ހިރާ ސުކޫލަށް ޒައިދް ސަސްޓެއިނަބިލިޓީ އެވޯޑް ލިބުން ސަބަބު

 އައްޑޫސިޓީގެ ހިރާ ސްކޫލަށް ޒައިދް ސަސްޓެއިނަބިލިޓީ އެވޯޑް ލިބިއްޖެއެވެ. ހިރާ ސްކޫލަށް މި އެވޯޑް ލިބިފައިވަނީ ދެކުނު އޭޝިޔާ ސަރަހައްދުގެ ގްލޯބަލް ހައި ސްކޫލު ކެޓަގެރީއިންނެވެ. ހިރާ ސްކޫލްގެ އިތުރުން މި އެވޯޑުގެ ފައިނަލަށް ނޭޕަލް ގެ ދި ބްލިންކް ނައު ފައުންޑޭޝަނާއި އިންޑިއާގެ ކުވާރީ ހަންސާ ހަޔާ ސެކަންޑްރީ ސްކޫލް ވަނީ ހިމެނިފައެވެ.

ހިރާ ސުކޫލުން ހުށަހަޅާފައިވަނީ ރައްކާތެރިކަމާއި ދެމެހެއްޓެނިވި ގޮތެއްގައި ފެން ބޭނުން ކުރުމާގުޅޭ ޕްރޮޖެކްޓެކެވެ. އެގޮތުން ހިރާ ސްކޫލްއިން ހުށަހަޅާފައިވަނީ ވާރޭ ފެން ނަގައިގެން އެ ފިލްޓަރ ކޮށްގެން އަލުން ބޭނުންކުރާނެ ގޮތުގެ ޕްރޮޖެކްޓެކެއެވެ.

ވާރޭ ފެން ނަގައިގެން ބުއިމަކީ ރާއްޖޭގައި ކުރިން ވަރަށް އާއްމުކޮށް ކޮށް އުޅުނު ކަމެކެއެވެ. އެހެންނަމަވެސް ޒަމާނަށް އައި ތަރައްގީ އާއި އެކު ވާރޭ ފެނުގެ ބަދަލުގައި މިހާރު ގިނައިން ބޭނުންކުރަމުން އަންނަނީ މިނަރަލް ވޯޓަރ ނުވަތަ ޑީސަނައިލޭޓް ކޮށްފައި ހުންނަ ފެނެއެވެ.

ހިރާ ސްކޫލްއިން ޑީސަނަލައިނޭޓް ކޮށްފައި ހުންނަ ފެނުގެ ބަދަލުގައި ވާރޭ ފެން ފިލްޓަރ ކޮށްގެން ބޭނުންކުރާނެ ޕްރޮޖެކްޓެއް ހުށަހަޅާފައިވަނީ ބޯފެން ޑީސަނަލައިޓް ކުރުމަށްޓަކައި ޖައްވަށް ގިނަ ގޭސް ދޫކުރަން ޖެހޭތީ ކަމަށް މި ޕްރޮޖެކްޓް ހެދުމުގައި ޝާމިލްވި ހިރާ ސްކޫލްގެ ދަރިވަރުން ވަނީ ބުނެފައެވެ.

ހިރާ ސްކޫލްގެ ދަރިވަރުން ބުނެފައިވަނީ ފެން ޑީސަލިނޭޓް ކުރުމަށްޓަކައި ފެކްޓްރީ އެއް ބޭނުންވާއިރު، އެ ފެކްޓްރީއިން މި ކަމަށް ތެޔޮ އަންދާނެ ކަމަށާއި، އެ އަންދާ ތެލުގެ ސަބަބުން ޖައްވަށް ދޫކުރާ ކާރބަންޑައިއޮކްސައިޑްގެ ސަބަބުން ތިމާވެށި ހަލާކުވެގެންދާނެ ކަމަށެވެ.