އަބަދު ވަރުބަލިކަން އިހުސާސްވޭތަ؟

ފަޓީގް އަކީ ހަމައެކަނި ވަރުބަލިވުމެއް ނޫނެވެ. ފަޓީގްގެ ސަބަބުން ކޮންމެ ދުވަހަކު އެނދުން ތެދުވެ އެދުވަހެއްގައި ކުރަންޖެހޭ މަސައްކަތްތައް ކުރުމަށްވެސް އުނދަގޫތަކާއި ކުރިމަތިވެއެވެ. ނަފްސާނީ ގޮތުންނާއި ޖިސްމާނީ ގޮތުންވެސް ފަޓީގް ގެ މައްސަލަތައް ދިމާވެދާނެއެވެ. ނަމަވެސް މިދެކަންތައް ވަނީ ގުޅިފައެވެ. ޖިސްމާނީ ގޮތުން ފަޓީގްގެ މާގިނައިން ދިމާވާނަމަ ނަފްސާނީގޮތުންވެސް މިކަން ދިމާވެދާނެއެވެ.

ހަމަނިދި ނުލިބި މާގިނަދުވަސް ހޭދަވާނަމަ ފަޓީގްއަށް މީހާ ގޮސްދާނެއެވެ. ބޮޑު މީހަކަށް ކޮންމެ ދުވަހެއްގައި 7 ނުވަތަ 8 ގަޑިއިރުގެ ނިދި ބޭނުންވެއެވެ. ނަމަވެސް ދިރާސާތަކުން ދައްކާގޮތުގައި ގިނަ މީހުންނަށް ހަމަނިދި ނުލިބެއެވެ.

advertisement

ސިއްހަތައް ފައިދާހުރި ރަނގަޅު ކާނާކައި ގަވައިދުން ކަސްރަތު ކުރާނަމަ ފަޓީގް މެދުވެރިވުން އެމީހަކާއިދުރެވެ.

ޖިސްމާނީގޮތުން ފަޓީގް ގެ މައްސަލަތައް ކުރިމަތިވެފައިވާ މީހެއްނަމަ އެމީހަކަށް ކަންތައްތައް ކުރުމަށް ހެލިފެލިވެ އުޅުމަށް އުނދަގޫތައް ކުރިމަތިވެއެވެ. މިސާލަކަށް ބުނާނަމަ ސިޑިން އަރަން އުނދަގޫވުމާއި މާބޮޑަށް ވަރުބަލިވުމުގެ އިހްސާސް ކުރެވޭނެއެވެ. ނަފްސާނީގޮތުން ފަޓީގްގެ މައްސަލަތައް ހުންނަ މީހަކަށް ކަންކަމަށް ފޯކަސް ކުރަން އުނދަގޫވާނެއެވެ. އަދި މަސައްކަތުގައި އުޅޭއިރު ހުންނާނީ އަބަދުވެސް ނިދިއައިސްފައެވެ.

ފަޓީގްގެ ސަބަބުން ދިމާވެދާނެ ބައެއް ނަފްސާނީ މައްސަލަތައް:

• ސްޓްރެސްވުން
• ނުކެވުން
• އެންޒައިޓީ
• ފޫހިވުން
• އެމޯޝަނަލީ އެކްސްހޯސްވުން، ބާންއައުޓް
• ދިރިއުޅުމުގެ ކަންކަމަށް ބަދަލުގެނައުން (ގެއިން ނިކުތުން، ވަރިވުން)
• ނިދަން އުނދަގޫވުން

މިކަންކަން ދިމާވާނަމަ ވީހާވެސް އަވަހަކަށް ޑޮކްޓަރެއްގެ އިރުޝާދު ހޯދުމަކީ ވަރަށް މުހިންމު ކަމެކެވެ. އަދި ކުރިއާލާ މިކަމަށް ފަރުވާ ކުރަންޖެހެއެވެ.