ހުއްޓާލަން ބޭނުންވިޔަސް ސިގިރޭޓް ބުއިން ހުއްޓާނުލެވެނީ ކީއްވެ؟

ސިގިރޭޓް ބޯ މީހުން ވަކި ހިސާބަކަށް ދިއުމުން އެކަން ކުރަން ބޭނުމެއް ނުވެއެވެ. ތަފާތު އެކި ސަބަބުތަކާއި ހެދިއެވެ. ސިގިރޭޓަކީ އޭގެ ސަބަބުން ތިމާގެ ހަށިގަނޑަށް ގިނަ ނުރައްކާތަކަށް ހުށަހެޅިގެންދާ އެއްޗަކަށް ވާތީއެވެ. ނަމަވެސް ހުއްޓާލަން ބޭނުންވިޔަސް ގިނަ ފަހަރު އޮންނާނީ މި ކަން ކުރެވޭ ގޮތް ނުވެއެވެ. ސިގިރޭޓް ބުއިން ހުއްޓާލަން ބޭނުންވާ ފަރާތްތަކުން އެކަން ހުއްޓާލުމަށް ކުރެވިދާނެ ކަންތައްތަކަށް ބަލައިލާނަމެއެވެ.

 ސަބަބެއް ހޯދުލުން

ސިނގިރޭޓް ބުއިން ހުއްޓާލަން ބޭނުންނަމަ އެންމެ ފުރަތަމަވެސް ތިމާ އެކަމަށް މޯޓިވޭޓް ކުރުވާނެ، ތިމާ އާއި ވަރަށް ބޮޑަށްވެސް ގުޅޭ މުހިއްމު ސަބަބެއް ހޯދާލާފައި، އެކަން ސިކުޑީގައި ބެހެއްޓުމަށްފަހު ހުއްޓާލަން މަސައްކަތް ކުރުމުން އިތުރު ހިތްވަރެއް ލިބިގެންދާނެއެވެ. މިސާލަކަށް ތިމާގެ އާއިލާ “ސެކަންޑް ހޭންޑް ސްމޯކް އިން ސަލާމަތް” ކުރުން ނޫނީ، ފުއްޕާމޭގެ ކެންސަރު، ހިތުގެ ބަލިތައް ފަދަ މުހިއްމު ބަލިތަކުން ތިމާގެ ނަފްސު ސަލާމަތް ކުރުމެވެ. މީގެ ތެރެއިން ތިމާއަށް މުހިއްމު ސަބަބެއް ހޯދުމަށްފަހު، އެ ސަބަބާއި ގުޅުވުމަށްފަހު، ސިނގިރޭޓް ބުއިން ހުއްޓާލުމަށް ތިމާގެ ނަފްސު މޯޓިވޭޓް ކުރެވިދާނެއެވެ.

ދުރާލާ ތައްޔާރުވުން

 ސިނގިރޭޓް ބުއިން މިއަދުން ފެށިގެން ހުއްޓާލީއޭ ބުނެ، ސިނގިރޭޓް ބޮނޑިކޮށްލާފައި އެއްލާމުގެ ބަދަލުގައި، ދުރާލާ ސަޕޯޓް ސިސްޓަމެއް ހޯދާލާފައި ބެހެއްޓުން މުހިއްމެވެ. ސަބަބަކީ ސިނގިރޭޓަކީ އޭގައި ހިމެނޭ ނިކޮޓިންގެ ސަބަބުން އެޑިކްވެފައި ހުންނަ އެއްޗަކަށްވާތީ، ކިތަންމެ ހުއްޓާލަން މަސައްކަތް ކުރިޔަސް ހުއްޓާނުލޭ ފަހަރު އަންނާނެތީވެއެވެ، އެހެންކަމުން ހުއްޓާލަން ބޭނުންވާއިރު، ދުރާލާ ޑޮކްޓަރަކާއި މަޝްވަރާކޮށް އެކަމުގައި ކަންތައް ކުރާނެ ގޮތްތައް ހޯދާލާފައި ބެހެއްޓުން ބުއްދިވެރިއެވެ. ކައުންސިލުން ހޯދުން ނޫނީ މި ކަމާއި ގުޅޭ އެޕްއެއް ފޯނަށް އަޅާފައި ބެހެއްޓުން ފަދަ ކަންތައް ކުރިން ކޮށްލާފައި ބެހެއްޓިދާނެއެވެ.

ބަދަލުގައި ކަމެއް ހޯދާލާފައި ބެހެއްޓުން

ސިނގިރޭޓްއަކީ ކުރިންވެސް ފާހަގަކުރި ގޮތަށް ގިނަ އަދަދަކަށް ނިކޮޓިން އެކުލެވޭ އެއްޗަކަށް ވުމުން ހުއްޓާލީމައި، އޭގެ ސަބަބުން ބޮލުގައި ރިއްސުން މޫޑް ސްވިންގްސް ފަދަ ކަންތަކާއި ކުރިމަތިލާންޖެހިދާނެއެވެ. އެގޮތުން ހުއްޓާލުމަށްފަހު، ސިނގިރޭޓް ބޯ ހިތްވާ ގަނޑީގައި ޗުއިމްގަމްއެއް ކާލުން ފަދަ ބަދަލުގައި ކުރާނެ އެހެން ކަމެއް ހޯދުމަށްފަހު، އެކަމެއް ކުރާށެވެ.