އެމްވީ ޕްލަސްގެ ވެބްސައިޓަށް ބޮޑެތި ބަދަލުތަކެއް

އެމްވީ ޕްލަސްގެ ވެބްސައިޓްގައި އައު ފީޗާރ ތަކެއް ހިމަނައި ބަދަލުތަކެެއް ގެނެސްފިއެވެ. މި ބަދަލުތަކުގެ ތެރޭގައި ކޮންމެ 2 މަހަކު ވަކި ޙާއްސަ މައްސަލައަކަށް ފޯކަސް ކުރުން ހިމެނެއެވެ. މިދިޔަ މިމަހު ފޯކަސް ކޮށްފައިވަނީ ކޮރަޕްޝަން ހުއްޓުވުމާއި ނޫސްވެރިކަމުގެ މިނިވަންކަމާ ގުޅޭގޮތުންނެވެ.

ކޮންމެ މަހަކުވެސް ފޯކަސްކުރާ މައުލޫއަކަށް ޙަބަރާއި ރިޕޯޓްތައް ގެނެސްދޭނެެއެވެ. މި ރިޕޯޓުތަކާއި ހަބަރުތަކަކީ އެ މައްސަލައަކަށް ފޯކަސްކޮށް މައްސަލައިގެ އަޑިއަށް ފީނައިގެން ވަރަށް ތަފްސީލީ ގޮތަކަށް ގެެނެސްދޭ ޙާބަރާއި ރިޕޯޓުތަކެކެވެ.

advertisement

ވެބްސައިޓަށް އަލަށް ގެނެސްފައިވާ އަނެއް ބަދަަލަކީ އަލަށް އިތުރުކޮށްފައިވާ ވިޔަފާރި ސެގްމަންޓެވެ. މި ސެގްމަންޓްގައި ގެނެސްދޭނީ ވިޔަފާރިތަކާއި ގުޅޭ މައުލޫމާތެވެ. މީގެއިތުރުން ވިޔަފާރިތަކުން ކުރިއަށްގެންދާ ޕްރޮމޯޝަނަލް އެކިއެކި ހަރަކާތްތައްވެސް މި ސެގްމަންޓްގައި ކިޔުންތެރިންނާއި ހަމައަށް ގެނެސްދޭނެއެވެ. މި ސެގްމަންޓްގައި ވިޔަފާރިއެއްގެ މައުލޫމާތު ހިމަނާލަން ބޭނުންވާ ހުރިހައި ފަރާތަކަށްވެސް އެ ފުރުސަތު ވަނީ ހުޅުވާލެވިފައެވެ.

ވެބްސައިޓަށް ދެން ގެނެސްފައިވާ އަނެއް ބަދަލަކީ ޕެޓިޝަން ސެގްމަންޓެވެ. މިއީ މުޖްތަމައުގައި ހުރި އެކިއެކި މައްސަލަތަކާއި ގުޅޭގޮތުން އާންމުންނަށް ހިޔާލު ހުށައެޅުމުގެ ފުރުސަތު ފަހިކޮށްދިނުމަށް އިތުރުކުރެވިފައިވާ ބައެކެވެ. ޕެޓިޝަން މި ސެގްމަންޓް މެދުވެރިކޮށް އާންމުންނަށް ސަރުކާރުގެ އެކިއެކި މުވައްސަސާ، މަޖިލިސް، އަމިއްލަ ޖަމިއްޔާ ޖަމާއަތްތަކާއި ގުޅޭގޮތުން ހުރި ކަންބޮޑުވުންތައް ހުށައެޅޭނެއެވެ. އާންމުން ހުށައަޅާ މައްސަލަތަކަށް 1000 މީހުންގެ ސޮއި ލިބިއްޖެނަމަ އެ ޕެޓިޝަނެއް ކަމާގުޅޭ މުވައްސަސާއަކަށް ހުށައަޅާނެއެވެ. 3000 ސޮއި ލިބިއްޖެނަމަ މަޖިލީހަށް އަދި 5000 ސޮއި ލިބިއްޖެނަމަ ރައީސުލްޖުމްހޫރިއްޔާގެ އޮފީހަށް ހުށައަޅާނެއެވެ.

https://opinion.plus.mv/petitions

މީގެ އިތުރުން ކުރީގެ ކޫ.އެމްވީ އަކީ މިހާރުގެ ލައިފްސްޓައިލް ސެގްމަންޓެވެ.

އެމްވީ ޕްލަސް ވެބްސައިޓްގެ ބޭނުމަކީ މުޖްތަމައުގައި ހުރި އާންމުންނާއި ގުޅުންހުރި މައްސަލަތައް ދެނެގަނެ އެކަންކަމަށް ހައްލު ހޯދައިދިނުމެވެ. ވެބްސައިޓަށް އަލަށް ގެނައި ބަދަލުތަކުގެ ބޭނުމަކީވެސް މިމަގަށް މަސައްކަތްކުރުމަށް ގެނެވުނު ބަދަލުތަކެކެވެ.