އާއިލާތެރޭގައި ޖެހޭ ބައެއް މައްސަލަތަކާއި އެކަން ހައްލުކުރާނެ ގޮތް

ކޮންމެ އާއިލާއަކީވެސް މައްސަލަ ޖެހޭނެ އާއިލާއެކެވެ. ނަމަވެސް އެންމެ އުފާވެރި އާއިލާއަކީ އެޖެހޭ މައްސަލަތައް ހައްލުކުރާ އާއިލާއެވެ. ދިރިއުޅުމުގެ ކަންތައްތައް ހުންނަ ގޮތުން ބައެއް ފަހަރު އާއިލާތަކުގައި މައްސަލަ ޖެހެއެވެ. މި އާޓިކަލްގައި މި ހިމަނާލަނީ އާންމުގޮތެއްގައި އާއިލާތަކުގައި ޖެހޭ މައްސަލަތަކާއި އެކަންކަން ހައްލު ކުރެވިދާނެ ގޮތްތަކެވެ.

• ދުރުގައި ހުރުން

ވަޒީފާގެ ގޮތުން އާއިލާގެ ކޮންމެވެސް އެކަކު ދުރުގައި ހުންނަޖެހޭ ފަހަރު އާދެއެވެ. އާންމުގޮތެއްގައި ދުރުގައި ހުންނަންޖެހެނީ ފިރެހެން މީހާއެވެ. މިއީ ވަރަށް ގިނަ އާއިލާތަކުގައި މައްސަލަޖެހޭ ކަމެކެވެ. ޚާއްސަކޮށް ދަރިން ތިބޭނަމަ މި މައްސަލަ ބޮޑުވާ ފަހަރުވެސް އާދެއެވެ. ކިތަންމެ ދުރުގައި ހުރިނަމަވެސް މިހާރު އިންޓަނެޓް މެދުވެރިކޮށް ގުޅުން ބަދަހިކުރެވޭނެ ފުރުސަތު ވަނީ ފަހިވެފައެވެ. އެހެންކަމުން ދުވާލުގެ ކޮންމެވެސް ވަގުތެއްގައި އާއިލާއަށް ގުޅާލާށެވެ. އެއީ ވީޑިއޯ ކޯލަކަށްވެސް ހެދިދާނެއެވެ.

advertisement

• މާބިޒީވުން

ދިރިއުޅުމުގެ ކަންކަން ހުންނަގޮތުން މާބިޒީކޮށް އުޅެންޖެހޭ ފަހަރު އާދެއެވެ. ވަޒީފާގެ ކަންތައްތަކާއި ގޭތެރޭގެ ކަންތައްތައް ކުރުމަށްފަހު އާއިލާއަށް ވަގުތު ނުދެވޭ ފަހަރު އާދެއެވެ. މިއީ ގިނަ އާއިލާތަކަށް ދިމާވާ މައްސަލައެކެވެ. މިކަން ހައްލުކުރުމަށް ކުރަންޖެހޭ ކަންތައްތައް ޝެޑިއުލް ކުރާށެވެ. އަދި ކޮންމެ ހަފްތާއަކު އެއްފަހަރު ނަމަވެސް އާއިލާއަށް ދޭންޖެހޭ ވަގުތުކަމަށް ވަކި ވަގުތެއް ކަނޑައަޅާށެވެ.

• ދެބަސްވުންތައް

ކޮންމެ އާއިލާއެއްގައިވެސް ދެބަސްވުންތައް ހުންނާނެއެވެ. ދެބަސްވެވޭ ފަހަރު އާއިލީ ގުޅުމަށް ބުރުއަރާ ފަރަރު އާދެއެވެ. ބައެއް ފަހަރު ބައިވެރިޔާއާއި ދެބަސްވާން ޖެހިދާނެއެވެ. ނުވަތަ ދަރިންނާއި ދެބަސްވާން ޖެހިދާނެއެވެ. ދެބަސްވުމަކީ މައްސަލައެއް ނޫނެވެ. އެއީ ކޮންމެ މީހެއްގެވެސް ހިޔާލު ތަފާތުވާނެއެވެ. އެހެންކަމުން އެމީހާ އެގޮތައް އެވިސްނާ ސަބަބާއިމެދު ފުންކޮށް ވިސްނާލާށެވެ. އެއިރުން ގިނަފަހަރު ދެބަސްވުންތައް ނިމޭނީ ހަމަޖެހުމަކުންނެވެ.

• ފައިސާ

ފައިސާއަކީ ވަރަށް ގިނަ ފަހަރު އާއިލާތެރޭގައި މައްސަލަޖެހޭ ކަމެކެވެ. މަލީގޮތުން ތަނަވަސްކަން ނެތުމުގެ ސަބަބުން އާއިލާތެރޭގައި ހަމަނުޖެހުން އުފެދި ޓެންޝަންއަށްދެއެވެ. އެހެންކަމުން ފައިސާގެ ގޮތުން އާއިލާތެރޭގައި ދިމާވާ މައްސަލަތައް ހައްލުކުރުމަށް ބޭކާރު ހަރަދުތައް ކުރުން ހުއްޓާލުން ވަރަށް މުހިންމެވެ. އަދި ބޭނުންނެތް އަގުބޮޑެތި ތަކެތި ނުގަތުމަކީވެސް ކުރެވިދާނެކަމެކެވެ.