މީހަކު ދޮގުހަދާނަމަ އެކަން ދެނެގަންނާނީ ކިހިނެއް؟

ބައެއް ފަހަރު މީހުން ދޮގުހަދާއިރު އެއީ ތެދެއްކަމަށް ގަބޫލޮުކުރެވޭހާވެސް މޮޅަށް ދޮގު ހަދައެވެ. ނަމަވެސް މީހަކު ދޮގެއް ހަދާނަމަ އެމީހެއްގެ ބޮޑީ ލޭންގުއޭޖުންވެސް އެމީހަކު ހަދަނީ ދޮގެއްކަން ބައެއް ފަހަރު ދެނެގަނެވެއެވެ. މި ހިމަނާލަނީ ބޮޑީ ލޭންގުއޭޖުން އެމީހަކު ހަދަނީ ދޮގެއްކަން ދެނެގަންނާނެ ބައެއް ގޮތްތަކެވެ.

އެމީހާ ރަނގަޅަށް އެނގުން

advertisement

އެމީހާއަކީ ތިމާ ވަރަށް ރަނގަޅަށް ދަންނަ މީހެއްނަމަ އޭނާގެ އުޅުން ހުންނަ ގޮތާއި ވާހަކަދެއްކުން އިނގޭނެއެވެ. އެހެންކަމުން ދޮގެއްހަދާނަމަ ވާހަކަ ދައްކާއިރު އޭނާގެ ހަށިގަނޑަށް ނުވަތަ މޫނަށް ނަމަވެސް އެ އަންނަ ބަދަލުގެ ސަބަބުން އެއީ ދޮގެއްކަން ހޯދައިގަތުމަށް ފަސޭހަވާނެއެވެ.

ބިރުގަތުން

އާންމުގޮތެއްގައި ދޮގެއް ހަދާމީހަކު ހާސްވެ ބިރުގަންނާނެއެވެ. އެހެންކަމުން ހާސްވެފައި ހުރިކަން އޭނާގެ ބޮޑީ ލޭންގުއޭޖުން އިނގޭނެއެވެ. އިށީންދެ އިންނަ މީހަކު މާބޮޑަށް ހާސްވަފައިވާނަމަ އޭނާގެ 2 ކަކޫ ކައިރިކުރުމަކީ އަލާމާތެކެވެ. ކޮޅަށް ހުންނަ މީހަކު މާބޮޑަށް ހާސްވެފައިވާނަމަ އޭނާގެ ދެއަތް ދެއަތާއި ފޯލްޑް ކުރާނެއެވެ.

ހާސްވުމުގެ ބައެއް އަލާމާތްތައް

މީހަކު ހާސްވެފައިވާނަމަ އޭނާގެ ނޭވާލުން އަވަސްވެ ހިތުގެ ތެޅުން އަވަސްވާނެއެވެ. ނަމަވެސް ހިތުގެ ތެޅުން ނުފެންނާތީ އޭނާއަށް ނޭވާލުމުގައި އުނދަގޫތަކެއްވާނަމަ އެއީ ހާސްވެފައިވާކަމުގެ އަލާމާތެކެވެ. އަދި ހާސްވެފައިވާ މީހެއްގެ މަސްގަނޑަށް ލޭދައުރުކުރުމުގެ ސަބަބުން ހަމުގެ ކުލައަށް ބަދަލު އައުމަކީވެސް ބައެއް ފަހަރު އެކަށީގެންވާ ކަމެކެވ. އެގޮތުން ރަތް ނުވަތަ ފިޔާތޮޅި ކުލައަށް ކުޑަކޮށް ބަދަލުވެދާނެއެވެ.

ބަދަލު އަންނާނެ

ތިމާ ރަނގަަޅަށް ނުދަންނަ މީހެއް ކަމުގައިވީނަމަވެސް އެމީހާގެ ބޮޑީ ލޭންގުއޭޖަށް އަންނަ ބަދަލުގެ ސަބަބުން އެމީހަކު ހަދަނީ ދޮގުކަން ދެނެގަނެވިދާނެއެވެ. ނަމަވެސް ރަނގަޅަށް ދަންނަ މީހަކަށްވުރެ ނުދަންނަ މީހަކަށް އަންނަ ބަދަލު ދެނެގަތުމަށް އުނދަގޫވާނެއެވެ. އެހެންކަމުން ދޮގުހަދަނީތޯ ޔަޤީންކުރުމަށް އެމީހާ ވާހަކަދައްކަން ކޮންފަޓަބަލް މައުސޫއަކަށް ބަދަލުކޮށްލެވިދާނެއެވެ. އެއިރުން މީހާގެ ބޮޑީ ލޭންގުއޭޖަަށް އަންނަ ބަދަލުތަކުގެ ސަބަބުން އެ ހަދަނީ ދޮގުތޯ ބެލުމަށް ފަސޭހަވާނެއެވެ.

މޫނަށް އަންނަ ބަދަލު

ހަށިގަނޑުގެ ހުރިހައި ގުނަވަނެއްގެ ތެރެއިންވެސް އަންނަ ބަދަލު އެންމެ ރަނގަޅަށް ދެނެގަނެވޭނީ މޫނުންނެވެ. އެހެންކަމުން ދޮގުހަދާތޯ ބެލުމަށް މޫނަށް އަންނަ ބަދަލު ދެނެގަތުމަކީ ވަރަށް މުހިންމު ކަމެކެވެ. ދުގުހަދާ މީހަކު ތުންފަތުގައި ދަތްއެޅުމާއި، މާއަވަސްއަވަހަށް އެސްފިޔަ ޖެހުން ފަދަ ކަންކަން ކުރާނެއެވެ.