ގޮދަޑި ބަދަލުކުރަން ޖެހޭނީ ކިހާ ދުވަހެއް ވީމަ؟

ލާން ގެންގުޅޭ އަންނައުނު ގިނަދުވަސްވުމުން އަހަރެމެން ބަދަލުކުރަމެވެ. ހަމައެގޮތައް ނިދަން ގެންގުޅޭ ގޮދަޑިއަކީވެސް ބަދަލުކުރަންޖެހޭ އެއްޗެކެވެ. ނަމަވެސް މިކަން އިނގެނީ ކިތައް މީހުންނަށް ބާވައެވެ.

ކޮންމެ 7 އަހަރަކުން 1 ފަހަރު ނިދަން ގެންގުޅޭ ގޮދަޑި ބަދަލުކުރަންޖެހޭކަމަށް ބެޓަރ ސްލީފް ކައުންސިލުން ބުނެއެވެ. ނަމަވެސް ގޮދަޑި ބަދަލުކުރަންޖެހޭ މުއްދަތު ބިނާވެފައިވަނީ އެ ގޮދަޑިއެއް ބޭނުންކުރާ މިންވަރާއި އެ ގޮދަޑީގެ ކޮލެޓީއާއި ވައްތަރުގެ މައްޗަށެވެ. 7 އަހަރުން ގޮދަޑި ބަދަލުކުރަން ބުނެފައިވީނަމަވެސް ބައެއް ފަހަރު އެއަށްވުރެ އަވަހަށްވެސް ގޮދަށި ބަދަލުކުރަން ޖެހިދާނެއެވެ. އެހެންކަމުން ގޮދަޑި ބަދަލުކުރަން ޖެހިފައިވާކަން ދެނެގަންނާނީ ކިހިނަކުން ހެއްޔެވެ؟ މިކަންކަން ފެންނަނަމަ އެހުރީ ގޮދަޑި ބަދަލުކުރަން ޖެހިފައެވެ.

advertisement

• ގޮދަޑީގެ ތަންތަނުން އަޑިވެފައި ހުރުން
• ނިދަން އުނދަގޫވުން
• ނުބައި ވަސް ދުވުން
• ބެޑް ބަގް އެޅުން

ވަކި މުއްދަތަކުން ގޮދަޑި ބަދަލުކުރަން ޖެހެނީ ކީތެވެގެންތޯ ބައެއް މީހުން ހިތައް އަރާފާނެއެވެ. އެއީ ގޮދަޑީގެ ސަބަބުން ތިމާގެ ނިދުމަށް އަސަރު ކުރާތީއެވެ. މާބޮޑަށް ހަލާކުވެފައިވާ ނުވަތަ ބަދަލުކުރަނ     ް ޖެހިފައިވާ ގޮދަޑިއެއްގައި ނިދާނަމަ އޭގެ އަސަރު ތިމާއަށް ކުރާނެއެވެ. އެގޮތުން ހޭލާއިރު ގައިގައި ރިއްސުމާއި، ހޭލާއިރު ވަރުބަލިވެފައި ހުރުމާއި އަދި ރަނގަޅަށް ނުނިދުމުގެ މައްސަލަތައް ގޮދަޑީގެ ސަބަބުން ދިމާވެއެވެ.