ރީންދޫ ބޭނުންކުރަންވީ ކައްކަން އެކަންޏެއް ނޫން

ރީންދޫ އަކީ ކެއްކުމުގެ ގިނަ ބާވަތްތަކުގައި ބޭނުންކުރަމުން އަންނަ އެއްޗެކެއެވެ. ރީދޫގައި ހުންނަ ގަދަ ރީދޫކުލަ ޑައިއެއްގެ ގޮތުގައި ނުވަތަ ފަތްޕިލާވެލީގެ ބޭސްތައް ހެދުމުގައި އަދި ބަލިތަކުގެ ފަރުވާއަކަށް ޗައިނާގައި  ބޭނުންކުރެއެވެ.

 މިއަދު ރީ ން ދޫގެ މުހިއްމު ކަމުގެ ވާހަކަތައް ސަޕްލިމެންޓްތައް ހަދާ ފަރާތްތަކުންވެސް ވަނީ ދައްކަން ފަށާފައެވެ. އެ ގޮތުން ސަޕްލިމެންޓް ހަދާ ފަރާތްތަކުން ފާހަގަކުރާ ގޮތުގައި އިންފްލެމޭޝަން، ކަކުލު ހުޅު އަދި ހަށިގަނޑު ބަލިތަކުން ދިފާއުކޮށްދޭ އެންޓިއޮކްސިޑެންޓެއްގެ ގޮތުގައި ރީދޫ ބޭނުން ކުރެވިދާނެއެވެ. މެއިން ދިލަނެގުން، ބަނޑުގައި ހުންނަ ފާރުތައް، ހިލަ އުފެދުން ، ހަކުރުބަލި، ޑިޕްރެޝަން އެގްޒިމާ ފަދަ ބަލިތަކުގެ ފަރުވާއަކަށްވެސް ރީންދޫ ބޭނުންކުރެވިދާނެއެވެ.

advertisement

ބައެއް ދިރާސާތަކުން ދައްކާ ގޮތުގައި ކެންސަރުގެ ފަރުވާއަށްވެސް ރީންދޫ ބޭނުންކުރެވިދާނެއެވެ. 2011 ވަނަ އަހަރު ހަދާފައިވާ ދިރާސާއެއް ދައްކާ ގޮތުގައި ކަރުގެ އަދި ބޮލުގެ ކެންސަރަށް ރީދޫއިން ފަރުވާ ހޯދިދާނެއެވެ. އަދި ހަމުގެ ކެންސަރުގައި ދިމާވާ ގައި ހިރުވުން ރީދޫ އެތަންތާގައި ހޭކުމުގެ ސަބަބުން ލުއިވެގެންދެއެވެ.

ބީޓާ ކެރޮޓިން އާއި އެކު 300 ގުދުރަތީ މާއްދާ ރީދޫގައި އެކުލެވިގެންވެއެވެ. ވިޓަމިންސް ސީ، ކެލްސިއަމް،ފްލެވޮނޮއިޑްސް، ފައިބަރ،އަޔަން،ޕޮޓޭސިއަމް،ޒިންކް ފަދަ މާއްދާތައް ރީންދޫގައި އެކުލެވިގެންވެއެވެ.

އެހެންކަމުން ރީންދޫ ބޭނުންކުރަންވީ ކައްކަން ބަދިގޭގައި އެކަންޏެއް ނޫނެއެވެ. ބަލިތަކުން ދިފާއުވުމަށްވެސް ރީދޫ ބޭނުންކުރަން ސަމާލުކަން ދިނުން މުހިއްމެވެ.