މިތަކެތިން ލޭގެ ޕްރެޝަރު ދަށްކޮށްދޭނެ

އިންސާނާގެ ހަށިގަނޑުގައި ހިނގާ ލޭހަށިގަނޑުގެ އެކި ގުނަވަންތަކަށް ފޮނުވައި ދިނުމުގައި ނުވަތަ ލޭހިނގުމުގައި ވަކި މިންވަރެއްގައި އަބަދުވެސް ހިނގަހިނގާ ހުރެއެވެ. ހަށިގަނޑުގައި ލޭހިނގުމުގެ މިންގަނޑު ނުވަތަ ލޭގެ ޕްރެޝަރު ހުންނަންޖެހޭ މިންވަރަށްވުރެ މަތިކޮށް ހުންނަނަމަ އެއީ ލޭމައްޗަށްދިއުން ކަމުގައި ބެލެވެއެވެ. ހަށިގަނޑުގައި ލޭގެ ޕްރެޝަރު ހުންނަންޖެހޭ މިންގަނޑުގައި ހުރުމަކީ ޞިއްޙަތު ސަލާމަތުން ހުރުމަށްޓަކައި ކޮންމެހެން ބޭނުން ކަމެކެވެ.

ލޭގެ ޕްރެސަރުގައި މައްސަލައެއް ނެތްކަމަށް އާންމު ގޮތެއްގައި ބަލަނީ ސިސްޓޮލިކް ޕްރެސަރ ގައި ޕްރެސަރު 120 އެމްއެމްއެޗްޖީ (މިލިމީޓަރ އޮފް މާކިއުރީ) އަށްވުރެ ދަށް ނަމަ އެވެ. އަދި ޑަޔަސްޓޯލިކް ޕްރެސަރގައި ނަމަ ޕްރެސަރު 80 އެމްއެމްއެޗްޖީއަށްވުރެ ދަށް ނަމަ ބަލަނީ ލޭގެ ޕްރެސަރުގައި މައްސަލައެއް ނެތް ކަމަށެވެ. ލޭގެ ޕްރެސަރު “ނޯމަލް” ކަމަށެވެ.

advertisement

ލޭގެ ޕްރެސަރު މަތި ކަމުގައި ބަލަނީ ސިސްޓޮލިކް ޕްރެސަރުގައި ނަމަ ޕްރެސަރު 140 އެމްއެމްއެޗްޖީ އަށްވުރެ މަތި ނަމަ އެވެ. އަދި ޑަޔަސްޓޯލިކް ޕްރެސަރުގައި ޕްރެސަރު 90 އަށްވުރެ މަތި ނަމަ އެވެ.

ލޭމައްޗަށް ދިއުމުން ރައްކާތެރިވުމަށް ބޭނުންކުރެވިދާނެ ބައެއް ކާނާތައް ހުރެއެވެ. އޭގެތެރޭގައި:

• ސިޓްރަސް ޕްރުޓް

ސިޓްރަސް ޕްރުޓްގެ ތެރޭގައި ލޭމައްޗަށް ދާނަމަ ގްރޭޕް ފުރުޓް، އޮރެންޖް، ލުނބޯ ބޭނުންކުރެވިދާނެއެވެ. މިއީ މިޓަމިންސްއާއި މިނަރަލްސް ގިނައިން އެކުލެވޭ ތަކެއްޗަށް ވުމުގެ ސަބަބުން ހިތުގެ ދުޅަހެޔޮކަން އިތުރުކޮށްދީ ލޭމައްޗަށް ދިއުމުން ރައްކާތެރިކޮށްދެއެވެ.

• ސަލްމަން

މަހުގެ ބާވަތްތަކަކީ ލޭމައްޗަށްދާ މީހުންނަށް ވަރަށް ރަނގަޅު ބާވަތެކެވެ. މަހުގައި ހިމެނޭ އޮމެގާ3 ގެ ސަބަބުން ހިތުގެ ދުޅަހެޔޮކަން އިތުރުކޮށްދީ ލޭމައްޗަށް ދިއުމާއި އަދި އިންފްލެމޭޝަންއަށް އެހީތެރިވެދެއެވެ.

• ފެހިކަންގަދަ ފަތް

ފެހިކަންގަދަ ފަތަކީ ސިއްހީ ވަރަށް ގިނަ ކަންކަމަށް އެހީތެރިވެދޭ އެއްޗެކެވެ. އެގޮތުން މިއީ ބްލަޑ ޕްރެޝަރަށްވެސް ރަނގަޅު އެއްޗެކެވެ. ފެހިކަން ގަދަ ފަތުގައި ގިނަ އަދަދަކަށް ނިއުޓްރިޝަން އެކުލެވެއެވެ. އޭގެތެރޭގައި ޕޮޓޭޝިއަމްއާއި މެގްނޭޝިއަމްވެސް ހިމެނެއެވެ. މިއީ ލޭމައްޗަށް ދިއުން ހައްލުކޮށްދޭ އެއްޗެކެވެ.

• ބަރަބޯ އޮށް

ބަރަބޯ އޮށުން ވާނީ ކޮންކަމެއްތޯ ބައެއް މީހުން ސުވާލުއުފައްދަފާނެއެވެ. ނަމަވެސް މިއީ ގިނަ އަދަދަކަށް ނިއުޓްރިޝަން ހިމެނޭ އެއްޗެކެވެ. އޭގެތެރޭގައި މެގްނޭޝިއަމް، ޕޮޓޭޝިއަމް، އާޖިނިން، އަމިނޯ ހިމެނެއެވެ. މި ހުރިހައި ބާވަތްތަކަކީވެސް ލޭގެ ޕްރެޝަރު ދަށްވުމަށް އެހީވެދޭ މާއްދާތަކެވެ.

• ބެރީސް

ބެރީސްއަކީ ގިނަ އަދަދަކަށް އެންޓިއޮކްސިޑެންޓް ގިނަ އަދަދަކަށް އެކުލެވޭ ބާވަތެކެވެ. އެހެންކަމުން ހިތުގެ ބަލިތަކާއި އަދި ލޭގެ ޕްރެޝަރު ދަށްވުމަށް ބެރީސް އެހީތެރިވެދެއެވެ.

މީގެއިތުރުންވެސް ޕިސްޓާޗިއޯސް، ކެރެޓް، ޓޮމާޓޯ އަދި ޓޮމާޓޯގެ އެކި އުފެއްދުންތަކުގެ އިތުރުން ބްރޮކޮލީއާއި، ގްރީކް ޔޯގަޓްއާއި، ހާރބްސް، ޗިއާ ސީޑް ބީޓް ގްރީން، ސްޕިނެޗްއަކީވެސް ލޭގެ ޕްރެޝަރު ދަށްވުމަށް އެހީތެރިވެދޭ ތަކެއްޗެވެ.

ލޭގެ ޕްރެޝަރު މަތިވާނަމަ ފެނިދާނެ ބައެއް އަލާމާތްތައް:

• ބޮލުގައި ރިހުން
• ބޯއެނބުރުން
• ނޭފަތުން ލޭއައުން
• ފައިފޮއްސިވުން
• ނޭވާކުރުވުން
• ހިތުގެ ވިންދު ޖެހުމުގެ ހަމަ ގެއްލުމާއި ވިންދު އަވަސްވުން
• ލޯއަނދިރިވުން
• ފައިގެ ކުޑަހުޅު އަތުގެ އިގިލިތައް ދުޅަވުން

ލޭމައްޗަށް ދިއުމުން ފަރުވާ ނުހޯދައި ގިނަދުވަސް ވުމުން ލޭނާރުތަކުގެ ތެރޭގައި މައްސަލަ ޖެހި، ހަށިގަނޑުގެ އެކި ގުނަވަންތަކަށް ގެއްލުންވެ، ފުރާނައަށް ނުރައްކާވާ ހިސާބަށް ދެއެވެ. އެގޮތުން ދިމާވެދާނެ ނުރައްކާތަކުގެ ތެރޭގައި:

• ސިކުނޑީގެ ނާރުތައް ފަޅައިގެން ދިއުމާއި، ބެދުމުގެ ސަބަބުން ވާގިނެތޭ ބަލި ޖެހުން ނުވަތަ ސްޓްރޯކްޖެހުން .
• ލޯއަނދިރިވުން
• ގުރުދާ ގެ މައްސަލަތައް ދިމާވުމާޢި ގުރުދާ ފޭލްވުން
• ހިތުގެ މައްސަލަތައް ކުރިމަތިވުމާއި ހިތުގެ މަސައްކަތް ހުއްޓުން
• ހާޓް އެޓޭކް ޖެހުން.

އާއިލާގައި މި ބަލީގެ ތާރީހެއް އޮތް ނަމަ، އަދި ލޭގެ ޕްރެޝަރާއި މެދު ކަންބޮޑުވެލައްވާނަމަ އެންމެ ރަނގަޅު ގޮތަކީ ޑޮކްޓަރެއްގެ ލަފައާއި އެހީތެރިކަން ހޯދުމެވެ.