އަބަދު ކާހިތްވުމަކީވެސް ބައްޔެއް

އާންމުގޮތެއްގައި އަހަރެމެން ކައިއުޅެނީ ބަނޑުހައިވުމުން ނުވަތަ ޚާއްސަ ކަންކަމާއި ގުޅުވައިގެންނެވެ. ނަމަވެސް ބައެއް މީހުން މިއާއި ހިލާފެވެ. އަބަދު ބަނޑުހައިވެ ނުވަތަ ކާހިތްވެފައި ތިބޭ މީހުން އުޅެއެވެ. މިއީވެސް ބައްޔެކެވެ. އިނގިރޭސިބަހުން މިއަށް ކިޔާއުޅެނީ “ބިންގް އީޓިންގ ޑިސްއޯޑަރ” އެވެ.

ބިންގް އީޓިންގ ޑިސްއޯޑަރ އަކީ ކޮބާ؟

advertisement

މިއީ އީޓިންގ ޑިސްއޯޑަރއެކެވެ. މިކަމުގެ ސަބަބުން އެމީހަކު އަވަސްއަވަހަށް ގިނައިން ކައިއުޅެއެވެ. މިމީހުން އަވަސްއަވަހަށް ގިނައިން ކައި އެކަމާއި ދެރަވެ ނުވަތަ ލިދުވެސްގަނެއެވެ. މިކަން ހުންނަ މީހެއްގެ ކިބައިން ފެނިދާނެ ބައެއް އަލާމާތްތައ             ްވެސް ހުރެެއެވެ. އޭގެތެރޭގައި:

• އެހެންމީހުންނަށްވުރެ އަވަސްއަވަހަށް ކެއުން
• އެމީހުން ކާމިންވަރު އިތުރުވުމުގެ ސަބަބުން އެހެންމީހުންނާއި އެކުގައި ކެއުމަށް ދެކޮޅުހެދުން.
• ކެއުމަށްފަހު ދެރަވުން ނުވަތަ އެކަމާއި ޑިޕްރެސްވުން
• ބަނޑަށް އުނދަގޫވާވަރަށް ކެއުން
• އެހެންމީހުންނަށް ނުފެންނަ ގޮތައް ގިނައިން ކެއުން

މިފަދަ މީހުންނަށް ސިއްހީ ބައެއް މައްސަލަތައްވެސް ދިމާވެއެވެ. އޭގެތެރޭގައި:

• ކޮލެސްޓްރޯލް މަތިވުން
• ހަކުރުބަލި
• ބައެއް ވައްތަރުގެ ކެންސަރު ޖެހުމަށް މަގުފަހިވުން
• ހިތުގެ ބަލިތައް
• ބްލަޑް ޕްލެޝަރ މަތިވުން
• ގޯލްބްލެޑަރގެ އެކިއެކި ބަލިތައް

މާގިނައިން ކާހިތްވާ މީހުންނަށް މިކަން ހައްލުކުރުމަށްވެސް ކުރެވިދާނެ ކަންތައްތައް ހުރެއެވެ. އެގޮތުން އެންމެ ފުރަތަމަ ނިއުޓްރިޝަނަލް ކައުންސިލަރއެއްގެ އެހީތެރިކަން ހޯދާށެވެ. އެއިރުން ބަރުދަން ލުއިކުރުމަށާއި، ހަށިގަނޑަށް ފައިދާހުރި ގޮތައް ކެއުން ބަހައްޓަންވީގޮތް ކިޔާދޭނެއެވެ.

މާގިނައިން ކާނަމަ މިކަން އެހެން ބައެއް ކަންކަމާއިވެސް ގުޅިފައި އޮތުމަކީ ވެދާނެކަމެކެވެ. އެގޮތުން އެންޒައިޓީ ނުވަތަ ޑިޕްޝަންއަށްވެސް ގުޅިފައި ވުމަކީ ވެދާނެކަމެކެވެ. އެހެންކަމުން މާގިނައިން ކެވޭނަމަ މިކަން ހައްލުކުރުމަށް މެޑިކެޝަންގެ އިތުރުން ތެރަޕީ ނެގިދާނެއެވެ.