މެޑްޓެކް މޯލްޑިވްސްއިން ޙޯމްކެއަރ އަށް ހާއްސަ އައު ޝޯރޫމެއް ހުޅުވައިފި

މެޑްޓެކް މޯލްޑިވްސްގެ އައު ޝޯރޫމްއެއް ހުޅުވައިފިއެވެ. މެޑްޓެކް މޯލްޑިވްސްއަކީ މެޑިކަލް ޓެކްނޮލޮޖީއާއި ހޮސްޕިޓަލްތަކަށް ބޭނުންވާ އެކިއެކި ސާމާނު އެންމެ ފުޅާ ދާއިރާއެއްގައި ރާއްޖެއަށް ސަޕްލައިކުރާ ކުންފުންޏެވެ. މެޑްޓެކްއިން އަލަށް ހުޅުވި ޝޯރޫމްގައި ޙާއްސަ އެހީއަށް ބޭނުންވާ މީހުންނާއި އަދި އުމުރުން ދުވަސްވީ މީހުންގައި ގޭގައި ބޭނުންކުރެވޭނެ ތަފާތު އެކިއެކި ސާމާނު ލިބެންހުންނާނެއެވެ.

މެޑްޓެކްގެ އަމާޒަކީ ޒަމާނީ ޓެކްނޮލޮޖީގެ ސާމާނު ރާއްޖެއަށް ގެނެސް އުމުރުން ދުވަސްވީ މީހުންނާއި ޙާއްސައެހީއަށް ބޭނުންވާ މީހުންގެ އިތުރުން އެނދުމަތިވެފައިވާ މީހުންގެ ދިރިއުޅުމަށް އުފާވެރިކަން ގެނެސްދީ އެމީހުންގެ ދިރިއުޅުން ފަސޭހަކޮށްދިނުމެވެ.

advertisement

މެޑްޓެކްއިން އަލަށް ހުޅުވި ޝޯރޫމްގައި ލިބެންހުރި ބައެއް ތަކެތީގެ ތެރޭގައި ތަފާތު އެކި ވައްތަރުގެ ފުރޮޅުލީ ގޮނޑިއާއި، ސްކޫޓަރާއި، މެޑިކަލް ފަރުނީޗަރާއި، އެނދާއި ގޮދަޑިއާއި، ވައިޓަލް ހެލްތް މޮނިޓަަރިން ޑެވައިސަސްއާއި، ވެއިޓް މެނޭޖްމަންޓް ޓޫލްސް ފަދަ ސާމާނު ހިމެނެއެވެ.
މި ތަކެތި މެޑްޓެކްއިން އަލަށް ހުޅުވި ޝޯރޫމްއަށް ވަޑައިގެން ވަގުތުން ބައްލަވައިގަނެވޭނެއެވެ. އައު ޝޯރޫމް ހުންނާނީ ނިކަގަސް ހިނގުމުގައި އެމްޑަބްލިއުއެސްސީ ހެޑް އޮފީސް ކައިރީގައެވެ. ޝޯރޫމް ހުޅުވާފައި ހުންނާނީ ހުކުރު ދުވަސް ފިޔަވައި ކޮންމެ ދުވަހަކު ހެނދުނު 9 އަކުން އިރުއޮއްސި 6 އަކަށެވެ. އަދި ރޭގަނޑު 8 އިން 10 އަކަށެވެ.

މެޑްޓެކްގެ ޝޯރޫމްއިން ލިބެންހުރި ހުރިހައި ޕްރޮޑަކްޓެއް އެ ކުންފުނީގެ ވެބްސައިޓްގައި އޮންލައިންކޮށްވެސް މައުލޫމާތާއިއެކު ފެންނަން ހުންނާނެއެވެ. އެހެންކަމުން ޝޯރޫމްއަށް ވަޑައިނުގަނެ އޮންލައިންކޮށްވެސް ތަކެތި ބައްލަވައިގަނެވޭނެއެވެ. އޮންލައިންކޮށް ތަކެތި ބައްލަވައިގަންނަވަން ބޭނުންފުޅުވާނަމަ ވެބްސައިޓް medtechmaldives.com/homecare އަށް ޒިޔާރަތްކޮށްލެވޭނެއެވެ.

މެޑްޓެއިން ބައްލަވައިގަންނަ މުދާ ރާވައިދިނުމާއި އަދި މެއިންޓަނެންސްގެ ޙިދުމަތްވެސް ފޯރުކޮށްދެއެވެ. އިތުރު މައުލޫމާތު ބޭނުންފުޅުވާނަމަ މެޑްޓެކްގެ ނަންބަރ 3338663 އަށް ގުޅައިގެން ނުވަތަ 9902225 އަށް ވައިބަރ ނުވަތަ ވަޓްސްއެޕް ކޮށްގެންވެސް މައުލޫމާތު ސާފުކުރެއްވޭނެއެވެ.