މާލީގޮތުން ގެވެށި އަނިޔާ ލިބޭކަން ދެނެގަންނާނީ ކިހިނެއް؟

ޑޮމެސްޓިކް ފައިނޭންޝިއަލް އެބިއުޒް އަކީ ފިޒިކަލީ ލިބޭ އަނިޔާއަށް ވުރެ މާ ބޮޑު އަނިޔާއެކެއެވެ. ތިމާގެ ބައިވެރިޔާ އަށް ހަރަދުކުރަން ފާއިސާ ނުދީ ،އޭނާގެ ފައިނޭންސް ކޮންޓްރޯލް އެހެން މީހަކު ނަގާ ހަލާކުކޮށްލުމަކީ ފިޒިކަލީ މީހަކަށް ދެވޭ އަނިޔާއަށްވުރެ، މާ ބޮޑު އަނިޔާއެކެއެވެ. އެއީ އެ ފަދަ މީހަކަށް މެންޓަލީ ދެވޭނެ އެންމެ ބޮޑު ވޭނެއެވެ.

އާއިލާއިން ދިމާވާ މިފަދަ ފައިނޭންޝިއަލް އެބިއުޒްގެ ވާހަކައަކީ އެހެން ޑޮމެސްޓިކް އެބިއުޒްއަށް ވުރެ މަދުން ދެއްކޭ ވާހަކައެކެއެވެ. 2011 ވަނަ އަހަރު ސެންޓަރ ފޯ ފައިނޭންޝިއަލް ސެކިއުރިޓީއިން ހަދާފައިވާ ދިރާސާއެއް ދައްކާ ގޮތުގައި ގެވެށި އަނިޔާގެ 103 މައްސަލަ ރިޕޯޓް ކުރިއިރު، އޭގެ ތެރެއިން 99 މައްސަލައަކީ ޕާރޓްނަރގެ ފަރާތުން ދިމާވި ފައިނޭންޝިއަލް އެބިއުޒްގެ މައްސަލަތައް ކަމަށެވެ.

advertisement

އޭގެ ތެރޭގައި އެ މީހުންނަށް އާމްދަނީ ލިބޭނެ ގޮތްތައް ހުއްޓުވުމާއި، އެފަދަ ކަމަކަށް ހުރަސްއަޅައި އެ މީހުން ފާއިސާ ލިބޭނެ ހުރިހައި ގޮތްތަކަކަށް ހުރަސް އެޅުމެވެ. ސަބަބަކީ ގެވެށި އަނިޔާގެ ޝިކާރައަކަށް ވިޔަސް އަތްމަީގައި ފާއިސާ ނެތް ކަމުގައި ވެއްޖިއްޔާމު އެފަދަ މީހެއް ދޫނުކުރެވި އޭނާ ކާރީގައި ހުންނަން މަޖްބޫރުވެގެން ދިއުމެވެ.

 ގެވެށި އަނިޔާ ތަހައްމަލް ކުރާ މީހުންނަށްވެސް އެފަދަ ދިރިއުޅުމެއް ދޫކޮށް ދާން ބަލާއިރު، ނުދެވޭ މައިގަނޑު އެންމެ ބޮޑު ސަބަބަކީ އެފަދަ ހާލަތަކުން ނިކުމެ ދެން ދިރިއުޅުން އާރާސްތްކުރާނެ ގޮތެއް ނެތުމެވެ. ބޯހިޔާވަހިކަމެއް ނެތުމާއި، އާމްދަނީ ލިބޭނެ ގޮތެއް ނެތުމެވެ.

ގެވެށި އަނިޔާގެ ޝިކާރައަކަށްވެސް އެ ދިރިއުޅުމުން ނިކުންނަން ބޭނުންވެ އަތުގައި ފާއިސާ ނެތްނަމަ، ގާތް ރަހްމަތްތެރިއެއްގެ ނޫނީ އާއިލީ މެމްބަރެއްގެ އެހީތެރިކަން ހޯދިދާނެއެވެ. ދުރާލާ މި ކަން ޕްލޭންކޮށް، އެ ފަރާތްތަކާއި މަޝްވަރާ ކުރެވިދާނެއެވެ. ތިމާގެ ފައިންނޭޝިއަލް ހާލަތައް ގެވެށި އަނިޔާ ތަހައްމަލް ކުރަން ހުންނަން މަޖްބޫރެއް ނޫނެއެވެ.

 އަދި ތިމާއަކީ ފައިނޭންޝިއަލީ އިންޑިޕެންޑެންޓް މީހަކަށް ވުމަށްޓަކައި ކޮންމެވެސް ވަޒީފާއެއް އަދާކުރުން މުހިއްމެވެ. އެ ހާލަތުން ނިކުމެ ތިމާގެ ހުރި ހުނަރަކީ ކޮބައިތޯ ބަލައި އެންމެ އަވަހަށް އަދާކުރެވިދާނެ ވަޒީފާއެއް ހޯދުން އެއީ ކުރެވިދާނެއެވެ. ފުރަތަމަ ތިމާ އެންމެ ބޭނުންވާ ވަޒީފާއަށް ނުވި ކަމުގައިވިޔަސް ހިތްވަރާއެކު މަސައްކަތުގައި ކުރިއަށް ގޮސް ، އިތުރު ކުރިއެރުންތަކެއް ހޯދައި ކުރިއަށް ބޭނުންވާ ދާއިރާއަކުން ކުރިއަށް ދެވިދާނެއެވެ. މުހިއްމީ ގެވެށި އަނިޔާ ތަހައްމަލްކޮށް ތިމާ ހަލާކުގެ ތެރޭގައި ހުރުމަށްވުރެ، ތިމާގެ އަމިއްލަ ނަފްސަށްޓަކައި ފައިޓް ކުރެވޭ ފަދަ މީހަކަށް ތިމާ ހެދުމެވެ.