޯގައި އެކުލެވިގެންވާ ހަށިގަނޑަށް ފައިދާ ކުރަނިވި މާއްދާތަކެވެ. އެގޮތުން މިމާއްދާތަކުގެ ސަބަބުން ހަންގަނޑުގައި ހުންނަ ވީރާނަވެފައިވާ ސެލްތައް ރަނގަޅުކޮށްދެއެވެ. އަދި ހަންގަނޑު އޮމާންކޮށް ޒުވާންކޮށް މީހާ ހުރުމަށް ލުނބޯ އެހީވެދެއެވެ.

advertisement

ލުނބޯ ފެނުން ބޮލުގެ އިސްތަށިގަނޑުގެ ކޮޅުތައް އިތުރަށް ވަރުގަދަ ކޮށްދެއެވެ. ހަމައެހެންމެ، ގިނައިން ބޮލުގައި އިސްތަށިގަނޑު ފެޅުމަށް އެހީވެދެއެވެ. އަދި ބޮލުން ހަން ފޮޅުން ހުއްޓުވައިދޭނެއެވެ.

މީގެ އިތުރުން، ބައްޔެއް ވެއްޖެނަމަ ލުނބޯ ފެނަކީ ބުއިން އެންމެ ރަނގަޅު އެއް ބުއިންކަމަށް ގިނަ ޑޮކްޓަރުން ބުނެއެވެ. ސަބަބަކީ ބަލިތައް ޖެހެން މެދުވެރިވާ މައިގަނޑު އެއް ސަބަބު ކަމަށްވާ ޖަރާސީމުތައް ނައްތާލަ ދިނުމަށް އިސް ރޯލެއް އަދާކޮށްދޭތީއެވެ. ލުނބޯ ފެނަކީ ދިފާއީ ނިޒާމު އިތުރަށް ވަރުގަދަ ކޮށްދިނުމަށް އެހީވެދޭ ބުއިމެކެވެ.