ހުޅުމާލެ ދެވަނަ ފޭސް ގައި ” ހިޔާ މެޑިކަލް ސެންޓަރ ” ނަމުގައި މެޑިކަލް ސެންޓަރ އެއް

ުޅުމާލެ ދެވަނަ ފޭސްގައި ދިރިއުޅޭ ރައްޔިތުންނަށް ސިއްޙީ ފަރުވާ ފޯރުކޮށްދިނުމުގެ ގޮތުން ސަރުކާރުން ކަނޑައެޅި ހަތަރު މެޑިކަލް ސެންޓަރުގެ ތެރެއިން ފުރަތަމަ މެޑިކަލް ސެންޓަރ ހުޅުވައިފިއެވެ. މި މެޑިކަލް ސެންޓަރުގެ ނަމަކީ ހިޔާ މެޑިކަލް ސެންޓަރއެވެ.

މިއީ ލައިފް ސަރޕޯޓް މެޑިކަލް ސަރވިސަސްގެ ފެސިލިޓީއެކެވެ.

advertisement

ައިފް ސަރޕޯޓް މެޑިކަލް ސަރވިސަސްގެ ފަރާތުން ވާހަކަ ދައްކަވަމުން މެނޭޖިން ގ ޑިރެކްޓަރ ކެޕްޓަން އަޙްމަދު މައުމޫނު ވިދާޅުވީ މި މެޑިކަލް ސެންޓަރ އަކީ މި ވަގުތު ހިޔާގެ ރައްޔިތުންނަށް ކުރިމަތި ވެފައިވާ ސިއްޙީ ފަރުވާ ހޯދުމުގެ ދަތިތަކަށް ހައްލެއް ގެނައުމުގެ ވަރަށް ބޮޑު އުންމީދަކާއި އެކު ކުރެވިފައިވާ ކަމެކެވެ. އެގޮތުން މިމެޑިކަލް ސެންޓަރގައި 5 ކޮންސަލްޓޭޝަން ރޫމް އާއި، އެކްސްރޭ، ސްކޭން، ޑެންޓަލް އަދި މައިނަރ ޕްރޮސީޖަރސްއާއި، ޑޭ އޮބްޒަވޭޝަންގައި ޕޭޝަންޓް ބޭއްވޭނެ ފަދަ ޚިދުމަތްތަށް ހަމަޖެހިފައި ވެއެވެ.

މިމެޑިކަލް ސެންޓަރ އޮފަރޭޝަން ހިންގާނެ ގޮތާއި މެދު ވާހަކަ ދައްކަވަމުން މައުމޫން ވިދާޅުވީ ކޮންމެ ބޭފުޅެއްވެސް ކޯލް ސެންޓަރއަށް ގުޅުއްވުމުން ލިބޭ އެޕޮއިންޓްމަންޓް ގަޑިއަށް ވަޑައިގަތުމުން ޑޮކްޓަރަށް ދެއްކޭ ގޮތަށް ވަނީ ހަމަޖެހިފައެވެ.

އެހެންކަމުން ހުރިހާ ބޭފުޅުންވެސް އެޕޮއިންޓްމަންޓް ގަޑިއަށް ފަރުވާތެރިވުމަށް މައުމޫން އިލްތިމާސް ކުރެއްވިއެވެ. މި މެޑިކަލް ސެންޓަރ އަކީ އަތުން ވީހާވެސް ކުޑަ އެއްޗެއް ހަރަދުކޮށްފައި އާސަންދަ މެދުވެރިކޮށް ޚިދުމަތް ލިބޭނެގޮތަށް ބައްޓަން ކުރެވިފައިވާ ތަނެކެވެ. އަދި މިވަގުތު އާސަންދަ ހަމަޖެހިފައި ނުވާތީވެ މަސައްކަތް ކުރަމުން ގެންދާނީ އާސަންދަ ނުލައެވެ. މި ސެންޓަރ އޮފަރޭޓްކުރާނީ ހެނދުނު 0800 އިން ރޭގަނޑު 1000 އަށެވެ. އަޅުގަނޑުމެން ދޭ ޖެނެރަލް ޚިދުމަތްތަކުގެ އިތުރަށް ސްޕެޝަލައިޒް ޚިދުމަތްތައް ވެސް ލިބޭނެއެވެ. މިގޮތުން އަންހެނުންގެ ހާއްސަ ބަލިތަށް، ކުޑަކުދިންނަށާއި ކަށީގެ ފަރުވާއާއި، ކަރުންމަތީގެ ބަލިތަށް، ހަމުގެ ބަލިތަށް އަދި ދަތުގެ ފަރުވާ ހިމެނެއެވެ.