ކުއްޖާއަށް ޕޮޒިޓިވްކޮށް އަދަބުދޭނީ ކިހިނެތް؟

ކުއްޖާގެ އަމަލުތައް ހުންނަ ގޮތައް ބަލައި ބައެއްފަހަރު ކުއްޖާއަށް އަދަބު ދޭންޖެހޭ ފަހަރުވެސް އާދެއެވެ. އެހެންކަމުން ގޯސްކަމެއް ކުރެވުމުން ދަރިފުޅުގެ އުމުރާއި އެކަށީގެންވާ ގޮތައް އަދަބުދީ އެކުރެވުނީ ގޯސްކަމެއްކަން ދަރިފުޅަށް ބުނެދޭންޖެހެއެވެ. މި އާޓިކަލްގައި މި ބަލާލަނީ ދަރިފުޅަށް ޕޮޒިޓިވްކޮށް އަދަބުދެވިދާނެ ގޮތްތަކަށެވެ.

• މާކަރ ސިސްޓަމް

މިއީ ސްކޫލްގައި ކުދިންނަށް އަދަބު ދިނުމަށް ބޭނުންކުރެވިދާނެ ގޮތެކެވެ. އެގޮތުން ކުއްޖާ ގޯސްކަމެއް ކުރުމުން މާކަރުން އެކަން ފާހަގަކުރާށެވެ. އަދި ރަނގަޅު ކަމެއް ކުރުމުން ގޯސްކޮށް ކުރި ކަންތައް ފުހެލެވިދާނެއެވެ. އަދި އެއްވެސް ގޯސްކަމެއް ނުކުރާ ކުދިންނަށް ހަދިޔާ ދިނުމަކީވެސް ކުރެވިދާނެކަމެކެވެ.

advertisement

• އެއްޗެއް ލިޔަން ހަވާލުކުރުން

ކުއްޖާ ގޯސްކޮށް ކަމެއް ކުރުމުން ކުއްޖާ ލައްވައި އެސޭއެއް ނުވަތަ އެނޫންވެސް އެއްޗެއް ލިޔުއްވިދާނެއެވެ. މިއީ އަނިޔާނުކޮށް ދަރިފުޅަށް ޕޮޒިޓިވްކޮށް އަދަބު ދެވިދާނެ ގޮތެކެވެ.

• ގޭތެރޭގެ މަސައްކަތް ކުރުވުން

ކުއްޖާގެ އުމުރާއި ގުޅޭގޮތައް އޭނާއަށް ކުރެވޭ ފަދަ ގޭތެރޭގެ މަސައްކަތްތައް ކުއްޖާ ލައްވައި ކުރުވުމަކީ އަދަބު ދިނުމުގެ ގޮތުން ކުރެވިދާނެކަމެކެވެ.

• ބޭރަށްދިއުން މަނާކުރުން

ކުއްޖާއަށް ގޯސްކޮށް ކަމެއް ކުރެވިއްޖެކަން އިހްސާސްކޮށްދިނުމުގެ ގޮތުން އޭނާގެ ރަހުމަތްތެރިންނާއިއެކު ވަކި މުއްދަތަކަށް ބޭރަށް ދިއުން މަނާކުރުމަކީ ޕޮޒިޓިވްކޮށް އަދަބު ދެވިދާނެގޮތެކެވެ.

• އަވަހަށް ނިދަން ފޮނުވުން

ކުޑަކުދިން ގޯސްކަމެއް ކުރުމުން ނެޕް ޓައިމް އިތުރުކުރުމަކީ ކުރެވިދާނެކަމެކެވެ. އަދި ތަންކޮޅެއް އުމުރުން ދޮށީ ކުދިންނަށް ޕޮޒިޓިވްކޮށް އަދަބު ދިނުމަށް ނިދަންދާ ވަގުތު އަވަސްކުރުމަކީވެސް އަދަބު ދިނުމުގެ ގޮތުން ކުރެވިދާނެކަމެކެވެ.

• ކިޔަވާ ވަގުތު އިތުރުކުރުން

ކުއްޖާ ބަސްނާހާ ނުވަތަ ގޯސްކަމެއް ކުރުމުން އަދަބު ދިނުމުގެ ގޮތުން ކިޔަވަންޖެހޭ ވަގުތު އިތުރުކޮށްލާށެވެ.