އަމިއްލަ  ނަފްސާއި އަދި ދިރިއުޅުމާއިމެދު ޝުކުރުވެރިވުމަށް މިކަންކަން ކޮށްލާ

ކޮންމެ ދުވަހެއްގެ ދިރިއުޅުމުގައިވެސް ޝުކުރުވެރިވާ ގިނަ ކަންތައްތަކެއް އަހަރެމެންގެ ދިރިއުޅުމުގައި ކުރިމަތިވެއެވެ. ނަމަވެސް ދިރިއުޅުމާއިމެދު ޝުކުރުވެރިވެ ކުރެވޭނީ ކީތްތޯ ބައެއް މީހުން ސުވާލުއުފެދިދާނެއެވެ. ކުރެވޭ ކުޑަކުޑަ ކަމަކުންވެސް ތިމާއަށް ޕޮޒިޓިވްކޮށް ދިރިއުޅުމާއިމެދު ވިސްނާ ހިތްހަމަޖެހިލެވިދާނެއެވެ. މި އާޓިކަލްގައި މި ބަލާލަނީ ދިރިއުޅުމުގައި ޝުކުރުވެރިވެ ހުރުމަށް ކުރެވިދާނެ ބައެއް ކަންތައްތަކަށެވެ.

ޖާނަލިން

ދިރިއުޅުމުގައި ދިމާވާ ކަންތައްތަކާއިމެދު ޝުކުރުވެރިވުމުގެ ގޮތުން ކުރެވިދާނެ އެންމެ ފަސޭހަ ކަމަކީ ޖާނަލްއެއް ލިޔުމެވެ. މި ޖާނަލްގައި ތިމާ ގްރޭޓްފުލް ނުވަތަ ޝުކުރުވެރިވާ ކަންތައްތައް ލިޔެވިދާނެއެވެ. މި ޖާނަލްގައި ފާއިތުވެދިޔަ ހަފްތާއެއް، ދުވަހެއްގައި ދިރިއުޅުމުގައި ހިނގާފައިވާ ޝުކުރުވެރިވާ ކަންކަން ލިޔެވިދާނެއެވެ. އެއިރުން ޕޮޒިޓިވް ކަންކަމަށް ފޯކަސް ކުރުމަށް އެހީތެރިވެދޭނެއެވެ.

advertisement

ގްރެޓިޓިއުޑް ޖަރ

މިއީ ޖަރ އަކީ މީހާގެ ވެލްބީންއަށް ވަރަށް މުހިންމު އެއްޗެކެވެ. މިއަށް ބޭނުންވާނީ މަތިޖެހޭ ކަހަލަ ޖަރއަކާއި އެ ޖަރ ޑެކަރޭޓްކުރުމަށް އަމިއްލައަށް ބޭނުންވާނެ އެއްޗެކެވެ. އަދި ކަރުދާހާއި ގަލަން ނުވަތަ ފަންސޫރެކެވެ. އަމިއްލަ މީހާގެ ގްރެޓިޓިއުޑް ނޯޓްތައް ލިޔުމަށްފަހު މި ޖަރއަށް އަޅާށެވެ. މިއީވެސް އަމިއްލަ ނަފްސަށް އަދި ދިރިއުޅުމާއިމެދު ޝުކުރުވެރިވެ މީހާގެ ވެލެބީންއަށް ކުރެވިދާނެ ވަރަށް ފަސޭހަ ކަމެކެވެ.

ގްރެޓިޓިއުޑް ރޮކް

މިއީ ބައެއް މީހުންނަށް ވަރަށް މަޖާ ކަމަކަށްވެސް ވެދާނެއެވެ. ނަމަވެސް ތިމާ ގަޔާވާ ކަހަލަ ގާކޮޅެއް ހޯދާށެވެ. ފަހަރުގައި ގަޔާވަނީ އެ ގާކޮޅު ރީތިކަމުން އޮމާންކަމުން ނުވަތަ އެނޫންވެސް ސަބަބަކާއިހެދި ކަމަށްވެސް ވެދާނެއެވެ. މި ގާކޮޅު ޖީބުގައި ނުވަތަ މަސައްކަތްކުރާ މޭޒުމަތީގައި ނުވަތަ ކަރުގައި އަދި އަތުގައިވެސް އެޅިދާނެއެވެ.

ކޮންމެ ފަހަރަކު މި ގާކޮޅު ފެންނައިރަށް ތިމާ ޝުކުރުވެރިވާ ކަމެއް ހަނދާންވާނެއެވެ. އެއީ އިރުއަރައ އޮއްސުން ކަމުގައިވެސް ވެދާނެއެވެ.

ގްރެޓިޓިއުޑް ބޮކްސް

މިއީ ތިމާ ލޯބިވާ މީހުންނަށް އެއީ ކިހާ މުހިންމު ބައެއްކަން އަންގައިދީ އެމީހުންދެކެ ވާލޯބި އަންގާލުމަށްޓަކައި ކުރެވިދާނެ ކަމެކެވެ. މީގައި ކަރުދާސްކޮޅެއްގައި އެމީހުންނަށް ޙާއްސަ މެސެޖެއް ލިޔެލާށެވެ. އަދި އެހެންމީހުންގެ މެސެޖްތައް ވެސް މި ބޮކްްސްއަށް ލެވިދާނެއެވެ. އެއަށްފަހު ޙާއްސަ ދުވަހެއްގައި އެމީހަކަށް ހަދިޔާއަކަށް މީގެ ބޮކްސްއެއް ދިނުމަކީ ކުރެވިދާނެ ކަމެކެވެ.

ސިޓީއެއް ލިޔުން

މިއީ މީހެއްގެ އަގުވަޒަންކޮށް ޝުކުރު އަދާކުރުމަށް ކުރެވިދާނެ އެންމެ މުހިންމު އެއް ކަންތަކެވެ. އޭނާއަކީ ތިބާގެ ދިރިއުޅުމުގައި ކިހާ މުހިންމު މީހެއްކަން ބުނެދީ ޝުކުރުވެރިވެ ސިޓީއެއް ލިޔާށެވެ. މި ސިޓީ އަމިއްލައަށް އަތުން އަތައްވެސް ދެވިދާނެއެވެ. އަތުން އަތައް ދިނުމަކީ އެންމެ ރަނގަޅު ގޮތެވެ.