ސަން ސްކްރީން ގަންނައިރު ބަލަންވީ މި ކަންކަމަށް

ރާއްޖެއަކީ އަހަރުގެ ބޮޑު ބައެއް ހޫނު އަވިދޭ ގައުމެކެވެ. އެހެން ކަމުން ދުވާލުގެ ކޮންމެވެސް ވަގުތެއްގައި، ނުވަތަ މަސައްކަތުގައި އަތްވަށް ނުނުކުމެ ނުވެއެވެ. އެހެންކަމުން އަވީގައި ހަންގަނޑު ޖެހުމުން ހަމުގެ ތާޒާކަން ގެއްލި އަވަހަށް މުސްކުޅިކޮށްލައެވެ. ދިރާސާތަކުން ދައްކާ ގޮތުގައި 55 އަހަރުން ދަށުގެ މީހުން އިރުން ރައްކާތެރިވާން ސަން ލޯޝަން ގަވައިދުން ބޭނުން ކުރާ މީހުން ހަންގަނޑު ރޫޖެހުން ފަދަ ކަންކަން ދިމާވުން 24 ޕަސެންޓަށް ދަށްވެއެވެ.

މީގެ އިތުރުން ހޫނުވުމުގެ ސަބަބުން ހަންގަނޑު ހިރުވާ، ރަތްވެ ނުވަތަ ދާ ހިލުމުގެ ސަބަބުން ބިހި ނެގުން ފަދަ ކަންކަމުން ސަލާމަތް ވުމަށްވެސް ގަވައިދުން ސަން ލޯޝަން ބޭނުން ކުރުމަކީ ރަނގަޅު ކަމެކެވެ.

advertisement

ގިނަ މީހުންނަށް އެނގޭގޮތުން މިއީ ކަޅުވުން ދުރުކޮށްދިނުމަށް ނުވަތަ ސަން ބާރން އިން ރައްކާތެރި ވުމަށް ބޭނުން ކުރާ އެއްޗެކެވެ. ގަވައިދުން ސަން ލޯޝަން ބޭނުން ކުރާނަމަ ހަންގަނޑު އެދުމުން ވެސް ރައްކާތެރިކޮށްދެއެވެ. އަދި ހަންގަނޑު އަބަދުވެސް ތާޒާ ކަންމަތީ ބެހެއްޓުމަށާއި ކެންސަރުން ދުރުކޮށްދޭން މިއީ ބޭނުން ކުރުން މުހިއްމު އެއްޗެކެވެ. ނަމަވެސް ސަން ލޯޝަން ގަންނައިރު ބަލަންވީ ކަންކަން ގިނަ މީހުންނަކަށް ނޭންގެއެވެ. މި އާޓިކަލްގައި މި ހިމަނާލަނީ ސަން ސްކްރީން ނުވަތަ ސަން ލޯޝަން ގަންނައިރު ބަަލަންވީ ބައެއް ކަންކަމަށެވެ.

އެސްޕީއެފް މަތިވުން

ސަން ލޯޝަން ގަންނައިރު ބޮޑަށް ރަނގަޅީ އެސްޕީއެފް  ނުވަތަ ސަން ޕްރޮޓެކްޝަން ޕެކްޓަރ އަށް ބެލުމެވެ. މިއީ އަވީގެ ސަބަބުން ހަންގަނޑު ރައްކާތެރިކޮށްދޭ މިންވަރު ބެލުމަށެވެ. އެގޮތުން އެންމެ ރަނގަޅީ އެންމެ ދަށްވެގެން އެސްޕީއެފް 30 ގައި ހުންނަ ސަން ލޯޝަން ގަތުމެވެ. އަދި 30 އާއި 50 އާއި ދެމެދުގައި އެސްޕީއެފް ހުންނަނަމަ ރައްކާތެރިކަން 95 އިންސައްތައިން 97.5 އިންސައްތައަށް ލިބޭނެއެވެ.

ކެމިކަލް ހިމަނާފައި ހުންނަ މިންވަރު

ސަން ލޯޝަންގައި “ސަން ސްކްރީން” އަދި “ސަން ބްލޮކް” ވެސް ހުރެއެވެ. މި ދޭތިންވެސް ކުރެވެނީ އެއް ބޭނުމެކެވެ. ނަމަވެސް ތަފާތުކޮށެވެ. ކެމިކަލް ހިމަނާފައި ހުންނަ ސަން ސްކްރީންގައި އަވިން ހަންގަނޑަށް ލިބޭ ގެއްލުން ކެމިކަލް މެދުވެރިކޮށް ކުޑަކޮށްދެއެވެ. ފިޒިކަލް ނުވަތަ މިނަރަލް ސަން ބްލޮކްއިންވެސް އަވިން ހަށިގަނޑަށް ލިބޭ ގެއްލުންތައް ސަލާމަތްކޮށްދެއެވެ. ސަން ލޯޝަނެއް ގަންނައިރު އެމީހެއްގެ ހަންގަޑާއި ގުޅޭ އުފެެްދުމެއް ގަތުމަކީ މުހިންމު ކަމެކެވެ.

އެމީހަކަށް ފަސޭހަ ފޯމިއުލަރއެއް ގަތުން

ސަން ސްކްރީންގައި ތަފާތު އެކި ވައްތަރު ހުރެއެވެ. އޭގެތެރޭގައި ކަރީމް، ޖެލް، ލޯޝަން ހިމެނެއެވެ. އެހެންކަމުން ސަން ސްކްރީން އެއް ގަންނައިރު އެމީހަކަށް ފަސޭހަ ފޯމިއުލަރއެއް ގަތުމަކީ ވަރަށް މުހިންމު ކަމެކެވެ.

ފެނުގައި އުޅެވޭ ސަން ސްކްރީނެއް ގަތުން

ސަން ސްކްރީން ހާކައިގެން ފެނުގައި ނުވަތަ މޫދަށް ނުދިޔަ ނަމަވެސް ފެނުގައި އުޅޭވޭ ސަން ސްކަރީނެއް ގަތުމަކީ ވަރަށް މުހިންމު ކަމެކެވެ. ހާކާފައި ހުންނައިރު ދާހިތްލުން ފަދަ ކަމެއް ވިއަސް ގިނައިރު ހުންނާނީ އޭރުންނެވެ. ކޮންމެ 2 ގަޑިއިރަކުން ސަން ސްކަރީން ހޭކުމަކީ ވަރަށް މުހިންމު ކަމެކެވެ. ނުވަތަ މޫދަށް އެރުމަށްފަހު ނުވަތަ ސަން ސްކްރީން ހާކާފައި ހުރުމަށްފަހު މޫނު ތުވާއްޔަކުން ފަދަ އެއްޗަކުން ފޮހެފިނަމަ އަލުން ހާކަންވާނެއެވެ.