ބޮލުގެ ވާއަތް ފަޅީގައި ރިއްސުމަކީ ސީރިއަސް ކަމެއް

ދުނިޔޭގެ %50 މީހުންނަކީ ބޮލުގައި ރިއްސުން ތަހައްމަލް ކުރާ މީހުންނެވެ. ބައެއް ބޮލުގައި ރިއްސުންތަކަކީ އެހާ ސީރިއަސްނޫން ގޭގައި ފަރުވާދީގެން ރަނގަޅުކުރެވޭނެ ކަންކަމެވެ. ނަމަވެސް އަނެއްބައި ބޮލުގައި ރިއްސުންތަކަކީ އާދައިގެ ކަމެއްގެ ގޮތުގައި ބެލުމަށްވުރެ ސީރިއަސް ކަންކަމެވެ. އަދި މިއީ ސިއްހީގޮތުން ފަރުވާ ހޯދަންޖެހޭ ކަމެކެވެ.

ބޮލުގައި ރިއްސާއިރު މީހާގެ ލޯ ފުސްވެ، މިނޫންވެސް އެހެން ބައެއް ސީރިއަސް އަލާމާތްތައް ފެންނަނަމަ ވަގުތުން ޑޮކްޓަރެއްގެ ލަފާހޯދަންޖެހޭނެއެވެ. މި އާޓިކަލްގައި މި ބަލާލަނީ ބޮލުގެ ވާއަތް ފަޅީގައި ރިއްސުމުގެ ބައެއް އަލާމާތްތަކާއި މިކަން މެދުވެރިވެދާނެ ބައެއް ސަބަބުތަކަށެވެ.

advertisement

ބޮލުގެ ވާއަތް ފަޅީގައި ރިއްސުމުގެ ވަރަށް ގިނަ ސަބަބުތައް ހުރެދާނެއެވެ. އޭގެތެރޭގައި މައިގްރޭން ފަދަ ކަމެއް ހުރެދާނެއެވެ. ސިއްހީ މާހިރުން ބޮލުގައި ރިއްސުން 2 ބަޔަކަށް ބަހާލާފައިވެއެވެ. އެއީ ޕްރައިމަރީ އަދި ސެކަންޑަރީއެވެ. ޕްރައޮމަރީ ބޮލުގައި ރިއްސުމަކީ އާދައިގެ މާބޮޑު މައްސަލައަކާއި ނުލައި ބޮލުގައި ރިއްސުމެވެ. ނަމަވެސް ސެކަންޑަރީ ބޮލުގައި ރިއްސުން ތަފާތު އެހެން ސީރިއަސް މައްސަލަތަކާއި ވަނީ ގުޅިފައެވެ. އޭގެތެރޭގައި ބްރެއިން ޓިއުމަރެއް، ސްޓްރޯކެއް ނުވަތަ އިންޕެކްޝަންއަކާއި ގުޅިފައިވެދާނެއެވެ.

• މައިގްރޭންގައި ބޮލުގައި ރިއްސުން

މައިގްރޭންގައި ބޮލުގައި ރިއްސާނަމަ ބޮލުގެ ވާއަތް ފަޅިގައި ރިއްސާނެއެވެ. އެމެރިކާގައި މައިގްރޭންގެ މައްސަލަ %12 މީހުންނަށް ކުރިމަތިވާކަމަށް ހޯދުންތަކުން ދައްކައެވެ. މައިގްރޭންގައި ބޮލުގައި ރިއްސާނަމަ ރިއްސާނީ ބޮލުގެ އެއް ފަޅީގައެވެ. އަދި މި ރިއްސުން ލޮލުން ފެށިގެން މުޅި ބޮލަށް ފޯރައެވެ. މައިގްރޭންގެ ބައެއް އަލާމާތްތަކުގެ ތެރޭގައި:

• ލޮލުގެ ފެނުމަށް އަސަރުކުރުން
• ހޮޑުލެވުން
• ބޯއެނބުރުން

• ސާވިކޮޖެނިކް ބޮލުގައި ރިއްސުން

މި ބާވަތުގެ ބޮލުގައި ރިއްސުމަކީ ކަރަށް ލިބޭ ކޮންމެވެސް އަނިޔާއެއްގެ ސަބަބުން މެދުވެރިވާ ބޮލުގައި ރިއްސުމެކެވެ. މި ބާވަތުގެ ބޮލުގައި ރިއްސުމުގެ އަލާމާތްތަކުގެ ތެރޭގައި:

• ކަރުން ފެށިގެން ރިއްސައް ފެށި ރިއްސުން ލޮލުން ބޮލުގެ އެއް ފަޅިއަކަށް ވާސިލްވުން
• ކަރު އަނބުރަން އުނދަގޫވުން
• ލޮލާއި، ކަރާއި، ކޮނޑާއި އަތުގައި ރިހުމެއް ހުރުން
• ލޮލުގެ ފެނުން ފުސްވުން
• އަވި އަދި އަޑުތަކަށް އުނދަގޫވުން

ބޮލުގައި ރިއްސުމުގައި ޑޮކްޓަރެއްގެ އެހީ ހޯދާނީ ކޮންއިރަކުން؟

ބޮލުގައި ރިއްސުމަކީ ވަރަށް އާންމުކޮށް މީހުންނަށް ދިމާވާ ކަމެކެވެ. ނަމަވެސް މިއީވެސް ޑޮކްޓަރެއްގެ އެހީތެރިކަން ހޯދަންޖެހޭ ކަމެކެވެ. އެގޮތުން ބޮލުގައި ރިއްސުމުގައި މިކަންކަން ދިމާވާނަމަ ޑޮކްޓަރެއްގެ އެހީތެރިކަން ހޯދާށެވެ.

• ލޯފުސްވުން
• ހުންއައުން

• ދާހިތްލުން
• ހޮޑުލެވުން
• ހަށިގަނޑުގެ އެއްފަޅި ވަރުބަލިވެފައި ހުރުން
• ބޮލުގައި ރިއްސުން ކުއްލިއަކަށް މާބޮޑަށް ގޯސްވުން
• ބޮލުގައި ރިއްސާގޮތް ތަފާތުވުން
• 50 އަހަރުން މަތިވުމަށްފަހު ބޮލުގައި ރިއްސުން ފެށުން