ކަނޑުގެ ސިއްހަތާއި ދިވެހިންގެ ސިއްހަތާއި ވަކި ނުކުރެވޭނެ ދޭއްޗެއް

އިންސާނުންގެ ސިއްހަތާއި ކަނޑާއި ވަނީ ގުޅިލާމެހިފައެވެ.ދާދި ފަހުން ހަދާފައިވާ ދިރާސާއެއް ދައްކާ ގޮތުގައި ކަނޑުގެ ސިއްހަތާއި އިންސާނާގެ ސިއްހަތާއި ވަނީ  ގުޅިފައެވެ.އެގޮތުން ކަނޑަށް ދެވޭ ގެއްލުންތަކުގެ އަސަރު އިންސާނާގެ ހަށިގަނޑަށްވެސް ކުރެއެވެ.

ދިރާސާއެއް ދައްކާ ގޮތުގައި މޫދުގެ ފެންގަނޑު ތައައްޔަރުވެފައިވާ ތަންތަނުގައި ފެތުމުގެ ސަބަބުން ނޭވާލާ ނިޒާމުގެ 250 މިލިޔަން ކޭސް މުޅި ދުނިޔެއިން ފެނިފައިވާ ކަމަށެވެ. މީގެ އަސަރު މޫދުގެ އައްސޭރި ފަށުގައި ދިރިއުޅޭ މީހުންނަށް ނުސީދާ ގޮތުން ކުރެއެވެ. ވަށައިގެންވާ ކަނޑާއި ތިމާވެއްޓަށް ލިބޭ ގެއްލުމުގެ އަސަރު އިންސާނާއަށް ވަރަށް ބޮޑަށް ކުރާކަން މިހާރުގެ ދިރާސާތަކުން އަންނަނީ ދައްކަމުންނެވެ. މީގެ ތެރެއިންވެސް ތިމާވެއްޓަށް ކުރާ އަސަރުގެ ސަބަބުން ބޭނުންކުރާ ފެންވެސް އަންނަނީ ތައައްޔަރުވަމުންނެވެ.

advertisement

ފެނަކީ އިންސާނާގެ ދިރިހުރުމަށް މުހިއްމު އެއްޗަކަށްވާއިރު، ތައައްޔަރުވެފައިވާ ފެނުގެ ސަބަބުން އިންސާނާގެ ހަށިގަނޑަށް އޭގެ އަސަރުކުރެއެވެ. އޭގެ ތެރޭގައި ކެންސަރާއި، ހިތުގެ ބަލިފަދަ ބަލިތައް ޖައްސައެވެ.

މި ކަމުން ސަލާމަތްވުމަށް ކުރެވިދާނެ ކަންތައްތަކުގެ ތެރޭގައި:

*ޕްލާސްޓިކް ބޭނުންކުރާ މިންވަރު މަދުކުރުން ، ވީހާވެސް ބޮޑަކަށް ރިސައިކަލް ކުރުމަށް ވިސްނުން 

*ގޭގައި ގެންގުޅޭ ކެމިކަލްތައް ރަނގަޅަށް ނައްތާލުން

*ޕެޓެއް ގެންގުޅޭ ނަމަ، ޕެޓްގެ ވޭސްތައް ރަނގަޅަށް ސާފުކޮށް ބެލެހެއްޓުން

*ކާބޯތަކެތީގެ ރަނގަޅު އާދަތަކެއް ގެންގުޅުން

ފެން ތައައްޔަރުވަނީ އެކި ގޮތްގޮތުން ޖައްވަށް ދޫކުރެވޭ ވިހަ ގޭހާއި ކެމިކަލްގެ ސަބަބުންނެވެ.  އިންސާނުންނަށް މީގެ އަސަރުކުރަނީ ތައައްޔަރުވެފައިވާ ފެން ބޯން ނުވަތަ ދޮންނަން ބޭނުންކުރެވުން ފަދަ ކަންތައް ކުރެވުމުގެ ސަބަބުންނެވެ.