ޚަބަރު

އެކަކުވެސް ބާކީ ނުކުރުމުގެ ޝިއާރާއެކު ބިދޭސީންނަށް ވެކްސިން ޖެހުމުގައި ރެޑް ކްރެސެންޓް

16 ޖެނުއަރީ 2022 - 17:10

ރާއްޖޭގައި ކުރިއަށްގެންދާ ކޯވިޑް ބޫސްޓަރ ޑޯޒް ކެންޕެއިންގެ ދަށުން ބިދޭސީންނަށް ވެކްސިން ޖެހުމުގެ މަސައްކަތައް ރެޑް ކްރެސެންޓުން އެހީތެރިކަން ފޯރުކޮށްދޭން ފަށައިފިއެވެ. ކޯވިޑް ބޫސްޓަރ ޑޯޒް ޖެހުމުގެ ފުރުސަތު ރާއްޖޭގައި ފަށާފައިވަނީ އިއްޔެއެވެ.


މޯލްޑިވްސް ރެޑް ކްރެސެންޓުން ވިދާޅުވީ، އެޗްޕީއޭއިން ކުރިއަށްގެންދާ ވެކްސިން ޕްރޮގްރާމްގެ ތެރެއިން ބިދޭސީންނަށް ވެކްސިންނަށް ވެކްސިން ޖެހުމުގެ މަސައްކަތައް އެ އެސޯސިއޭޝަންގެ ފަރާތުން އެހީތެރިކަން ފޯރުކޮށްދެމުންދާކަމަށެވެ.


ވެކްސިން ޕްރޮގްރާމްގައި ބިދޭސީންނަށް އެހީވުމަށް އެޗްޕީއޭއިން ގާއިމްކޮށްފައިވާ ހެލްޕް ޑެސްކް ހުންނާނީ މާލެއިން ބްރިޖަށް އަރާ ހިސާބު ރުއްގަނޑު ސަރަހައްދުގައެވެ.
ރެޖިސްޓްރޭޝަން ކުރިއަށްދާނީ ހުކުރު ދުވަސް ފިޔަވައި ކޮންމެ ދުވަހެއްގެ ހެނދުނު 9 އަކުން ހަވީރު 5 ށެވެ.


ކޯވިޑްގެ ބޫސްޓަރ ޑޯޒް ޖެހުމަށް ހުޅުވާލުމާއިއެކު ގިނަ އަދަދެއްގެ ބަޔަކު ދަނީ ވެކްސިން ޖެހުމަށް ކިޔޫ ހަދަމުންނެވެ. ބޫސްޓަރ ޑޯޒްގެ ގޮތުގައި ރާއްޖޭގައި ޖަހަނީ ފައިޒަރ ވެކްސިންއެވެ.

ރިއެކްޝަންސް
2
2
0
0
0
0
1