މާބަނޑު ދުވަސްވަރު ލޭގެ ޕްރެޝަރު މަތިނަމަ ކާނީ ކޯއްޗެއް؟

މާބަނޑު ދުވަސްވަރަކީ އަންހެނުންނަށް ގިނަ ސިއްހީ މައްސަލަތަކެެއް ކުރިމަތިވާ ދުވަސްވަރެކެވެ. އޭގެތެރޭގައި ލޭގެ ޕްރެޝަރު މަތިވުމަކީ ވަރަށް ގިނަ އަންހެނުންނަށް ކުރިމަތިވާ ކަމެކެވެ. މިކަމުގެ ސަބަބުން މައިމީހާއަށާއި ބަނޑުގައި އޮންނަ ދަރިފުޅުގެ ސިއްހަތަށް ވެސް ނުރައްކާވެ އެވެ. އެހެންކަމުން ލޭގެ ޕްރެޝަރު މަތިނުވެ ބެހެއްޓުމަށްމސަމާލުކަން ދިނުން މުހިންމެވެ. ތަޖުރިބާކާރުން ބުނާ ގޮތުގައި ކެއުމުގެ ވައްޓަފާޅި އަށް ގެންނަ ބަދަލަކުން ލޭ މައްޗަށް ދިއުން ކުޑަކުރެވިދާނެ އެވެ. އެގޮތުން މާބަނޑު ދުވަސްވަރުގައި ލޭގެ ޕްރެޝަރު ދަށްކުރުމަށް ކެވިދާނެ ބައެއެް ކާނާގެ ތެރޭގައި:

ފެޓީ އެސިޑްސް

ފެޓީ އެސިޑްސް ގިނައިން ހިމެނޭ ކާނާގެ ތެރޭގައި އެވޮކާޑޯ، ޗިއާ ސީޑްސް، ހެޒެލް ނަޓް، ވޮލްނަޓް، ސަލްމަން، ބްރެޒިލް ނަޓްސް ކާށިތެޔޮ އަދި އޮލިވް އޮއިލް ހިމެނެ އެވެ.

advertisement

ވިޓަމިން ޑީ

މާބަނޑި ދުވަސްވަރު ލޭގެ ޕްރެޝަރު މަތިވާ އެއް ސަބަބަކީ ވިޓަމިން ޑީ ހަށިހަނޑުން މަދުވުމެވެ. އެހެންވެ އެ މާއްދާ އެކުލެވޭ ބާވަތްތައް ޑައިޓްގެ ތެރޭގައި ހިމަނައިލުމުން މައްސަލަ އަށް އެކަށީގެންވާ ހައްލެއް ލިބޭނެ އެވެ. ހަމަމިއާ އެކު ދުވާލަކު މަދުވެގެން 15 މިނިޓް އިރުގެ އަވި ހަށިގނަޑަށް ފޯރުމަކީ ވެސް ވިޓަމިން ޑީ ލިބޭނެ ކަމެކެވެ.

ވިޓަމިން ޑީ އެކުލެވޭ ބާވަތްތަކުގެ ތެރޭގައި ޗީޒް، ކަޅުބިލަ މަސް، އޮރެންޖް، ސޯއި މިލްކް، ބިހުގެ ގޮބޮޅި އަދި ސީރިއަލްސް ހިމެނެ އެވެ.

ހޯލް ގްރެއިން

މިއީ ހަށިގަނޑަށް އެންމެ ބޮޑަށް ހަކަތަ ގެނެސްދޭނެ ބާވަތްތަކެވެ. އެގޮތުން މާބަނޑު ދުވަސްވަރު ބްރައުން ރައިސް އާއި ގޮދަން ފުށް ފަދަ ބާވަތްތަކުން ތައްޔާރުކުރާ ކާނާ ކެއުން މުހިއްމެވެ.

ކެލްސިއަމާއި މެގްނީއަޒިއަމ

ކެލްސިއަމާއި މެގްނީޒިއަމް ފަދަ މާއްދާތަކުން މުއްސަނދިވެފައިވާ ކާނާތަކަކީ އަންހެނުންގެ ލޭގް ޕްރެޝަރު ހަމައަކަށް އަޅުވައިދޭން ވަރަށް މުހިއްމު ބާވަތްތަކެކެވެ. އޭގެ ތެރޭގައި ފެހިކަން ގަދަ ފަތްޕިލާވެލީގެ ބާވަތްތަކާއި ތަރުކާރީ ހިމެނެ އެވެ.އެގޮތުންި ސްޕިނެޗް، ކޭލް، ބްރޮކޮލީ، ސެލެރީ، ގްރީން ބީންސް، ފިޔާ އަދި ޓޮމާޓޯ ހިމެނެ އެވެ.

ސޯޑިއަމް

ސޯޑިއަމް އެކުލެވޭ މޭވާއާއި ތަރުކާރީގެ ތެރޭގައިި އާފަލު، އަލަނާސި، ޕެއާޒް، އަންނާރު، ބެރީޒް، ޕްލަމްސް އަދި ގްރީން ޕީސް ހިމެނެ އެވެ. އެހެންކަމުން މާބަނޑު ދުވަސްވަރުގައި ލޭގެ ޕްރެޝަރު ދަށްކުރުމަށް މިބާވަތްތައް ކެއުމުގައި ބޭނުންކުރެވިދާނެއެވެ.