ސަރވިކަލް ކެންސަރާ ޑައެޓާ އޮތީ ކޮން ގުޅުމެއް؟

ކެންސަރަކީ މިހާރު ވަރަށް ގިނަ މީހުން ތަހައްމަލްކުރަމުންދާ ބައްޔެކެވެ. ތަފާތު ވައްތަރުގެ ކެންސަރު ހުރެއެވެ. އެގޮތުންވެސް  ސަރވިކަލް ކެންސަރަކީ މިހާރު ވަރަށް އާންމުވަމުން އަންނަ ކެންސަރުގެ ބާވަތެކެވެ. ހޯދުންތަކުން ދައްކާގޮތުން މިއީ މިހާރު އެންމެ އާންމުވަމުން އަންނަ ޖީނޮކޮލޮޖިކް ކެންސަރެވެ. އެމެރިކާގެ ކެންސަރ ސޮސައިޓީން ލަފާކުރާ ގޮތުގައި އެގައުމުގައި 14000 މީހުންނަށް މިބާވަތުގެ ކެންސަރު ޖެހިފައި ހުރުމަކީ ގާތްކަމެކެވެ.

މިބާވަތުގެ ކެންސަރު ޖެހުމަށް މަގުފައިވާ ސަބަބުތަކުގެ ތެރޭގައި ކެއުމުގައި ގެންގުޅެވޭ އާދަތަކާއި، ދުންފަތުގެ އިސްތިއުމާލު ކުރުން ހިމެނެއެވެ.

advertisement

ބައެއް މީހުން މިހާރަކަށް އައިސް ހަޑިގަނޑު ވަކި ގޮތަކަށް ބަހައްޓަން ޑައިޓް ކުރެއެވެ. މީގެ ސަބަބުން ހަށިގަނޑަށް ލިބެންޖެހޭ ނިއުޓްރިޝަންގެ މާއްދާތައް އެންމެ އެކަށީގެންވާ ގޮތެއްގައި ނުލިބެއެވެ، މީގެ ސަބަބުން ހަށިގަނޑަށް އެތަކެއް ނޭދެވޭ އަސަރުތަކެއް ކުރެއެވެ. އެގޮތުން ތަފާތު ބަލިތަކަށް ހުށައެޅުން ހިމެނެއެވެ.

ބައެއް ވެސްޓާން ގައުމުތަކުގައި ޑައިޓްކުރާ މީހުން ފެޓް، ހަކުރު އަދި ސޯޑިއަމް އެކުލެވޭ ބާވަތްތައް ގިނައިން ބޭނުންކުރެއެވެ. މީގެ ސަބަބުން ސަރވިކަލް ކެންސަރު ޖެހުމަށް މަގުފަހިވެއެވެ.

މި ބާވަތުގެ ކެންސަރުން ރައްކާތެރިވުމަށް ސިއްހީ މާހިރުން ލަފާދެނީ މޭވާއާއި ތަރުކާރީ ކެއުމުގައި ގިނައިން ބޭނުންކުރުމަށެވެ. އަދި ޕީސް، ބީންސް މަހުގެ ބާވަތްތައްވެސް ކެވިދާނެއެވެ. އަދި ހޯލް ގްރެއިން ރައިސް، ޕާސްޓާ، ޕާން، ކުސްކުސް، ނަޓްސް، އޮލިވްސް، ކިރު، ޗީޒް ކެއުމުގައި ބޭނުންކުރެވިދާނެއެވެ.