ޓެކަރސް މައިލޯ ޗެމްޕިއަންޝިޕް މޯލްޑިވްސް ކަޕްގެ ފައިނަލް މިމަހުގެ 10 ގައި

މުޅި ރާއްޖޭގައި ކުރިއަށްގެންދިޔަ ފޯރިގަދަ ފުޓްސަލް މުބާރާތް “ޓެކާސް މައިލޯ ޗެންޕިއަންޝިޕް މޯލްޑިވްސް ކަޕް” ގެ ފައިނަލް މެޗު މި މަހުގެ 10 ވަނަ ދުވަހު އޮންނާނެއެވެ. މި މެޗު އޮންނާނީ 10 ވަނަ ދުވަހު ކުޑަހެންވޭރު ފުޓްސަލް ދަނޑުގައެވެ.

މުބާރާތުގެ ފައިނަލްގައި ބައްދަލުކުރާނީ އުތުރު ޒޯނުގެ ޗެމްޕިއަން ހދ. ކުޅުދުއްފުއްޓާއި ދެކުނު ޒޯނުގެ ޗެމްޕިއަން ގދ. ވާދޫއެވެ.

advertisement

ކުޅުދުއްފުށީ ޓީމުން މުބާރާތުގައި އަތޮޅުގެ ޗެމްޕިއަންކަން ހޯދީ، ފައިނަލުގައި ހަނިމާދޫ 4-2 އަކުން ބަލިކޮށްގެންނެވެ. އޭގެ ފަހުން އުތުރު ޒޯނުގެ ޗެމްޕިއަންކަން އެޓީމުން ހޯދީ ފައިނަލްގައި ޕެނަލްޓީ ޖަހައިގެން 11-10ން ރ. ދުވާފަރު ބަލިކޮށްގެންނެވެ.

ގދ އަތޮޅުން އިތުރު ޓީމެއް ބައިވެރިނުވާތީ، ވާދޫ ޓީމު ވަނީ ޒޯން 4 ބްލޮކް 1ގެ ފައިނަލަށް ދަތުރުކޮށްފައެވެ. މި ފައިނަލުގައި ވާދޫ ކުރިހޯދީ ކޮނޑޭ 2-0 އަކުން ބަލިކޮށްގެންނެވެ. ޒޯން 4ގެ ޗެންޕިއަންކަނ ވާދޫން ކާމިޔާބުކުރީ ފުވަމުލަކާ ވާދަކޮށް 2-1 އިން މޮޅުވެގެންނެވެ. ދެކުނުގެ ޗެމްޕިއަންކަން ވާދޫއަށް ލިބުނީ، ފައިނަލުގައި އެޓީމާ ވާދަކުރަން އޮތް މ. މުލަކު ޓީމު މުބާރާތް ދޫކޮށްލުމުންނެވެ.