ކޮލެސްޓްރޯލް އާއި ބެހޭ ގޮތުން ދެކެވޭ ހަގީގަތެއް ނެތް ވާހަކަތައް

ހަށިގަނޑުގައި ހިމެނޭ ބައިތަކުގެ ތެރެއިން އެންމެ ގިނައިން ވާހަކަ ދެކެވޭ އެއްކަމަކަށް ކޮލެސްޓްރޯލް ހިމެނެއެވެ. ކޮލެސްޓްރޯލް މަތިވުން އެއީ އެންމެންވެސް ވަރަށް ކަންބޮޑުވާ ކަމެކެއެވެ. އެހެންނަމަވެސް ކޮލެސްޓްރޯލް އާއި ގުޅޭ ގޮތުންވެސް އޭގައި ހަގީގަތެއް ނެތް (މިތް) ދެކެވޭ ތަން އާދެއެވެ.

ކޮލެސްޓްރޯލް އަކީ ހަށިގަޑުގެ ފަންކްޝަން އަށް ވަރަށް މުހިއްމު އެއްޗެކެއެވެ. އެހެންނަމަވެސް ލޭގައި ކޮލެސްޓްރޯލް މިންވަރު މާ މަތިވެއްޖެނަމަ، އޭގެއިން ހިތުގެ ބަލިތަކަށް ހަށިގަނޑު ހުށަހެޅޭ މިންވަރު އިތުރުވެގެންދެއެވެ. ކޮލެސްޓްރޯލް އަކީ ހަށިގަނޑަށް ގޯސް އެއްޗެއް ކަމަށް ގިނަ މީހުން ދެކެއެވެ. މިއީ ކުރެވޭ ކުށްހީއެކެވެ. ހަށިގަނޑަށް ބޭނުންވާ މިންވަރަށް ވުރެ ގިނައިން ކާނަމަ މީހާ ފަލަވެ، ސިއްހީ މައްސަލަތައް ދިމާވާ ފަދައިން ކޮލެސްޓްރޯލްވެސް ހުންނަންޖެހޭ މިންވަރަށް ވުރެ މަތިވެއްޖެނަމަ އޭގެއިން ނުރަނގަޅު އަސަރު ހަށިގަނޑަށް ކުރާނެއެވެ. އޭގެ ޒާތުގައި ކޮލެސްޓްރޯލް އަކީ ގޯސް އެއްޗެއް ނޫނެވެ.

advertisement

ރަނގަޅު ހެލްތީ ވެއިޓެއްގައި ހުންނަ ނަމަ ތިމަންނާއަށް ކޮލެސްޓްރޯލް ނުޖެހޭނެ ކަމަށް ހީކުރެވޭތަން ވަރަށް ގިނަފަހަރު އާދެއެވެ. އެހެންނަމަވެސް މިއީ ކުރެވޭ ކުށްހީއެކެވެ. ކޭ ހެލްތްގެ ވައިސް ޕްރިޒިޑެންޓް ކާރޑިއޮލޮޖިސްޓް ޑރ އެޑޯ ޕަޒް ވިދާޅުވީ ކިތަންމެ ހެލްތީ ވެއިޓެއް ހުރި ނަމަވެސް ކޮލެސްޓްރޯލް މަތިވެދާނެ ކަމަށެވެ. އެ ގޮތުން ކާތަކެއްޗާއި، ކުރާ ކަސްރަތާއި، އަލްކޮހޮލް ބޭނުންކުރުން ފަދަ ކަންތައްތަކުން ކޮލެސްޓްރޯލް މަތިވެދާނެ ކަމަށެވެ. ތައިރޮޑް ފަންކްޝަންއަށް ކާބޭސް، ޑައިޓް، ނިދުން، ކަސްރަތު، އަދި ޖެނެޓިކްސް އިން ކޮލެސްޓްރޯލްގެ މިންވަރަށް އަސަރުކުރާނެ ކަމަށެވެ. މީހާގެ ވެއިޓްއަށް ބަލާފައި ކޮލެސްޓްރޯލް ނުޖެހޭނެ ކަމަށް ދެކުން އެއީ ރަނގަޅު ކަމެއް ނޫނެވެ.